مـأسـاة الــــجـــــراج !

**MoToRiZeR** · 24-07-2008 04:40 PM

مبدئياَ عايز حد يقولي الوضع القانوني في هذه المسألة المؤرقة و موضوع مهم جدا و أكون شاكر للإهتمام

القصة بإختصار إن احنا معندناش جراج في العمارة .. و لكن فيه ادام البيت جراج يكفي علي الأقل 120 سيارة .. يتم بإستغلال 80 % لحيتان التاكسي .. و 15% لسياراتهم الخاصة .. و 5% لبعض السكان .

النسبة كانت أكتر من كدة بكتير للسكان طبعا لأن موضوع التاكسي ده لسة جديد مبقالوش كام سنة .. و لكن بعد موضوع التاكسي يتم طردهم و تطفيشهم لحجز أماكن لسياراتهم التاكسي اللي في تزايد .

المشكلة إن الأماكن الجانبية في الشارع مش مكفية السكان طبعا .. فا بقي يحصل خناقات كتير بينهم . ده غير ان سواقين التاكسي في تبديل الورديات بيبهدلوا العربيات شاي و ترييحات كراسي و خلافه .. و الموضوع بقي مثير للأعصاب إن الواحد يتخانق كل يوم او يعين حارس عالعربية .

إلي جانب مشكلة كبيرة و هي إن سواقين التاكسي دايما يتخانقوا الصبح و بقينا دايما نصحي علي صوت خناقات أو حد بيهزق حد و أفظع الشتائم اللي بنبقي سامعنها و احنا قاعدين في وسط أهلنا .. و بشكل شبه يومي .. معتبرين الشارع شارعهم ، و بعدين هتتخانق مع مين ولا مين .. دول فوق ال 100 تاكسي و كل تاكسي شوف شغال عليه كام سواق .

فهل من العدل إني أبقي محتاس بعربيتي و انا قدام بيتي جراج ياخد 120 و 140 عربية .. و كمان أصحي كل يوم علي خناق و سب دين .. و ماهو الإجراء اللي يجب إتخاذه .

و هل فيه شئ بينظم إستفادة السكان بالجراجات المحيطة بالعقار اللي ساكنين فيه؟
لأن انا عرفت من حد ان قانون المباني بيقول ان لو البيت مفيهوش جراج لازم يكون فيه جراج في المنطقة .. ولا ده للعقارات الجديدة بس ؟

يا ريت حد يقولي ايه اللي ممكن اعمله لأن انا حاسس العربية مشاكلها بقت أكتر من فوائدها .

**Chicco** · 24-07-2008 07:52 PM

بص يا محمود باشا عشان القانون يمشي لازم واسطه في الحي أو المحافظة أو حملة اعلامية تركز على الموضوع ده و يكون معاك ناس كتير من المنطقة متضررين أو حد مسئول يسكن في المنطقة ....غير كده ما فيش حل غير انك تركن عربيتك في جراج إن شا الله ٣ أو ٤ شوارع بعيد
حسبي الله و نعم الوكيل

**MoToRiZeR** · 24-07-2008 11:47 PM

بس هوا فيه قانون أصلا للموضوع ده يا دكتور ؟ لو مش عالركنة حتي عالإزعاج

**Chicco** · 25-07-2008 01:16 AM

على حد علمي فيه قانون يختص بالانشطة التجارية داخل نطاق المناطق السكنية بما فيها مواعيد العمل و أشغال الطريق و التلوث البيئي إلخ...
المشكلة كالعادة إن القوانين لا تنفذ .....إلا في حالات نادرة و بسبب أخر غير العدل أو سيادة القانون

**hazem_khidr** · 25-07-2008 07:23 AM

بلغ عنهم مكتب العمل و الضرايب و الامن الصناعي
دا اقصي حاجه تعرف تعملها لهم
حيجي عليهم كام مخالفه بكام الف جنيه و خلاص

**MoToRiZeR** · 26-07-2008 01:26 AM

يا جماعة انا انهاردة رحت ازور واحد صاحبي قريب علي رجلي و رجعت لقيت الاكصدام واقع !!!!! انا كرهت حياتي بجد و لو مختش حقي المرة دي ممكن يحصلي حاجة و خلاص كبرت في دماغي !!!

استاذ حازم الجهات دي ابلغها ازاي و هل فيه اي فايدة من التبليغ ولا حيتحط في الدرج ؟ و لو حد ليه اي معارف هناك اكون شاكر

حسبي الله و نعم الوكيل !!

انا هنزل اتخانق معاهم الصبح و همسك فيهم و لو وصلت اكسرلهم عربية هكسرها لأن انا دمي محروق

**mohamed2002** · 26-07-2008 01:42 AM

المشاركة الأصلية كتبت بواسطة MoToRiZeR

يا جماعة انا انهاردة رحت ازور واحد صاحبي قريب علي رجلي و رجعت لقيت الاكصدام واقع !!!!! انا كرهت حياتي بجد و لو مختش حقي المرة دي ممكن يحصلي حاجة و خلاص كبرت في دماغي !!!

استاذ حازم الجهات دي ابلغها ازاي و هل فيه اي فايدة من التبليغ ولا حيتحط في الدرج ؟ و لو حد ليه اي معارف هناك اكون شاكر

حسبي الله و نعم الوكيل !!

انا هنزل اتخانق معاهم الصبح و همسك فيهم و لو وصلت اكسرلهم عربية هكسرها لأن انا دمي محروق

بص بقي انت تشتغل لهم في الازرق ,مكتب العمل ,الضرائيب,محاضر ازعاج في القسم ,بس لاحظ انت بتتعامل مع فئه سواقين فخليك هادي وريلاكس ,اتوقع حيجيب فائدة كبيرة وهما اللي حيجولك بس انت اتحرك وبلغ ,روح الحي وقول انهم بيحطو حواجز في الشارع عشان الناس متلاقيش اماكن وتركن عندهم ,روح المرور,المهم اشتغلهم في الازرق لانهم بجد ولاد....

**hazem_khidr** · 26-07-2008 05:02 AM

استاذ حازم الجهات دي ابلغها ازاي و هل فيه اي فايدة من التبليغ ولا حيتحط في الدرج ؟ و لو حد ليه اي معارف هناك اكون شاكر

حسبي الله و نعم الوكيل !!

ايوه مكتب العمل حيجيب نتيجه و الضرايب لانهم بيتلككوا.
لو كنت في المحله كنت خلصتلك دا كله بس ما اعرفش حد في كايرو:(

**MoToRiZeR** · 26-07-2008 09:26 AM

ربنا يخليك .. انا هعمل بنصيحتك انت و استاذ محمد و اشتغلهم في الأزرق لأن ده اللي ناويه من الأول لأن جبت أخري معاهم

**mohamed2002** · 26-07-2008 08:35 PM

المشاركة الأصلية كتبت بواسطة MoToRiZeR

ربنا يخليك .. انا هعمل بنصيحتك انت و استاذ محمد و اشتغلهم في الأزرق لأن ده اللي ناويه من الأول لأن جبت أخري معاهم

بص يا باشا انا مش عاوزك تفهم كلامي غلط بس انا حاسس بيك تقريبا!
1 تروح القسم الصبح وتقول السواقين بيعلو صوتهم وقاعدين معلين الكاسيت وبيفضو بنزين من التانكات وانا خايف تحصل حريقة تفجر المنطقة!
2 تروح مكتب العمل
3 الضرائب وطبعا دول لوحدهم موال تاني
4 عندنا لو حد بيغسل العربية في الشارع بيدفع غرامة كبيرة المحافظ كان معدي في شارع فؤاد ولقي معرض بيغسل العربية في الشارع طلع قرار وقتي بغرامة 5000 جنية للي يغسل عربيته في الشارع ,فحاول تلعب علي وتر المياه اللي بتتهدر في الجراج في الكوبانيه او المحافظة
وربنا يوفقك وابقي طمنا
5 لو تعرف رئيس اتحاد الملاك بتاع العماره اللي فيها الجراج حاول توصله انهم لما بيغسلو العربيات المياه بتيجي علي العواميد الاساسية للعمارة مما يؤدي لقصف عمر العماره بدري:)