الخبر دة حقيقي مش كذب لاني سمعت الصبح في راديو مصر ان العربيات لحد 1600 سي سي هتاخد 150 ليتر في الشهر بالسعر المدعم و اي حاجة زيادة اشتري بالسعر الرسمي
عرض للطباعة
الخبر دة حقيقي مش كذب لاني سمعت الصبح في راديو مصر ان العربيات لحد 1600 سي سي هتاخد 150 ليتر في الشهر بالسعر المدعم و اي حاجة زيادة اشتري بالسعر الرسمي
يا جماعه دى كارثه فعلا ..... و الاغرب انه الدعم بدون سعه لتريه للسيارات انتاج قبل 1990 بس يعنى الشاهين و التمبرا و السينا و اللانوس و هيونداى اكسيل ز اكسنت فوق 1400 cc كلها ما لهاش دعم
الثوره الجايه هتبقى ثوره كلاكسات و "تييت تيييت يا قنديل".
مش صعبان عليا غيرك انت واللي زيك في الموضوع ده ههههههههههههههههه
حنبقي بنفول سوا من البنزينه انا بحط ب40 جنيه فول تانك بنزين 80
وانت العامل يقولك حتفول تقولا لا حطلي ب200 جنيه بس
المشكله فعلا ان خيري قاله دلوقتي كلنا عمالين ندفع ومفيش حاجه داخلالنا
فالوزير قاله احنا بناخد من الطبقه الغنيه
طيب طالما كده ما يزودوا الجمارك علي اي سلعه مستورده حتي لو 1000 %
ويخفضوها علي المصري
والغني يشتري المستورد لانه بيدور عليه ومش فارق معاه تمنه
واللي علي قده يشتري المصري
واتمني ان اللي قالوا نعم للاستقرار لتاني مره يكونوا استقروا
المشكله التانيه والاهم
ان واحد زيي ملهوش مشاوير يكفيه الكميه دي وتزيد
بس اصلا انا شغلي مبيحرقش ربع لتر بنزين في اليوم والتانك بيخلص تسخين للعربيه وبفول نص تانك مره كل اسبوع
طيب دلوقتي اغلب القاهريين بيفولوا مرتين في الاسبوع
حيعملوا ايه ؟؟
مش عارف ليه عندي احساس ان الجميع سوف يتجه
لشراء توك توك ولا موتوسيكل ابو 3 عجلات
واهو ندور علي الاوبشنات والاتوماتيك منهم
ونشيل من دماغنا وجع القلب في البنزين والدعم
هنا يبقي السؤال
ايهما افضل لي في مشواري من البيت للعمل
المنزل مدينه نصر والعمل 6 اكتوبر
ابو تلات عجلات ولا الكبير قوي التك توك
ياجماعة انا شفت الخبر امبارح فى النت
وكان مكتوب ان الدعم لحد 1600 سى سى
وكمان لحد موديل 2000
بمعنى ان اللى معاه عربيه زيرو 1300 سى سى موديل 2013 ليه دعم كامل
واللى معاه عربيه 2000 سى سى موديل 98 ليه دعم برضه بس دعم جزئى لانه اعلى من 1600
معنى كده ان التمبرا والاكسل والسيينا وكل الجديد لحد 1600 ليهم دعم كامل
انا مبسوط يا جدعان انا من ولاد الغنية سفاحين الفلوس الى واكلينها ولعة الى معاهم فيرنا وباعتراف الحكومة انا فعلا استاهل لأ الصراحة فعلا قرار حكيم واحسن حاجة فيه العدالة الصراحة انا مش مصدق نفسى يعنى اللى معاه فيرنا ولوجان ولانوس ولادا وجيتز واى عربية تحت 100000 جنية دول مايستهلوش دعم لأ فعلا حكومة زكيه ياخى اتكسف على دمك نص البنزين بيطير فى الزحمة ياراجل والله بفول التنك فى الزحمة مبيمشنيش اكتر من 250 كيلو وساعات اقل وغير كده ادفع تمن العربية ثلاث مرات عشان الجمارك و كمان ادفع بنزين تمنه قريب من السعر العالمى ليه والمرتبات هيه هيه لييه لييييييييه حرررررررام كفرتوا الواحد فى عيشته انا ان شاء الله حخلع قريب من البلد الزباله ده خليها للحكومة الذكية بتاعنا :7_6_5v[1]:
أنا مفيش قدامى غير كلمة اعتراضية من 3 حروف اتمنى الإدارة تسامحنى عليها
تباً
ايه التخبط ده .... كل يوم بقرار .... امبارح كان الدعم لغايه 1600 سى سى .... و النهارده لغايه 1400 سى سى و من بق وزير ال.......... ده
انا مش عارف اقول ايه .... ربنا ياخد البلاوى دى و يريحنا من قرفهم ....
يا جماعة متقلقوش ان شاء الله هيرجعو فى كلامهم كالعادة
بيقولك واحد ليبرالى وواحد اشتركى وواحد اخوانى كانو فى مظاهرة
- الليبرالى رجع فى عربيتة الملاكى
- الاشتراكى رجع فى الاتوبيس
- الاخوانى رجع فى كلامة
كل شويه خبر سئ ويطلع فشوش
يا جماعه بلاش أخبار مثل هذه الأخبار المبيضه لشعر الرأس كفايه
العالم دي بتفكر ازاي بيتكلموا عن سعه الموتور و سايبين قيمه العربيه نفسها
الاخوان دول عايزينها تتقلهم اسكندراني
انبارح خيرى رمضان قالو هو دة الكلام النهائى ولاة لسة بتفكرو
قالو دة النهائى
وانت شايف 95 خدنا االقرار واتنفذ
بس غريبة مش حد منهم دخل يقول ماااااااااااء
اضرب اكتر كمان عايز اتوب :khd:
اعتقد ان الموضوع كله بلونة لصرف نظر الناس عن كميه البنزين المستحق بالدعم
وأول ما هيصدر القرار هيدخلوا السيارات 1600 فالناس تفرح وتنسى الكميه
ده توقعي الشخصي
الفكره دلوقتي الكوبونات دي هتتوزع ازاي ؟؟؟
هل هيكون عن طريق وزارة الداخلية "المرور" الي تابعه ليه السيارة
ولا عن طريق وزارة التموين والتضامن الاجتماعي الى تابع ليه ميزانية الدعم
طيب في الحالة دي الى مش عنده بطاقة تموين هيعمل ايه ؟
ياعم ده بيقلك 1600 سى سى عربيه مرفهه هو وزير بترول ومهندس ولا زى اللى اختاره دكتور صرف صحى
الواحد قرف من افكار الحمامات ديه
هو فين الرجالة الى هنا بتوع الاخوان عايزين واحد منهم فاهم ابعاد القرار يقولنا
طب لية 1400 سى سى؟؟
أصلا أغلب العربيات الجديدة اللى بيقولوا عليها بتعات الأغنيا 1400 سى سى (سكودا ، فولكس......)
االموووضوع فى حاجة غريبة
ده اسود فيديو شوفته فى 2013 ربنا ياخدك يا مرسى انت وحكومتك
حسبى الله و نعم الوكيل فيك ياشيخ .... وزارة فاشلة بكل الوزراء الى فيها
يعنى الى معاه فيرنا عايش فى الرفاهية !!! الى راكب لانوس !!! ايه ده لو الشعب كفار مش هيخلونا نكره العيشة و نكره البلد كده !!
والله العظيم حرام و ان شاء الله القرار الكارثى ده لو انتفذ الناس مش هتسكت ..
انا مش فاهم هما عايزين ايه مش كفاية اسعار العربيات فى السماااااااا كمان هيبقى بنزين بالمنظر ده الناس كلها مش هتجيب غير سوزوكى ماروتى :majd(4):
أنا عربيتي بيجو 3008 وباستخدم بنزين 95 وبعد ارتفاع سعره حولنا على 92 شكلهم عايزينا نبيع العربيات ونركب تك تك عشان نبقى من مستحقي الدعم
على فكرة الوزير تاه شوية !!!
هو يقصد العربيات أقل من 1600 سي سي أي 1599 سي سي
نفس شريحة الضرايب تقريبا
عشان كل العربيات 1600 سي سي هي في الحقيقة أقل من 1599 وانت نازل
وديه حيكون لها دعم بـ150 لتر شهريا
طبعا لو زاد اللتر جنيه بس بالنسبة لبنزين 92 حيكون أقل الخساير بالنسبالي كصاحب عربيات فوق 1600 سي سي
المصيبة في الفارق المهول بين الملاكي والنقل
ده الدعم بتاعه 10 الاف لتر سولار سنويا !!!! والملاكي 1800 بس !!؟؟؟
هو ده الظلم
انا موافق يشيلوا الدعم جزئيا .... بس في المقابل يخفضوا ضرايب وجمارك العربيات بنفس النسبه المئويه
مادام الناس هتدفع فلوس زياده في البنزين يبقي من حقهم تديهم فرصه يركبوا حاجه نضيفه ويوفروا تمن الصيانات والتصليحات
وبصراحه يعني خلونا نكون واقعيين ونقول ان دعم المحروقات فعلا واخد كتيييييييييير اوي من دخل مصر
اللي حال الصحه والتعليم والخدمات فيها سئ جدا
خفضوا الدعم عننا اوك ... بس في المقابل إدعموا بجد الغلابه والفقرا اللي في البلد دي
خير مصر لازم يكون لكل ولاد مصر
انشراح و حسين و الشعب صوت واااااااحد
يا ولاد البتاع ده انا عربيتي لسة مخلصتش ثمنها =(
لأ و مش بس كدة انا طريقي يوميا مدينة نصر اسكندرية الصحراوي علشان شغلي دائري و محور واقفين و علشان اتجنب الزحمة بنزل من بيتنا الساعة 6:30 و بردو بقف و بعمل يوميا من 120 الى 150 كيلو علشان اروح شغلي بس بدون مشاوير
زود على كدة الطريق الزفت اللي بيبهدل عفشة عربيتي و الاسفلت الهباب اللي ممكن يخلي عربية تعوم و تلبس كذا عربية في بعض و خدمات الطريق النيلة
ضرايب و بدفع على كل حاجة ... بدفع ضريبة دخل و ضريبة مبيعات و ضريبة على العربية الخ...
و خدمات في المقابل 0 كبير زي بتاع المونديال
حقوق مبخدهاش ... صحة بروح مستشفيات خاصة علشان احس باني بني ادم ... تعليم اهلي ودوني مدارس خاصة علشان اتعلم و انا هودي اولادي بردة خاص علشان يتعلموا لأن الحكومة لا علم ولا نيلة
طيب ايييييييييييه بقى ؟؟؟؟
يعنى عربية موديل 1998 محرك 2000سى سى ثمنها 50الف جنيه بدون دعم وسيارة موديل 2013 محرك 1600 سى سى مدعومه..وعجبى
اللى فكر فـ الأول ان الـ95 بتاع الأغنياء اللى راكبين عربيات كبيرة -مش بتاع العربيات "الجديدة"... :B4_444:
طبيعى جدا انه يفكر ان اللى راكب عربية أكبر من 1400cc.. يبقى مرفه؟!! واللى راكب 1600cc يبقى فاحش فشيك؟؟!!! :hitwall3:
ههههههههههههههههههه
- أنا بس عايز أعرف؟؟ هما فاهمين وبيستهبلوا، ولا فعلا أغبياء فشك؟؟!!! :angry26:
الـ1.6 دى الشعبى بتاع المصريين!!
ومين قالك انهم وفروا فعلا 55 مليون من رفع الدعم عن الـ95؟؟!!! Lol
لما 80-90% من اللى كانوا بيحطوا 95 بقوا يحطوا 92؟!! يبقى كده الفكيك أوى بـ تييييييت عرف ياخد من جيوبهم الفرق؟؟
- ولا هما اللى خدوا من دعم الـ92 بتاعه؟!!! ههههههههههههههههه
:Ka_che1[1]:
شكلها بالونة اختبار
......... كالعاده