ساعدونى

**ياسر عادل** · 11-01-2013 03:41 PM

السلام عليكم ورحمة الله وتعالى
يا جماعة انا اشتريت رينو لوجان 2013 مانويل جميع الكماليات بس لسة هستلمها كمان يومين
كنت عايز اعرف يا جماعة ما هى الاختبارات التى يجب ان اقوم بها فى السيارة قبل ان استلمها ارجوكم افيدونى

**MohammedAladel** · 11-01-2013 04:11 PM

أفحص السيارة بالكامل بص عليها من برا وشوف الصاج حتة حتة والسقف شوف الزجاج والمرايات كويس والفوانيس والجنوط والكاوتش

دور العربية شوف العداد ماشى قد إيه جرب كل حاجة فى العربية تكييف أنوار واضاءة كاسيت زجاج كهربائى مرايات كهرباء لو موجود جرب المساحات والرشاشات

جرب كل حاجة فى العربية أفتح الكبوت شوف الموتور شوف مياه الرادياتير قيس مستوى الزيت

أفتح الشنطة وأقفلها .... العربية بيجى معاها جنط استبن طبعا وعدة زى مفتاح العجل مفتاح الجنط لو كان اسبور وليه غطاء وممكن ملهوش غطاء برضه والكوريك وحتة حديد لقطر السيارة عند الأعطال

طبعا تستلم الكتالوج بتاع العربية من الآخر افحصها كأنها عربية مستعملة

وألف مبروك مقدما

**dedo_ryo** · 11-01-2013 06:25 PM

و شيل الورق الابيض اللي بيبقي ملزوق عليها علشان لو في فرق الوان ولا حاجه و اتاكد من الاضاءه كلها تمام و شغل التكيف و حس بالبروده و السخونه بس و ربنا يديك خيرها و يكفيك شرها