الموضوع: خبر فاجر

المصلحة العليا للبلد تقتضى توفير آلية جديدة لتوزيع البنزين
زى نظام الكوبونات كده
وممكن يكون النظام مش كويس او ليه سلبيات دى اللى حيحكمها التطبيق على ارض الواقع
لكن ان سعر التكلفة للتر البنزين يكون فى حدود 6 جنيهات ويتباع بلا رابط باسعار تبدأ من 1 جنية وانت طالع يبقى دا تهريج واهدار لاموال الدولة لان بدون نظام الكوبونات بيتم تهريب البنزين ليتم استخدامه فى اغراض صناعية بدلا من المذيبات الباهظة الثمن او يتهرب بره البلد وبيتباع باسعار اعلى من كده
كل ده على حسابى وحسابك وفى الآخر الفلوس المكسب تروح للمهربين الكبار
وعلى فكرة الحكومة لو وفرت 1800 لتر سنويا لسائق الملاكى يبقى تمشى الواحد 18 الف كيلو فى السنة فى المتوسط واعتقد معظمنا مش بيوصل للارقام دى
انا شغال فى انتاج البنزين واكثر واحد حاسس بابعاد الازمة على الرغم من انى ممكن اتضر بشكل مباشر بالقرار ده
لكن المصلحة العامة تقتضى تطبيق هذا النظام .

المشاركة الأصلية كتبت بواسطة hossam_gabre

المصلحة العليا للبلد تقتضى توفير آلية جديدة لتوزيع البنزين
زى نظام الكوبونات كده
وممكن يكون النظام مش كويس او ليه سلبيات دى اللى حيحكمها التطبيق على ارض الواقع
لكن ان سعر التكلفة للتر البنزين يكون فى حدود 6 جنيهات ويتباع بلا رابط باسعار تبدأ من 1 جنية وانت طالع يبقى دا تهريج واهدار لاموال الدولة لان بدون نظام الكوبونات بيتم تهريب البنزين ليتم استخدامه فى اغراض صناعية بدلا من المذيبات الباهظة الثمن او يتهرب بره البلد وبيتباع باسعار اعلى من كده
كل ده على حسابى وحسابك وفى الآخر الفلوس المكسب تروح للمهربين الكبار
وعلى فكرة الحكومة لو وفرت 1800 لتر سنويا لسائق الملاكى يبقى تمشى الواحد 18 الف كيلو فى السنة فى المتوسط واعتقد معظمنا مش بيوصل للارقام دى
انا شغال فى انتاج البنزين واكثر واحد حاسس بابعاد الازمة على الرغم من انى ممكن اتضر بشكل مباشر بالقرار ده
لكن المصلحة العامة تقتضى تطبيق هذا النظام .

لك كل احترامى وده كلام سليم 100% لو انى سوف ااتضر لاكن انا مع هذا التصرف لازم يكون فيه رابط لموضوع التهريب اعتقد بعد كده البنزين هيتوفر فى المحطات

دول عاوزين يولعو في البلد ؟؟؟؟؟؟؟؟؟
هما مش عارفين ان 70% من الشعب واكتر معاه عربيات 1500 و 1600
لو طبقوها هيلاقوا الرد قاسي اوي من اشعب الغلبان المطحون بتاعنا حتي السيارت ابسط حقوقنا مستكترنها عالينا ........
ربنا ياخد المرشد وجماعته

المشاركة الأصلية كتبت بواسطة mahamedaraby

يافندم حضرتك شغال فى موضوع البترول ده واكيد عارف ان ٨٠ ٪ من انتاج البترول محلى وبنستورد الباقى عايز انت لية تحسابينى على البترول اللى طالع من ارض مصر بتكلفة انتاج قليلة جدا وتبيعه ليا بالسعر العالمى والفرق بتحسبة دعم ليا ازاى هى منظومة فاشلة للاسف وبنكمل عليها مش بنحاول نغير للاسف وعلى فكرة اغلبنا عمل صبانة ال ٢٠ الف قبل سنة ماتعدى على العربية ووصلنا ل ٢٥ الف كمان

عمرها ما بتتحسب بالطريقة دى
احنا دولة فقيرة بتروليا
بنستورد خام وبنكررة علشان نوفر مش كل انتاجنا محلى
دا كمان فيه جزء من انتاجنا بنشترية من الشريك الاجنبى بالسعر العالمى طبقا للاتفاقيات والعقود التى ابرمت قبل الاكتشاف والتنقيب
مش كدة وبس
دا كمان احنا بنشترى بعض المنتجات العالية الجودة زى البنزين والسولار علشان نغطى فجوة الانتاج
دا غير البيوتجاز
يا فندم حضرتك سعر طن البنزين 1000 دولار يعنى 6600 جنية مصرى
والطن فى المتوسط بيحتوى على 1333 لتر يعنى اللتر بيقف على الدولة بدون اجر تخزين ولا نقل ولا توزيع ولا غيرة بحوالى 5.00 تقريبا طيف بقى الحالجات التانية اللى بقولك عليها يبقى سعرة العادل لا يقل عن 6 جنية
شوف بقى الدولة بتخسر قد ايه من جيبى المواطن الغلبان لمصلحة اصحاب العربيات اللى هما انا وانت وكمان الاغنياء قوى اصحاب العربيات الفارهه
موضوع الكوبونات دا يرضى جميع الاطراف
يحد الدعم ويوزعة بصورة عادلة نوعا ما
يمنع التهريب لانه بدون كوبون يبقى اللتر بالسعر العالمى من 5.5 الى 6 جنية
يخلى العربيات اللى من غير ترخيص تجرى علشان ترخص غصب عنها لانها مش حتاخد كوبونات الا بالرخصة
يخلى التكاتك اللى تعدت المليون توكتوك فى مصر يا ترخص يا تتخرد وتريحنا من الاشكال القبيحة دى
صدنى لو فكرت بالمنظور دا حتلاقيك فى الاخر كسبان قوى
بس المهم اليات التنفيذ
صدقنى تحرير سعر اى منتج مدعوم هو افضل وسيلة لوصول اللدعم لمستحقيه !!!!!!!!!!!!!!لان بالفلوس تاخد منتج محرر من الدعم
بالكوبون تاخد منتج مدعوم بما تحتاجة فقط والموضوع مطروح للنقاش العام

مصر من 7 سنين بس كنا بنصدر بنزين حوالى 700 الى 800 الف طن سنويا
دلوقت بنستورد افى حدود 500 الى 600 الف طن سنويا
مصر من الدول اللى ما فيهاش عربيات بتخرج بره الخدة
انا عربيتى لما تقدم ببيعها لواحد تانى بيستخدمها واشترى غيرها ولا يتم اعدام اى سيارات قديمه حتى لو مر عليها 50 سنة او اكتر بكل ما تحرقة من وقود بدون كفاءة
دا غير البلاء المستحكم اللى اسمة التكتك اللى اصلا لم يضف اى شئ لمنظومة المواصلات لان اصلا المساسفات اللى الناس بتركب فيها التكتك اصلا كانت الناس بتمشيها على رجليها
لازم قرارات مصيرينة من حكومة قوية
لازم يتم النظر فى الدعم
لازم يتم اعادة النقل العام تانى بكل قوة بسيارات تعمل بالغاز
لازم يتوقف استيراد سيارات الديزل واعطاء تسيهلات واتخفيضات جمركية لسيارات تعمل بالغاز الطبيعى
القرار الاصعب اعدام السيارات التى مر على موديلها فترة زمنية ولتكن 30 عام كمرحلة اولى وتعويض اصحابها فى الفترة الانتقالية
مصر مش حتتحرك بدون حل مشكلة الدعم ووصولة الى مستحقية بصورة جيدة