تجربة تغيير جوان التكيهات وماستر عمومى
كان عندى ترشيح زيت من عند غطا التاكيهات والفرامل كانت بتوطى وكل شوية اخد هوا وتعلى تانى والميكانيكى قالى عاوز ماستر عمومى المهم روحت علشان اغير الجوان والماستر العمومى فقالى هات جوان تكيهات نوبيرا 1 اقوله يا عم الحج نجيب الاصلى ابو 60 جنيه قالى لا هات ابو 20 جنيه بتاع نوبيرا 1 وروحت جبتله ماستر عمومى استيراد من واحد فاتح عندنا جديد فى العمرانية وحاجته واسعاره نظيفه جدا ووممتازة وجبت الماستر العمومى بسعر ماحدش هيصدقه 130 جنيه بالعافية والله وجبت الجوان جديد 20 جنيه وركبت الحمد لله وطلعت مشوار طويل وجربت بقالى كام يوم والحمد لله الزيت منع خالص والفرامل عالية وتمام وخد مصنعية بعد ماغسل الموتور كمان 50 جنيه على فكرة انا لسه جايب تنك بنزين لنسيبى من عند وحالته ممتازة وخدته 300 جنيه فاضى مع العلم مش هتلاقيه اقل من 400 والا 450 جنيه كمان واللى عاوز اى حاجة انا ممكن ابعته عنده اسمه ادهم فى شارع التلاتينى العمرانية مش فيصل
