رخصة العربية انتهت بقالها سنة كاملة !! الغرامة أو الحبس أد إيه تقريبا ؟؟!!

السلام عليكم ورحمة الله وبركاته

أيوا زي ما العنوان بيقول ... رخصة العربية انتهت بقالها سنة كاملة !!!

كان المفروض تتجدد في 16 - 1 - 2012 وكمان تاريخ الفحص في 2012 ! بس أنا كنت مسافر بره مصر مع الأسف.

رخصة العربية عليها حظر بيع ، ولكن الأقساط خلصت وادفعت والحمد لله ومعايا جواب من الشركة لرفع الحظر.

العربية نوعها اسبيرانزا 113

سؤالي هو : هدفع غرامة كام تقريبا ؟؟؟

ولو فيه حبس ولا حاجة -لا قدر الله- هيبقى كام شهر تقريبا ؟؟؟!!

وكمان مصاريف التجديد بتاعة العربية دي أد إيه ؟؟ ( شامل التأمين والضريبة والغرامة والذي منه )

يا ريت يا جماعة اللي يعرف يجاوب بسرعه وثوابه عند الله.

هى الرخصة اتسحبت ولا معاك؟؟
ومفيش حبس ولا حاجة

هتروح المرور وتعمل اجراءات تراخيصك عادي خالص وتديهم جواب رفع الحظر
والغرامة بتبقى حاجة بسيطة

ولا حبس ولا حاجة ... كل الموضوع انك هتدفع ضريبة وتلت غرامة ... يعنى الموضوع فلوس مش اكتر!

لا تقلق.

الله يطمنكوا يا رجاله ، أصل في بعض دول الخليج الموضوع ده فيه سحب عربيه !! لو الرخصة منتهية بقالها أكثر من خمس شهور.

كويس والله إن المرور عندنا طيب وابن حلال.

اقتباس:

---

المشاركة الأصلية كتبت بواسطة hmatchy

هى الرخصة اتسحبت ولا معاك؟؟
ومفيش حبس ولا حاجة

---

آه معايا ؛ متسحبتش بس منتهية بقالها سنة كاملة!

حد يعرف مصاريف التجديد + الغرامة كام بالضبط ؟

فى حدود ٤٠٠ جنيه بالغرامه و الفحص

حبس 200 سنه لا تقلق
دة موضوع سهل جدا جدا جدا
دة فيه عربيات بتقعد 5 سنين مبرتخصش وترجع ترخص تانى-وتدفع غرامه وخلاص

بسيطه ان شاء الله . هما هيدفعوا حضرتك ضريبه السنه اللى فاتت المتأخرة و عليها التلت غرامه بالاضافه الى ضريبه السنه الجديده و بقيه الإجراءات عادى بس نصيحه لو حضرتك ناوى تسافر تانى فتره كبيره و الحظر اتفك ممكن تبقى تعمل ترخيص ٣ سنوات و خلاص

انا نفس المشكلة ومعايا الرخصة هل محتاج اطلع شهادة بيانات

انا نفس المشكلة ومعايا الرخصة هل محتاج اطلع شهادة بيانات

لو معاك الرخصة مش محتاج بس لو اتسحبت هتحتاج تعمل فحص