شكرا دايو لانوس

**lanos2004** · 11-01-2013 07:00 PM

دايو لانوس صراحه سيارة تستحق الاحترام وسيارة المهام الشاقه فعلا
كذا موقف حصل معايا فيها وسبحان الله لم تتخل عنى
--اول موقف سير الكاتينه اتقطع--تقريبا كان مضروب ومكملش 25 الف كيلو
ومتخيلتش انه يتقطع والعربيه مش عاوزة تدور لا بالمرش ولا بالزق
والحمد لله كانت جنب ميكانيكى----عندها اصل--طبعا قال دى لازم تكون جابت صبابات
بس قال نجيب سير ونجرب -كان عندة واحد قديم ركبه العربيه دارت بالسلامه الحمد لله
تانى موقف سير الكاتينه فوت وانا داخل على الاسكندريه فى الصحرا وايام الثورة والعربيه بطلت
وقعدت ادور على ونش اى حاجه مافيش
المهم قلت اجرب ادورها تانى دارت ووصلتنى لحد البيت ماشيه بس فى الضياع 90 بالعافيه
واتفك الوش وغيرت 16 صباب
وبعدها كاوتش الكبولن اتقطع وبردة فى سفر وصوت خبط جامد دورت على ميكانيكى علشان اغير كوبلن مافيش اشتريت كيلو شحم من بنزينه وكبست الكوبلن شحم راح صوت التخبيط ورجعت بيها القاهرة عادى جدا وزى الفل وركبت كاوتشه وخلاص
--
يوم كامل ماشى بالعربيه مافيش فيها نقطه ميه وعرفت لما السحب بقى فى الضياع والعربيه تبطل لوحدها بردت-وزودت ميه لقيت الرداتير متبهدل وطالع منه نافورة ميه غيرته وكله بقى تمام
--بنزين مخلوط بجاز او بميه بتمشى عادى جدا--بس مافيش سحب حصلت كتير
الصراحه عربيه تحترم--الشاسيه ماشى 750 الف كيلو ولسه بيستحمل
طرت بيها من على مطب جبل على سرعه 160 ونزلت فى مكانها وكملت بس المرايه طارت من عنف الخبطه--مرايه صينى--والاصليه فضلت مكانها--
سيارة تستحق الاحترام
حساسات بايظه برضه بتمشى--- غيرها بيتشال على ونش بسبب الحساسات
قطع غيار اصليه بسعر معقول جدا-
للمرة الاخيرة شكرا لمن صنع دايو لانوس

**midooo_119** · 11-01-2013 07:33 PM

انا برضه زيك النوبيرا ياما وقفت معايا وقفه رجاله مرة جبتنى من ابو سلطان و بلية العجل الى ورا كانت فارطه و كتير لمبة البنزين تبقى منورة و برضه بجرى و اقرص عليها و توصلنى و يبقى كبيرها اغير الفلتر و تبقى زى الفل و مواقف كتير فعلا الدايو شكرا جدا جدا

**shaddadfalcon1** · 11-01-2013 07:35 PM

العربيه دي متوورها غبييييييييييييييي مووووووووووووت

مره مشيت بيها اسبوع ومقاس الزيت مش في مكانه ولحد اخر يوم مكنش فيها زيت خالص وكل اللي حصل طقم جلب صباب

بعد كده كان في مشاكل في خراطيم المياه وحاجات كتيير كانت بنخلي المياه تتسرب ومشيت بيها 5 مرات وتسخن لحد مايبقاش فيها مياه خالص واخر مره جابت وش سيلندر ووصلتني لحد البيت

**golden_web_2007** · 12-01-2013 01:46 AM

عربية أصيلة جداً اللانوس طبعاً ..
تمشى بنزين 80 ماتقولش لاء
و تعمل فيها حاجات و تعديلات كتير بإيدك
قطع غيارها جديد و استعمال و اسعار ممتازة ..

انا ليا زميل فى الشغل راكب ميجان مجنناه ..
صارف عليها 15 ألف جنية تظبيط حاجات بايظة فيها ..

**Dr.Solom** · 12-01-2013 01:51 AM

دايو عربيات محترمه ربنا يباركلك فيها

**bebom** · 12-01-2013 08:38 AM

المشاركة الأصلية كتبت بواسطة lanos2004

دايو لانوس صراحه سيارة تستحق الاحترام وسيارة المهام الشاقه فعلا

الصراحه عربيه تحترم--الشاسيه ماشى 750 الف كيلو ولسه بيستحمل
...........................................

للمرة الاخيرة شكرا لمن صنع دايو لانوس

معلش انته كاتب 750 الف كيلو ولا انا غلطان
ماشاء الله
انا اشتريت العربيه عامله230الف والحمد الله مش قادر اقلك عملت ايه فيها مصريف عشان اغير الي المحترم البائع كان بخيل عليها من الماتور غيرته ماستر فرامل عمومي حاجات كتير جدا انا عارف اني اضح عليها (2005 وب 45) بس قلت خبره وديني بغير عشان تكمل تربيتها علي ايدي

انا بقا اول لما جبت العربيه كل اعطالها ونا مع الاود ولازم يكون بليل وفاماكن بنت لزينه مرة علي المحور قبل نزلت الصحراوي ومره علي كبري اكتوبر كل ده بسب السخونه وكل مره اغير حاجات تكون بتسرب بس الحمد الان الظبطت وعربيه جميله بس انا شوفت اقرفها كله في الاول

**lanos2004** · 12-01-2013 09:27 AM

العضو الى فوق لازق فى المشاركه رابط لموقع اباحى--bebom

**bebom** · 12-01-2013 10:10 AM

المشاركة الأصلية كتبت بواسطة lanos2004

العضو الى فوق لازق فى المشاركه رابط لموقع اباحى--bebom

معلش والله اتحط غلط عايز اشيل اشيله ازاي

الموضوع: شكرا دايو لانوس

LinkBack

أدوات الموضوع

عرض

-

المواضيع المتشابهه

دايو لانوس مالها وما عليها ( دايو ام اكسنت )

دايو لانوس ولا دايو جوليت احسن

حصريا لمنتدانا الغالي كتالوج شيفروليه لانوس أو دايو لانوس

ايهما افضل اتوماتيك دايو لانوس 1 _دايو لانوس 2 _ دايو نوبيرا _ هيونداى اكسنت 2000_كيا

اقترحو عليا يا اخوانى فى شراء عربيه دايو لانوس ولا شيفروليه لانوس

الكلمات الدلالية لهذا الموضوع

المفضلات

المفضلات

ضوابط المشاركة