انا معايا ماروتى العربيه فجأه لقيتها بتسخن ولقيت اربه الميا طالع منها بخار جامد والميا عامله فقاقيع جامده وبتغلى اوى
ايه اللى عندى ده حد يعرف يساعدنى
عرض للطباعة
انا معايا ماروتى العربيه فجأه لقيتها بتسخن ولقيت اربه الميا طالع منها بخار جامد والميا عامله فقاقيع جامده وبتغلى اوى
ايه اللى عندى ده حد يعرف يساعدنى
أول حاجه تفكر فيها المروحة اشتغلت ولا لا
لو مش شغاله وده احتمال كبير راجع على الفيشه بتاعتها والوصلات بتاعتها وشوفها راكبها مكانها
أيوة راجع المروحة ومتمشيش بالعربية وهى بالحالة دى وشوفها أول ما بتسخن المروحة بتكون شغالة على السرعة العالية ولا لأ
المروحه شغله يبقى كده المشكله فين
احتمال كبير يكون غطا الراديتير هو المشكلة
حضرتك بتحط ميه حنفية ولا خضرا؟
العربية موديل كام وعامله كام كيلو وآخر صيانة كانت امتى ؟ وهل تم قبل كده اي تنظيف لدورة التبريد ؟
لو الفقاقيع بتحصل في القربه والعربية بارده يبقى جوان وش سلندر..
تحياتي
Sent from my SE Arc S using Forum Runner
ونسيت اسألك هل الميه بتنقص من فتره ولا لا؟
تحياتي
Sent from my SE Arc S using Forum Runner
الميه مش بتنقص والفقاقيع من الأربه لما بتكون العربيه سخنه وتم تنضيف مياه الريداتير من سنه وبحط ميا خضرا
إيه أسباب تلف الجوان دا ؟
وأعتقد انه لما بيبوظ بيسرب نواتج حريق فى دايرة التبريد ولون المياه هيتغير وهيبقى فيه زى بقع زيت عل وش القربة صح ولا غلط ؟
ايوه لو الجوان بايظ الميا هيتخلط فيها زيت
مش شرط ياعزيزي...
ممكن تسخن والزيت ينقص...
ممكن تلاقي البوجيهات عليها زيت...
ممكن تلاقي الشكمان بيخر ميه كتير...
المهم انت بعيد الشر ان شاء الله مفيش حاجة بس غير غطا الراديتير والموضوع ان شاء الله هيتحل....
تحياتي
Sent from my SE Arc S using Forum Runner
فيه نقطة كمان مهمه لو المروحة شغاله على السرعات بتاعتها مظبوط ومفيش تبريد
ممكن يكون الكلبسات بتاعتها معكوسة
وبالتالى المروحة بتشتغل طرد مش شفط وبالتالى بتفقد فاعليتها وكإنها مش شغاله
المفروض المروحة بتشفط الهواء من الخارج عبر شبكة الإكصدام الأمامى للعربية الى الداخل والهواء بيتخلل الرداتير وبيبرده
لو متوصله غلط المروحة هتاخد الهواء الساخن من الحوض وتطرده للخارج وبالتالى ميه الرداتير مش هتبرد
عن تجربة
غير غطاء الرادياتير
انا رحت لبتاع الريداتير والريداتير كان مسدود ومليان صدا فكه ونضمه ونضف الأربه وكله بقى تمام
بقس حاسس ان العربيه برضه لسه بتسخن بسرعه مش عارف ممكن يكون ايه تانى
الأول كانت بعد ما تعدى النص بشرطه المروحه تشتغل نرجع على النص تانى
دلوقت بتعدى شرطه كمان بعد الشرطه ولما المروحه تشتغل بترجع على النص تانى
حد يعرف ايه السبب تانى ياجماعه
مش يمكن ثرموثتات الكوعة مش شغال كما يجب ؟
هى ترموستات الكوعه دى وظيفتها ايه
هى زى محبس ووسيط بين الرادياتير والموتور
بمعنى إن لو مثلا العربية فى الصبح باردة بيبقى هو مقفول وميخليش المياه تعدى تدخل جوا الموتور
أول ما العربية تسخن يبتدى هو يفتح عشان يعدى المياه وتبتدى دورة التبريد تشتغل
وهكذا شغال على طول يفتح يقفل على حسب حالة السخونية بتاع العربية زى منظم كدا
بيبقى جواه مادة حساسة للحرارة شمع البرافين بتتمدد وتنكمش تفتحه وتقفله مع الوقت بتتهرب
بيعلق هوا ممكن يبقى مفتوح ع الآخر وكدا العربية تاخد وقت ع بال ما تسخن ودا غلط ع الموتور
والموتور ممكن يبرد
ممكن تبقى مقفولة برضه والموتور يسخن لأن مفيش مياه تبريد داخلة عليه
ممكن يكون فاتح نص نص وهنا هيسخن برضه الموتور
ثيرموستات الكوعه وظيفته تنظيم حركة دخول وخروج الميه من الماتور بحيث أنه يمنع دخول ميه ساقعه جدا عالماتور وبيخلي درجة حرارة ميه معينه بس هي اللي تخش...
وطبعا ضروري جدا في الشتا بالذات...
لو باظ حاجه من اتنين...
اما يعلق وهو مقفول ودي الكارثه ان دورة الميه مش هتتحرك والماتور مش هيبرد وهتسخن جامد واحتماليه تجيب وش سلندر عاليه... وده ولا بالطبل البلدي العربية مش هتبرد....
الحالة التانية لسعيدي الحظ فقط انه يعلق وهو مفتوح وبالتالي العربية هتاخد فتره اطول عشان توصل للسخونه الطبيعية وفنفس الوقت لو مشيت في خط طوالي هتلاقي الحرارة بتنزل وممكن توصل لحرف السي!!
وفي الحالتين لابد تغييره بس الأولى اخطر والتانيه برضو بتخرب الدنيا بس على مدى طويل....
اعتقادي الشخصي مشكلتك الحالية غطا الراديتير وشوية هوا هيخرجو...
هتراقب العربية اليومين الجاين وهي بارده تفتح الراديتير وتزود شوية ميه لحد اما تفتحه تلاقيه مليان كده الهوا خرج....
تحياتي
Sent from my SE Arc S using Forum Runner
هيعرفها لما يرجع من مشوار ويسيب العربية تبرد وييجي يفتح غطا الراديتير هيلاقيه مش مليان عالآخر هيملاها ويتابعها على كدهمرتين تلاته لحد اما يفتح يلاقيه مليان عالآخر...
ولازلت عند رأيي بتغيير غطا الراديتير....
تحياتي
Sent from my SE Arc S using Forum Runner
انا بكره هغير غطا الريداتير ان شاء الله وهشوف موضوع الهوا وربنا يسهل
تمام يادكتور
أنا بتفق معاك ان تريموستات الكوعة مش هوه السبب فى المشكلة
لإنه ببساطة لو علق وهوه مقفول الميه السخنه مش هتروح على الرداتير وبالتالى الميه المحبوسة عند وش السلندر هتسخن ببشاعة وهتغلى بس ميه الرداتير والقربة هتبقى باردة والمروحة مش هتشتغل.
بس فيه احتمال بسيط ان تريموستات الكوعة يبوظ من فرط السخونة اللى حصلت بعد كده ويعلق على اى وضع
معتقدش فرط السخونه ممكن يبوظه...
يمكن الحاجة الوحيده اللي شفتها ومتأكد انها بتبوظه بسرعه هي استعمال مية الحنفية لان ده بيجمع عليها املاح وصدا ورواسب بتخليها تعلق....
ونفس الكلام على عدم تغيير الميه الخضراء بشكل دوري كل سنتين كحد أقصى او 40ألف كيلو...
Sent from my SE Arc S using Forum Runner
انا جبت غطا ريداتير انجليزى ب 15 جنيه ووالعربيه بارده لقيت القربه عايزه ميا زودتها
والحمدلله الحراره ظبطت
بس انا رحت لبتاع الريداتير اسأله على ترموستات الكوعه قالى العربيه دى مبيبقاش فيها ترموستات كوعه
وقالى لو كان فيها وكانت بايظه لما كنت بعملك دوره غسيل للريداتير والمكنه المياه مكنتش هتعدى من المكنه
ياجماعه الدنيا كلها باظت عندى تانى
قولت اجط ملح لمون زى ما كنت قريت هنا قبل كده عشان كنت هحط بكره المياه الخضرا الراجل مكنش حطهالى قالى لما نجرب ايه اللى هيحصل
طبعا لقيت العربيه درجه الحراره قبل الأخر بشرطه وبخار فظيع طالع من الكبوت والدنيا كلها باظت وبعدها فى نفس اللحظه لقيت صوت تنفيس الماسوره اللى من الريداتير للمكنه اتخرمت لوحدها كل ده ورا بعض
نصيحه اوعو حد يعمل كده تانى ولا ملح ليمون ولا خل كل ده كلام فاضى
ربنا يسهل بقى بكره اروح الحم الخرم ده واشوف ايه اللى حصل تانى
انا حاسس من كلامك ان ثيرموستات الكوعه علقت وقفلت من ملح الليمون.....
الماسوره اللى اتخرمت بدلها احسن وشيك على بقية الخراطيم...
انا استخدمت ملح الليمون في عربية تانية بس فصلنا الترموستات قبلها لانه توقع ان الرواسب تتحشر في اي حته....
عموما حاول لو لقيتتها بتسخن تركنها ومتخليهاش توصل للاحمر...
او حتى ممكن تفك الترموستات بنفسك قبل ما تمشي اصلا....
تحياتي
Sent from my SE Arc S using Forum Runner
هى مكانها فين الترموستات
انا انهارده رحت لبتاع الريداتير وطلعت الماسوره لقيتها مليانه برومه سألت على سعرها لقيتها ب 35 جنيه اشتريت واحده جديده وركبتها وغيرت الأفزان كلنو مش حلوين وكله بقى تمام الحمدلله
بالنبه لترموستات الكوعه انا سألت بتاع الريداتير قولتله انت بتقولى مفهاش ترموستات ازاى قالى لا فيها بس عربيتك متشاله منها
فهو كان يقصد ان عربيتى هى اللى تقريبا الراجل اللى اشتريتها منه كان شايلها وقالى ملهاش لزمه كده احسن للعربيه
انا بقالى 5 سنين ماشى من غيرها ومفيش اى مشكله