تقيم هونداي اكسنت rb عامله 154 الف كم
السلام عليكم كيفكم ياشباب الهونداي عساكم بخير وصحه وسلامه انا النهارده قبل صلاه الجمعه الساعه12 بالضبط بصيت على عربيتي من فوق قلت لما اتغزل فيها شويه
اولا انا معايه هونداي اكسنت rb 2012 بالضبط عدادها عامل دلوقتي تقريبا 154860 كم مائه واربعه وخمسون الف وثمانمائه وستون كيلومترا تقريبا
اولا انا بستخدم زيت شل الترا 10.000 كم لغايه مالعداد عمل 100.000 كم بعد كده ابتديت احط زيت فالفولين سينسيتك 10.000 بردوه زيت الفتيس الاوتوماتيك زيت فالفولين atf max life sp3طبعا 3 ليتر بغيره كل 40 الف كم طبعا تربيط عفشه كل 10.000كم غيرت تيل فرامل 3 مرات من التيل الاصلي وسعره 450 جنيه غيرت فلتر الهواء وسعره 80 جنيه اقسم بالله هوه ده الي غيرته في العربيه من ساعه ماشتريتها مع الكوتش مغيره 3 مرات كل 50 الف بغيره زودت قربه الميه مرتين بس او تلاته القزازه لسه فيها نصها
انا مغيرتش سيور
انا مغيرتش بوجيهات
انا معملتش غير الي بقول عليه وبس
انا بجد بشكر هونداي اكسنت انها سترتني في شغلي وسفري الكتير اووووووي انا عايش في العربيه اكتر من البيت بكتير اووووي
اولا العربيه بعد العداد ده فرقت ايه عن الاول ؟؟؟
كله دولوقتي بيسئل السؤال ده ؟
الجووووواب
احلى من الاول اسرع من الاول بكتير عامله زي قزازه البرفان لازم تعتق علشان تشم ريحتها كويس
اقسم بالله العربيه حدوته مالهاش حل قوه ولا في الخيال حسيت اني راكب البيجو موديل 73 بتاع زمان العربيه الي عمرها لاتعطل ولاتسخن ولا تشتكي منها في حاجه من الاخر حمااااااااااره البيت والشغل
العفشه بتاعتها لسه بطعم الزيرو ناعمه بدون تخبيط مع العلم مركب جنط 15 على كوتش 205/60
ماشاء الله تبارك الله
ادعولي ان ربنا يحفظهالي ويباركلي فيها
انا شكلي دوشتكم معايه بس اقدر اقول ربنا يحفظكم اروح علشان اصلي الخطبه الاولي خلصت