موضوع متميز وشامل كل التفاصيل الف شكر ليك اخي الكريم علي المجهود
رقم العضوية : 5392
تاريخ التسجيل : 08Feb2008
المشاركات : 8
النوع : ذكر
الاقامة : Hadayiek Helwan
السيارة: Hundai New Accent
السيارة[2]: Chevrolet Aveo
الحالة :
السلام عليكم يا شباب المنتدي الكرام.
أنا حبيت أعمل الموضوع ده لأني قبل ما أجدد الرخصة كنت بدور على حد يفكرني بالأجراءات وايه قبل ايه وكده
فحبيت بعد ما خلصت أكتب كل التفاصيل عشان الكل يستفيد.
إجراءات تجديد رخصة السيارة الملاكي
مصر - وحدة مرور فيصل – 2013
ملخص الورق المطلوب:
1. الرخصة القديمة
2. البطاقة الشخصية وصورة منها
3. وثيقة تأمين إجباري من أي شركة تأمين – كل شركة ليها كشك جوة وحدة المرور
4. ملف تجديد (سنة – سنتين – ثلاثة).
ملف التجديد بيبقى فيه نموذج فحص فني ونموذج فحص بيئي
ونموذج فحص طفاية الحريق ونموذج 251 مرور بعدد سنوات التجديد
يعني لو هاتجدد 3 سنين المفروض تجيب 3 نسخ من نموذج 251 مرور.
5. شهادة بيانات بالرقم القديم لو عربيتك موديل قبل 2010
ملخص الأجراءات:
1. الفحص الفني وفحص الطفاية
2. اسخراج شهادة براءة الذمة (شهادة المخالفات)
3. شراء وثيقة التأمين الأجباري
4. تقدير الضريبة من الموظف
5. دفع الضريبة في الخزنة والعودة للموظف بالإيصال
6. إنتظار استلام الرخصة الجديدة
التفاصيل:
في البداية, يستحسن تعمل حسابك تبقى في المرور بالكتير سبعة ونص صباحا
عشان تتجنب الزحمة الصباحية المعتادة وتحجز مكان في أول طابور الفحص.
مرور فيصل موجود تحت كوبري فيصل
وعشان توصله خد شارع السودان من أوله او أدخل شارع السودان من عند جامعة القاهرة.
بعد ما تدخل شارع السودان كمل على طول لحد مطلع كوبري فيصل.
ماتتطلعش كوبري فيصل وكمل على طول تحت الكوبري هتلاقي شركة الشرقية للدخان على يمينك
كمل على طول مع العربيات وادخل معاهم أول يمين هتلاقي نفسك طلعت على شارع الجيزة والعربيات كلها بتتدخل يمين أجباري.
أدخل يمين معاهم وكمل على طول هتلاقي نفق الهرم في وشك.
أنزل النفق وأدخل أول يمين مباشرة بعد النفق هتلاقي في الأخر طابور الفحص.
هتلاقي ناس واقفين بشنط سودة على كتفهم فيه منهم اللي بيبيع ملف التجديد ومنهم اللي بيعمل بوليصة الـتأمين الأجباري.
ثمن الملف من الناس ديه 60 جنيه ولو جبته من جوة المرور هيبقى بـ 55 جنيه.
وانت واقف في طابور الفحص هتلاقي ناس بتعدي وبتنادي "حد عايز يشوف مخالفاته" وده أنا مسألتوش بياخد كام.
فيه بعديه واحد تاني عدي بينادي "حد عايز يعدي من الفحص والطفايه؟" وده بياخد 120 جنيه!
لما رحت أصور البطاقة الست اللي بتصور قالتلي انا ممكن اخلصلك الرخصة كلها ب 150 جنيه!
قبل الفحص لازم تشتري ملف تجديد ويكون معاك طفاية حريق سليمة.
فيه واحد واقف بينظم الدور في دخول العربيات للفحص
ولما بتقرب على الفحص بييجي جنبك ويقولك "صباح الفل – الأصطباحة بتاعتي" الناس كلها بتديلوه خمسة جنية.
لما ييجي دورك في الفحص الفني بيقولك أفتح الكبود وبطل العربية وخد الملف للظابط.
هو هايشتغل في الفحص وانت المفروض تاخد الملف تديه للظابط
هايطلب منك بطاقتك ورخصة العربية وبعدين هايملى الجزء العلوي فقط من نموذج الفحص
وهيسألك فين العربية وهيسأل الفني اذا فيها اي حاجة مش مظبوطة وبعدين يديك الورق والبطاقة.
المفروض كده الفحص خلص والمفروض تاخد العربية وتركنها بعيد وبعدين ترجع تكمل ورق الفحص مع المهندس.
في مرور فيصل هتلاقي فيه باركينج قدام شوية على اليمين بخمسة جنيه طول اليوم.
هاتركن هناك ولازم تمور العربية وتنزل فرامل اليد قبل ماتمشي.
هاترجع تاني على رجليك مكان الفحص وتدي الورق للمهندس.
هو هايملى باقي نموذج الفحص وهايملى نموذج الفحص البيئي ويمضي ويختم وبعدين يديلك الورق.
بعد كده تروح كشك فحص الطفايات جنب المهندس.
الراجل اللي بيفحص الطفاية بتاع الحماية المدنية هايبص عليها
وبعدين ممكن يقولك انها محتاجة صيانة في شارع عماد الدين ويعديها
أو يقولك ماتنفعش خالص ولازم تشتري واحدة جديدة وبعدين ترجعله تاني.
بعد فحص الطفاية هايملى نموذج فحص الطفاية ويديهولك.
بعد كده المفروض ترجع تاني للعسكري اللي واقف على باب الأوضة اللي فيها الظابط بتاع الفحص
علشان يختملك الورق بعد ما المهندس خلصه.
ممكن يسألك على المثلث وشنطة الأسعافات أو يختملك على طول وخلاص.
بعد كده المفروض تروح نيابة المرور عشان تجيب شهادة براءة الذمة (شهادية المخالفات).
هايطلب منك البطاقة ورخصة العربية وشهادة بيانات بالرقم القديم للعربية لو انت عربيتك موديل قبل 2010.
لو عليك مخالفات هاتدفعها الأول وبعدين تاخد الشهادة
لو مافيش هايقولك استني برة وهما هايندهو عليك.
هاتستني برة شوية ولما يندهو عليك هاتدفع خمسة جنية رسوم الشهادة وتاخدها وتمشي.
نيابة المرور ليها خزنة مستقلة غير خزنة وحدة المرور نفسها.
الخزنتين بيقفلوا الساعة واحدة وممكن واحدة منهم تقفل قبل التانية حسب ظروف اليوم اللي انت رايح فيه.
بعد كده تروح وحدة المرور عشان تسلم الملف.
الأول هاتعمل وثيقة تأمين أجباري لمدة 3 سنين لو أنت هاتجدد 3 سنين وديه ساعتها كانت بـ 307 جنيه.
بعد كده هاتروح على شبابيك تجديد الملاكي وتسلم ورقك للموظف.
هايراجعه وبعدين يكتبلك ورقة فيها الضريبة عشان تروح تدفعها في الخزنة
وترجعله تاني وهايخلي الورق معاه.
ممكن ساعتها يديلك كمان استمارات التجديد من الملف بتاعك ويقولك أملاها وهاتها.
الضريبة المقررة ساعتها على عربيتي كانت 685 جنيه.
بعد ماتدفع الضريبة وتملى استمارات التجديد هاترجعله تاني على الشباك تديله الوصل والأستمارات
هايحط كل الورق في الملف ويقولك اقعد لما يندهو عليك.
في حالتي انا قعدت حوالي 3 ساعات لحد ما ندهو على اسمي واخدت الرخصة الجديدة.
م. عماد معوض
رقم العضوية : 118308
تاريخ التسجيل : 27Dec2011
المشاركات : 397
النوع : ذكر
الاقامة : المهندسين
السيارة: فيات
السيارة[2]: مازدا
دراجة بخارية: سوزوكي
الحالة :
موضوع متميز وشامل كل التفاصيل الف شكر ليك اخي الكريم علي المجهود
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
مبروك التجديد و اهم حاجه الواحد مايتعاملش غير مع موظف الشباك لان الواقفين دول كلهم نصابين
[img3]http://im77.gulfup.com/mVDw3c.png[/img3]
رقم العضوية : 5392
تاريخ التسجيل : 08Feb2008
المشاركات : 8
النوع : ذكر
الاقامة : Hadayiek Helwan
السيارة: Hundai New Accent
السيارة[2]: Chevrolet Aveo
الحالة :
جزاكم الله خيرا يا جماعة على المرور الكريم والرد :)
رقم العضوية : 115286
تاريخ التسجيل : 10Oct2011
المشاركات : 1,440
النوع : انثى
الاقامة : Nasr City
السيارة: شيفورلية لانوس
السيارة[2]: 128
دراجة بخارية: *
الحالة :
شكراً جزيلاً على التفصيل
أنا لسة عاملة نفس الموال دا يوم 5 يناير ، والحمد لله كنت كل ما بخلص حاجة أسأل أعمل أيه بعد كدة ويتم توجيهي على الطلب اللي بعده .
وكنت فعلاً محتاجة موضوع زي دا قبل ما أبدأ الترخيص
جزاك الله خير يا بشمهندس / عماد
رقم العضوية : 5392
تاريخ التسجيل : 08Feb2008
المشاركات : 8
النوع : ذكر
الاقامة : Hadayiek Helwan
السيارة: Hundai New Accent
السيارة[2]: Chevrolet Aveo
الحالة :
جزانا وأياكم يا friendship7897 ومتشكر جدا على المرور الكريم والرد
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
موضوع مميز شكرا
رقم العضوية : 22731
تاريخ التسجيل : 20Oct2008
المشاركات : 3,291
النوع : ذكر
الاقامة : القاهرة
السيارة: الحمدلله حمداطيبا كثيرا مباركا فيه
السيارة[2]: Seat IBIZA 99 6K 1.6
دراجة بخارية: لا
الحالة :
سؤال هو مهندس الفحص ممكن يعرف من رقم الموتور هو كام سي سي ؟
" اللهم إنا نجعلك في نحورهم ، ونعوذ بك اللهم من شرورهم "
رقم العضوية : 13108
تاريخ التسجيل : 17Jun2008
المشاركات : 1,147
النوع : ذكر
الاقامة : فيصل
السيارة: NA
السيارة[2]: Astra 1.6/A 2004
دراجة بخارية: NA
الحالة :
هو مينفعش اروح يوم من غير العربية اعمل 2 و 3 و بعدين اروح يوم تانى بالعربية واعمل 1 و4 و5 و6؟
ولا لازم الترتيب؟ اخر مرة كانت من سنتين ومش فاكر خالص!
تانى حاجة ودة فاكرة كويس ... بعد الثورة لما رحت اجدد طلعت شهادة مخالفات وطلبوا منى صورة الرخصة القديمة (الارقام) بس ... اية موضوع شهادة البيانات بقى؟ دة حاجة جديدة؟
مصطفى إسماعيل
mostafaismail سابقا
المفضلات