استلمت اللوجان الاوتو .. نصائحكم بقى :)

أخيرا وبعد مقارنات وتدبيرات وبعون الله في الاول وفي الآخر - اشتريت الحمد لله اللوجان الاوتوماتيك وربنا ما يتعبها معايا ويريحنا مع بعض

ساعدتني كثيرا المعلومات عن كيفية الفحص والاستلام في الموضوع
http://www.nilemotors.net/Nile/327100-a-2.html

برجاء مساعدتي بكل نصيحة تيجي على بال أي حد - انا عديت على اكتر من موضوع واكثر حاجة استفدتها ان الاخوة هنا دائما عندهم جديد ونصائح مهمة ممكن تكون لسه ماشوفتهاش - فمحدش يبخل بأي تكرار

ونقطة مهمة - اني بفاضل بين شركات التأمين علشان الحق اتفق مع شركة قبل الترخيص - والمعرض كان بيحاصرني لشركة أميج" - بس قدرت اني اخرج بسلام علشان الحاجات الي الواحد بيعملها تحت ضغط السرعة غالبا بتبقى مش كويسة

المهم لو في شركة مخصوص لرينو او حد ينصح بشركة تأمين تدفعني نسبتي فقط في المطالبات بدل ما ادفع وانتظر الاسترداد يبقى ياريت

وسعيد بانضمامي لشعب اللوجان :) :bye2:

الف مبروك يا باشا و ان شاء الله ربنا يباركلك في عربيتك و يديلك خيرها و يكفيك شرها

بالنسبة للتأمين فعندك شركة مصر للتأمين عاملة اتفاق مع رينو بخصوص الموضوع اللي انت بتقول عليه ده

اتصل ب16202 و قلهم يحولوك على ادارة المقطم و اسأل هناك هيحولوك على واحد لاسف مش فاكر اسمه و يقلك التفاصيل

اما بالنسبة للعربية فانت بس متزودش عن 130 كم/ساعة او 3.5 rpm و ظبط نيتروجين 29 قدام و 32 ورا و استمتع بالعربية

و اي استفسار احنا تحت امرك

شاكر جدا لرد حضرتك الكريم

وسيتم اتباع تعليمات سيادتك :)

في الحالة دي التأمين بيبقى التعامل مباشر بينه وبين التوكيل ؟

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ Gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

اقتباس:

---

المشاركة الأصلية كتبت بواسطة Khaled Online

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ Gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

---

بالظبط كدة

اقتباس:

---

المشاركة الأصلية كتبت بواسطة khaled online

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

---

وأي شغل - انا طبعت الموضوع في ورقة وانا رايح علشان مانساش حاجة - ربنا يباركلك على مجهودك - وماتتخيلش لاقيت إيه بقى - غطاء لمبة الصالون في سقف العربية - يعني حاجة ما كنتش اتخيل اني هاحتاج أبص عليها

الف مبروك :)

اقتباس:

---

المشاركة الأصلية كتبت بواسطة nouranwar

الف مبروك :)

---

الله يبارك فيك . متشكر جدا :ma:

اقتباس:

---

المشاركة الأصلية كتبت بواسطة gebreel

الف مبروك يا باشا و ان شاء الله ربنا يباركلك في عربيتك و يديلك خيرها و يكفيك شرها

بالنسبة للتأمين فعندك شركة مصر للتأمين عاملة اتفاق مع رينو بخصوص الموضوع اللي انت بتقول عليه ده

اتصل ب16202 و قلهم يحولوك على ادارة المقطم و اسأل هناك هيحولوك على واحد لاسف مش فاكر اسمه و يقلك التفاصيل

اما بالنسبة للعربية فانت بس متزودش عن 130 كم/ساعة او 3.5 rpm و ظبط نيتروجين 29 قدام و 32 ورا و استمتع بالعربية

و اي استفسار احنا تحت امرك

---

اتصلت برينو وقالولي لا مافيش حاجة زي كده احنا هانحولك على احد المعارض تأمن معاه - اتصل تاني علشان يحولوني لادارة المقطم دي ولا إيه النظام

اقتباس:

---

المشاركة الأصلية كتبت بواسطة sh_sunsea

اتصلت برينو وقالولي لا مافيش حاجة زي كده احنا هانحولك على احد المعارض تأمن معاه - اتصل تاني علشان يحولوني لادارة المقطم دي ولا إيه النظام

---

طيب هقلك على حاجة اتصل بيهم ثاني و قلهم يحولوك على المهندس ربيع في فرع القطامية
ده مهندس من مهندسين السمكرة و هو اللي هيقلك تتصل بمين

الف مبروك يا باشا ..

اقتباس:

---

المشاركة الأصلية كتبت بواسطة s o p h o s

الف مبروك يا باشا ..

---

الله يبارك فيك - متشكر جدا

ياجماعه انا حاجز لوجان مانيوال فول ابشن من السبع موتورز من يوم 25-12-2012 وقالولي التسليم في اخر شهر يناير 2013 والسعر 72500
قالولي احتمال السعر يرفع حد عنده المعلومه دي
وفي حد حجز من السبع واسلم اليومين دول ولا ايه النظام

انا كنت نازل لمحمد زكي اشتريها من هناك - لاقيت المندوب بيكلمني يعتذر ان السعر زاد الى 85 حالا على قاعدة بيانات الشركة - وقولتله لا كده مش هاجي قالي انا بعتذر ومش عارف ايه (استنتاج انها مش ضغط علشان الفصال والا كان اانتظرني اوصل عنده الاول بدل ما كده ما روحتش خالص)

الله اعلم طبعا ما حقيقة الوضع - سالته يعني زادت من 79 الى 81 في 1 يناير وبعدها 83.5 في سبعة ولا ثمانية يناير وبعدين بتقولي زادت تاني النهارده - قالي والله يا فندم الاميل لسه واصلني حالا ... !!!!

واتصلت بالتوكيل قالي لو لاقيت الي انت عايزه 84 اشتري علشان في زيادة تالتة جاية ... !!!!

اقتباس:

---

المشاركة الأصلية كتبت بواسطة sh_sunsea

الله اعلم طبعا ما حقيقة الوضع - سالته يعني زادت من 79 الى 81 في 1 يناير وبعدها 83.5 في سبعة ولا ثمانية يناير وبعدين بتقولي زادت تاني النهارده - قالي والله يا فندم الاميل لسه واصلني حالا ... !!!!

واتصلت بالتوكيل قالي لو لاقيت الي انت عايزه 84 اشتري علشان في زيادة تالتة جاية ... !!!!

---

ثانية واحدة هي الزيادة في التوكيل أكتر من ألفين؟!

انهي زيادة بالضبط - :)

من 79.5 لـ 81.5 >>متأكدين منها
فيه بعدها أكيد وأعلنوا عنها؟!

اقتباس:

---

المشاركة الأصلية كتبت بواسطة khaled online

من 79.5 لـ 81.5 >>متأكدين منها
فيه بعدها أكيد وأعلنوا عنها؟!

---

كنت بستلم النهارده ورق الافراج الجمركي وباقي الورق علشان الترخيص - دخلت بالخطأ غرفة مكاتب المندوبين - لاقيت ورقة متعلقة على الحائط - اللوجان هاف - فول - اوتو الاسعار الجديدة

لقطت بس الاوتو علشان كانت آخر الورقة فكانت واضحة - من 84 - الى 85 - ابتداء من 14 يناير

اقتباس:

---

المشاركة الأصلية كتبت بواسطة sh_sunsea

كنت بستلم النهارده ورق الافراج الجمركي وباقي الورق علشان الترخيص - دخلت بالخطأ غرفة مكاتب المندوبين - لاقيت ورقة متعلقة على الحائط - اللوجان هاف - فول - اوتو الاسعار الجديدة

لقطت بس الاوتو علشان كانت آخر الورقة فكانت واضحة - من 84 - الى 85 - ابتداء من 14 يناير

---

يعني باشاوات رينوه زودو سعر عربية اقتصادية من 79.5 ل 84 أو 85
فيه عربيات فئات أعلى وأغلى وبصراحة أحسن وماعملوش الزيادة بالفجاجة دي
أنا هتصل بـ16202 وأشوف حكايتهم إيه

خلي بالك انا بتكلم عن الاوتوماتيك - احقاقا للحق هي كده ما زالت ارخص من الفيرنا وده شئ غريب

وأنا كمان بتكلم عن الأوتو وهي اللي حاجزها. وإحقاقا للحق 85 على إمكانياتها عرض غير مغري بالمرة

معاك - بس فيه إيه اوتوماتيك جديد في السوق دلوقتي يبقى افضل ونفس الفئة السعرية - مع استبعاد الفيرنا

يا باشا إحنا مش بنفاضل أنهي عربية أحسن في الفئة السعرية. عن نفسي مبرضاش حد يلوي دراعي ويحط ايده جوا جيبي أنا وياخد فلوسي. اللي بيعملوه ده له تسمية عيب علينا يا متربيين نقولها علانية
زودوها ألفين ماااااااشي ولو إنك جيت حسبتها بالورقة والقلم تلاقي فيه استهبال بس ماشي
لكن أربعة!

هي من ناحية قلة ادب - فهي قلة ادب - مش اربعة يا باشا دول كده 6
2 = 79 << 81
2 = 81 << 83
2 = 83 << 85

- طب كانوا يمشوها تلاتات طيب :)

يا باشا أنا رأيي نخلينا متربيين وولاد أصول زي ماحنا وبلاش نعاملهم بمعاملتهم بدل ما القعدة هتتقلب وقف هههههههههههه وبكره أوتوماك هنعرف هيزودوها اتنينات ولا تلاتات على رأيك :)