-
great wall peri
يا جماعة انا نزلت النهارده اتفرج فى كام مكان على العربيات
اتفرجت على اكثر من عربية
من بينهم العربية peri الجديدة
الغريب ان قسم المبيعات قالى انها ماليزى والمتور يابانى
لما رجعت عرفت من النت انها صينى ، عايز اعرف هى بلدها ايه بالظبط
هى شكلها جميل وامكانيات عالية وسعرها جامد
بس عايز اعرف تقيمكم للعربية ... ولا الصينى يخوف
وهل الماركة دى ليها قطع غيار ومتداولة فى السوق
مع العلم ان عز العرب هو اللى واخد التوكيل
-
انا قريت عن العربية في اخبار السيارات بس هي صيني وهي اول انتاج لجريت وول من سيارات الركوب وبالتالي مالهاش قطع غيار في السوق الا لو كانت مبنية علي تكنولوجيا احدي السيارات الياباني زي بعض الماركات من الصيني وانا استبعد ذلك وياريت يا جميل تقولنا سعرها كام وايه رايك فيها ؟
-
حضرتك قلت سعرها جامد ؟؟ كام سعرها ؟
العربيه حسب الكلام اللى قريته على النت كويسه و من اوائل السيارات الصينى اللى بتحاول تدخل سوق اوروبا و انتو عارفين موافقات الامن و المتانه بتاعتهم .
و اماكن تانيه قالو انهم سارقين تصميمها من احد موديلات فيات . مش فاكر باندا و الا مين .
ده فيديو عن العربيه من يوتوب http://www.youtube.com/watch?v=1AWunC015ls
و ده فيديو تانى
http://www.youtube.com/watch?v=Tt6-kin6ryk
و ده موقع فيه كلام عن مشكله فيات و موديل باندا اللى بيقولو انه اتسرق . و فيه صور جامده عن البيرى من جوا و من بره .
يا ريت اللى سال يقوللنا سعرها كام . و المقدم كام ؟ لانها حاليا بالحجز مش حاضره حسب معلوماتى و شكرا .
بس للعلم الى الان مش لاقى موقع يؤكد ان السياره اتباعت فى اوروبا . كله بيتكلم ان نيه المصنع انه يسوقها فى اوروبا .
-
-
شكرا ياجماعة على المشاركة
بصراحة العربية شكلا وامكانيات جميله جداااا + انها مريحة فى القاعدة والتحكم وصوت الموتور مش عالى قوى
وهى عامله 55000 جنيه وفى منها الوان أصفر كنارى ، أسود ، سلفر ، أحمر
وبصرحة انا كنت خايف منها على اساس انها صينى
لكن قسم المبيعات قالى عز العرب عمره ما هيبوظ سمعته علشان اى عربية
وهو فعلا التصميم بتاعها مسروق وعلشان كده اتمنعت من دخول اوروبا مش لسبب تانى
وهى فعلا بالحجز ، لكن المقدم كام بالظبط مش عارف الحقيقه
عموما انا هنزل مره تانيه وحعرفلك
-
فعلا اسم عز العرب مش سهل .
و كمان حاجه تانيه . عربيات جريت ولل النص نقل الناس بتشكر فيها فى مصر بقالها سنه او سنه و نص .
شكرا على السعر يا باشا . هيا كده منافسه جدا للسيبرانزا 113
تقريبا نفس السعر
-
أنا يا جماعة شفت العربية دى فى معرض من كام يوم ..
بصراحة عجبتنى .. خاماتها حلوة وتقفيلها حلو جدا ..
بس الشنطة من بره شكلها صغير ..
هى كانت مقفولة فللأسف معرفتش أقعد فيها وأشوف شنطتها شكلها ايه ..
بس شكلها العام كويس.. وحاسس انها أحسن الصينى اللى نزل ...
لو بس ينزلوا واحدة سيدان أكبر شوية بنفس النضافة ...
-
http://www.nilemotors.net/Nile/showt...py+your+dreams
كل اللي اعرفه عنها ان تصميمها مسروق من شركه فيات و ان فيات خدت حكم بمنع دخول السياره اوروبا و امريكا نهائيا
-
فعلا شكلها حلو قوووووووووووى انا اعجبت بيها قووووووووووى
-
ما المشكلة الاكبر
ان مش كفاية ان الشكل يكون حلو
المهم الجودة والخامات والامان
وزى ما انت شايف اختلاف وجهات النظر على الصينى
Content Relevant URLs by
vBSEO 3.6.0 PL2