الله يبارك فيك - الحمد لله ان الموضوع افاد البعض - شكرا
عرض للطباعة
بسم الله ما شاء الله، ربنا يبارك لك فيها و يرزقك خيرها و يقيك شرها. السيارة فعلا رائعة و تدل على تطور سيارات كيا المستمر. و التقييم المصور أكثر من ممتاز لأنه ينقل الصورة كاملة للقارئ و يجعل التقييم عملى و الاختيار مبنى على رؤية موضوعية , و لذلك أقترح أن نحاول أن تكون لكل موديل من السيارات مثل هذا التقييم المصور الشامل و تقوم إدارة المنتدى بتثبيت هذه التقييمات لتعم الفائدة. و شكرا جزيلا
م/ شريف
ماشاء الله الف مبروووك
تقرير جميل ياراجل دانتا كونت ناقص تخوش التانك تصورة من جوة
بجد انتا تعبت فى الموضوع انتا دلوقتى خليتنى افكر فى العربية بجد شكلها شيك
جداااااا
الف مبروووووووووووووووووووووو ووووووووووووووووووووووووو ووووووووووووووووك عليك
الف مليون ميروك وربنا يديلك خيرها ويكفيك شرها وللعلم هذا المنتدي محترم جدا وانا شخصيا استفدت منه كتير جدا جدا وانا كنت طلبت من الاخوة الافاضل رأيهم فى اختيار سيارة ليه من فترة بسيطة والحقيقة لم يبخلو عليه ولهم كل التقدير والاحترام ومن خلال متابعتي الشبه يوميه للمنتدي انا استقريت والحمد لله على الكيا سيراتو لاني رحت من يومين لمعرض سيارات المصرية بالمعادي واتفرجت بتمعن على السيارات الى موجوده هناك وفى نفس الوقت الى فى حدود امكانياتي وحسمت المقارنة بين اللانسر 1600 والكيا سيرتو ولكن هناك شي غريب جدا بالنسبة لاسعار الميتسوبيش مليون سعر ومليون تفسير يقولك اصل دي سعودي عشان كدة دي مافيهاش مش عارف اي ولكن دي اصلها كويتي عشان كدة دي بكذا الف زيادة حاجة تجنن المهم انا جلست بداخل الكيا وكان لونها اسود بفتحة سقف ولكن اجمالا السيارة فى منتها الروعة والجمال وكمان الشاب الى فى المصرية قال ان دي السيارة الوحيدة الى عليها ضمان خمس سنوات وكمان التوكيل بتعها اكثر التوكيلات احتراما ومصداقيه المهم الشاب قالى لو انت مش مستعجل اوي انتظر عشان عن قريب هينزلوا سيارة كيا جديدة 2009 تسمى فورتي بصراحة انا من الى سمعته عنها انها سيارة جامدة جدا جدا جدا وفيها طبعا abs - ebd - ,;lhk air bag فهل الكلام ده حقيقى ولا مش حقيقى الله اعلم وللعلم انا من النوع الى بيحب يحسبها كويس عشان المبلغ مش قليل . أرجو سرعة الافادة ولكم كل الحب والتقدير.
كيا فورتى دى اللى هتنزل و هتكون الجيل التانى للسيراتو بس مش السنة دى و متهيالى بردة مش قبل 2010 لان كنت قريت فى موقع ان شكل السيراتو مش هيتغير قبل 2010 بس فعلا الكيا قورتى شكلها اجمل و احدث من الشكل الحالى و كمان اشيك بكتير من جوة بس هتنزل اظن اغلى من السعر الحالى و هتبقي فى مستوى الالنترا كدة
فى مواضيع هنا فى قسم كيا عن الكيا فورتى و صور ليها ممكن حضرتك تاخد فكرة بس اى معلومات عن نزولها الاسواق مش اكيدة ولا حتى التوكيل عنده فكرة
الله يبارك فيك - اشكر حضرتك على الدعوات الجميلة
انا حتى يوم 16/7/2008 يوم ماكنت بستلم العربية الوكيل نفسه ماعندوش اى فكرة ايه الموديل الجديد وللاسف هناك قالولى ممكن تدينا اسم السيت اللى العربية نزلة عليه .... طبعا اديتهلهم وكانت صدمة بالنسبة لى ولاكن اعتقد كما قال احد الاعضاء هنا انهم مش عارفين حاجة وبعد فترة لاقى الموديل الجديد معروض عندهم :confused4: ... فامفيش مانع ان حضرتك تنتظر قليلا يمكن فعلا الموديل الجديد ينزل ....وان كنت اتمنى ان يستمر الشكل الحالى حتى سنة واحدة بس :ANSmile05:
موضوع بجد هايل و شامل و مجهودك فيه واضح جدا"..
بسم الله ماشاء الله ولا حول وقوه اله بالله .
ربنا يباركلك فيها و يديك خيرها و يكفيك شرها .