الموضوع: طريقة فحص عطل مؤشر البنزين والعوامة

انا عندي الراجل بتاع العفشة فك التنك وجه يركبه تاني العداد مش عايز يشتغل وفضلنا نحط السلكين دول يمين وشمال مفيش اي حاجة مع انه كان شغال قبل ما يفك مش عارف ايه اللي حصل والراجل اللي اشتريت منه العربية فاصل الخرطوم بتاع الفايظ وحاتط مسمار مش عارف ليه تفتكر انا لو وصلته هيحصل حاجة ولو لاغيه لاغيه ليه معلش لو حد يعرف ياجماعة

المشاركة الأصلية كتبت بواسطة samir.sayed.83

بجد موضوع حلو قوى ويا ريت يبقى فى ناس كتير زيك تفيدنا بالمعلومات الجميلة دة
انا كمان كنت بشتكى من موضوع ترحيل الموشر دة
بس خدت عليه
بس الى انا بستغربلة انى لما بشغل زرار النور الموشر بيتظبط ولما ببقى قفلة بيرجع تانى ومش فاهم اية السبب

فية مشكلة عند حضرتك فى ارضي الفيشة رقم 3 من جهة اليمين
خلي الكهربائى يبص عليها بس لازم يفك لوحة العدادات
وممكن تكون فية تراب ومحتاجة تتنضف " كان عندي مشكلة مشابة وكانت شربة كمية طين مش تراب
وبعد النضافة الحياة بقت زي الفل "

المشاركة الأصلية كتبت بواسطة ashraf_sms

انا عندي الراجل بتاع العفشة فك التنك وجه يركبه تاني العداد مش عايز يشتغل وفضلنا نحط السلكين دول يمين وشمال مفيش اي حاجة مع انه كان شغال قبل ما يفك مش عارف ايه اللي حصل والراجل اللي اشتريت منه العربية فاصل الخرطوم بتاع الفايظ وحاتط مسمار مش عارف ليه تفتكر انا لو وصلته هيحصل حاجة ولو لاغيه لاغيه ليه معلش لو حد يعرف ياجماعة

ممكن يكون السلك ناشف الخاص بضفيرة التنك واتقطع من النص ارفع الفرش ف ضهر الكراسي وامشى معة واتأكد انة سليم وخلي كهربائى يبص علية بلمبة التيست هيقولك المشكلة بالظبط

بالنسبة لخرطوم الفايظ الخاص بالبنزين .. هو كدة ملغي عندك .. هتحس بأستهلاك زيادة ف البنزين بس
والعربة هتشرق منك لو دوست كتير وانت بتدورها .. لو عايز ترجع كل شيئ لوضعة قصة طويلة شوية
هتشوف الكربراتير معمولة طبة ولا لاء .. لو فية طبة هتشيلها وتتأكد ان الكربراتير شغالة تمام
والعوامة شغالة والابرة مظبوطة بتاعة الكربراتير .

بعد كدة هتتأكد ان خرطوم الراجع مفهوش اي شقوق او مقطوع من اول الحوض لحد التنك
بعد كدة هتوصل الراجع بالتانك وتوصل الطرف الاخر ف الكربراتير وتراقب الموقف ليومين
للتأكد من عدم التسريب وتراقب استهلاك البنزين