قول لنا علي موقفك في التثبيت..

**start_wow** · 10-01-2013 07:17 PM

السلام عليكم ورحمة الله وبركاته..
سؤال فكرت فيه..هوا ليه السارق بيستسهل تثبيت عربية عن التانية ؟يعني ليه بيختار عربية معينة والباقي لأ ولا هوا حسب ما بيطلع وظروفه تطلع اي عربية او اي موديل " اهو رزق برضه" ..طيب ليه اماكن معينة واماكنن تانية لأ..وليه ببرضه لما بيصمم علي عربية يبقي هيا لازم العربية دي ؟ طيب لو عايزين نقلل من احتمالات تثبيت العربية نعمل ايه وخاصة انه دلوقتي السرقة بقت بتم الضهر والساعة 8 مساء يعني مش متأخر..حاجة بقت غريبة..

**Ahmed_Adham** · 10-01-2013 07:32 PM

تقريبا حسب الطلب على العربيه يعني انا اعرف ان السيراتو والعربيات الربع نقل مطلوبين جدا. ناس بتقول بيفككوهم ويبيعوهم على انهم قطع غيار استيراد وناس بتقول بيهربوهم غزه في الانفاق.

موضوع بقى تقلل احتمال التثبيت ازاي فمتمشيش في حته مشبوهه او مقطوعه ولو عندك نيه تقاوم يبقى تشيل سلاح ولو حتى شومه بس لو اتقفشت في كمين هتبقى مشكله وهتتحسب بلطجي.

**abogharib** · 10-01-2013 07:45 PM

المشاركة الأصلية كتبت بواسطة Ahmed_Adham

تقريبا حسب الطلب على العربيه يعني انا اعرف ان السيراتو والعربيات الربع نقل مطلوبين جدا. ناس بتقول بيفككوهم ويبيعوهم على انهم قطع غيار استيراد وناس بتقول بيهربوهم غزه في الانفاق.

موضوع بقى تقلل احتمال التثبيت ازاي فمتمشيش في حته مشبوهه او مقطوعه ولو عندك نيه تقاوم يبقى تشيل سلاح ولو حتى شومه بس لو اتقفشت في كمين هتبقى مشكله وهتتحسب بلطجي.

+111111
بس هتتحسب بلطجى ليه العربيه باسمك و رخصك سليمه و معاك حاجه بتدافع بيها عن نفسك

CTRL + Q to Enable/Disable GoPhoto.it

**Land_Cruiser** · 10-01-2013 07:53 PM

المشاركة الأصلية كتبت بواسطة abogharib

+111111
بس هتتحسب بلطجى ليه العربيه باسمك و رخصك سليمه و معاك حاجه بتدافع بيها عن نفسك

ctrl + q to enable/disable gophoto.it

ما هو ممكن يبقى اللى رايح يسرق برضه معاه رخصه سليمه و باسمه و سلاح و حكايه علشان يدافع به عن نفسه و لا يستخدمه فى السرقه دى حاجه تعتمد على نيه اللى شايل السلاح و طبعا الشرطه ليها الدليل اللى قدامها و مش نيه اللى شايلها

**mshmshm3** · 10-01-2013 09:17 PM

والله لما تبقي الشرطة شايفة شغلها كويس نبقي ما نشيلش سلاح مش تحصل حوادث قتل و سرقة في عز الظهر و محدش بيتحرك

**MohammedAladel** · 10-01-2013 09:40 PM

لا ياجماعة أحنا محتاجين حرامى تاب يعملنا موضوع بنفسه

على العموم أنا هحكى لكم عن قصة تثبيت حصلت معايا ..... أنا كنت بروح المدرسة من صغرى فى ال bus ... لما كبرت وبقيت فى 2 أعدادى.... وأصحابى كلهم بقوا يضحكوا عليا ويشاورا عليا وأنا راكب ال bus ويقولوا عليا عيل .... أتعصبت جامد وقلت والله ما أنا راكبه تانى لو هيحصل إيه
أول مرة طلعنا عشان نركب ال bus قلت لأصحابى أنا هروح معاكم من غير bus يا رجالة
المهم مشيت أنا وزميل ليا أبو دردير ..... قلتله والله لوصلك لحد البيت وأمشى لوحدى ... قال لى ماشى
شربنا عصير قصب
وأحنا ماشيين وصلنا لحد بيته وقبل ما يدخل بيته طلع لنا كام شاب كدا حاجة صعبة قوى ماسكين كل واحد عصاية ... ونزلوا ضرب فينا من غير حتى ما يدوونى فرصة أ دافع عن نفسى

زميلى طلع يجرى على بيتهم ... وأنا طلعت أجرى مسكونى برضه ووقعونى فى الأرض ونزلوا فيا ضرب وخدوا مصاريفى

الغريبة إن مفيش حد من اللى فى الشارع اتكلم ولا حد عبرنى قمت لقيتهم واقفين يضحكوا وأنا بصراحة مع كل دا معيطش ....... قمت طلعت أجرى لحد ما وصلت للموقف
مكنش معايا فلوس أركب عربية أروح فيها ..... خدتها مشى لحد البيت

طبعا رحت المدرسة شكيت صاحبى واتضح بعدين إنه ليه مشاكل معاهم وكدا يعنى

**mahmoud_anwar** · 11-01-2013 12:37 AM

المشاركة الأصلية كتبت بواسطة ahmed_adham

تقريبا حسب الطلب على العربيه يعني انا اعرف ان السيراتو والعربيات الربع نقل مطلوبين جدا. ناس بتقول بيفككوهم ويبيعوهم على انهم قطع غيار استيراد وناس بتقول بيهربوهم غزه في الانفاق.

موضوع بقى تقلل احتمال التثبيت ازاي فمتمشيش في حته مشبوهه او مقطوعه ولو عندك نيه تقاوم يبقى تشيل سلاح ولو حتى شومه بس لو اتقفشت في كمين هتبقى مشكله وهتتحسب بلطجي.

ههههههههههههههههه حلوة لو اتمسكت كمين دي
ياعم صلي علي النبي كده هو في عسكري اصلآ واقف جمب الاشارة
ياعم الحج انا في مرة معدي لقيت عسكري بيشورلي فاوقفت قالي رخصك
كان سعتها معايه رخصة عربية خالي ورخصة عربيتي قمت بقوله اشمعنا انا الي وقفتني قالي بس امام الظابط حبه حركات وكده المهم اديته رخصتين عربية خالي وعربيتي بص فيهم وقالي اتفضل يافندم ههههههههههههههههههههههههه هههههههههههههه يعني معاه رخصتين لعربيه عربيه لانشا وعربية دايوومديتهوش رخصة قيادة ياعم صلي عليي النبي مرسي بصراحة معاه احلي حكومة دي اسمها حكومة الفقر منديل

**youssef_u** · 11-01-2013 02:10 AM

بص لو معاكش سلاح واتثبت متقاومش لانك هتتسرق بالراحه او هتتضرب و تتسرق فتمتع بالسرقه

**start_wow** · 11-01-2013 03:31 PM

بس من الواضح انهم بيستسهلوا تثبيت العربية لما يكون فيها فرد واحد عن فردين او عن اسرة..

**EngAhmedSayed** · 11-01-2013 04:06 PM

يا جماعه موضوع السرقه ده
فى الاول و فى الاخر بلاء من عند الله
المهم بقى
ايه قلى بيخلى الحرامى بيسرق
كل الموضوعات افادت انى قائد السياره مقصر فى وسائل الامان قلى تخصه بدون قصد منه
يعنى ايه
ارفع زجاج العربيه كله بما فيه الازاز بتاعك و سيب ربع ميسمحش بايد تدخل
اقفل جميع المسوجرات الموجوده و انتا ماشى
لو ماشى فى طريق سفر او فى حتة مقطوعه متوقفش نهائى لانى لو وقفت فقد وسيلة الدفاع الخاصه بيك و هى العربيه
اتعلم تعمل خامسات و الحركات دى صدقنى بتنفع و استخدامه يقتصر على الضروره القصوى و مش هتأذى نفسك و له هتأذى عربيتك

نقول مثال انتا لو ماشى فى طريق و لقيت الطريق اتقفل عليك هتعمل ايه
هدوس فرامل و تدى مارشيدير و ترجع لورا و بعدين تدى غيار اولانى و تمشى يسلام كل ده ده انتا كده بتوقع نفسك
هههههههههههههههه ده لو بتوكتوك هيقفشك لالالالالالالالالالالالال الا

يبقى ايه تتعلم الخامسات و ازاى تسقط غيار وازاى تحرق على غيار صدقونى الحاجات دى هتنفعك
و اتعلم ازاى تعمل منورة على الطريق يعنى واحد بيشد معاك و هيجيبك انتا كمان لازم تشد وسقط غيار واحرق متخفش العربيه مش هيحصلها حاجه فى الوقت ده و خليك انتا قدامه و خد الجنب اليمين و خليه على طرفك الشمال و اكبس فرامل هيعدى منك خمس وروح فى الطريق المعاكس
لازم تحط معاك حاجه مش ممنوعه تدافع بيها عن نفسك
مالها عصاية البيسبول الوحده منها فيها الشفه

يعنى دى اراى انا بعمل كده
الحمد لله
و انا اتعلمت كتير من مواقف الاصدقاء هنا
ربنا يستر