تركيب عداد استيراد نيو أكسنت
من كم شهر واحد صاحبى معاه نيو أكسنت 2008 وكان عنده مشكلة فى العداد فقلتله فرصة إنتى وقعت! نجيب عداد إستيراد ونجرب هيشتغل على نفس الفيشة وللا هيحتاج تعديل!!! وكمان كان ماشى فى سكة إصلاح العداد القديم..
المهم رحنا دورنا وأصرينا نجيب واحد فيه مؤشر حرارة
http://s13.postimage.org/uhlxefuh3/accent_se_001_28.jpg
بس المشكلة اللى قابلتنا إن كل العدادت بالميل!!!!!!!!!!!!!!!!!!!!!!!!
بس صاحبى قاللى وماله والمهم إنه شغال ولما نلاقى واحد بالكيلومتر نبأا نجيبه بعد كده..
المهم جبناه ب 300 بعد فصال
شلنا القديم
ركبنا الجديد وطلعت نفس الفيش بالضبط
ودورنا وكانت المفاجأة!!
كل حاجة اشتغلت حتى مؤشر الحرارة إشتغل عادى ورفع للدرجة الفعلية للموتور مع إنه كان على لمبة!!
ماعدا لمبة البطارية!! وقلنا بلاش نلعب فى الضفيرة دلوأت..
لمبة الشنطة والعداد والحزام شغالين تمام
شاشة بتوضح الرحلة والعداد الكلى
هوا طبعا مش عامل كده عشان يلعب فى قراءة العداد لأن العداد الأصلى فيه مشكلة وجارى إصلاحه ولو احتاج قطع غيار من الاستيراد هيفكه حتت
مع إن العداد شكله رياضى وتحفة..
بس الموضوع يستاهل التجربة..