لو حد فاهم موضوع الدعم بتاع البنزين يفهمنى

**matrix012** · 12-01-2013 11:46 AM

معلش انا مش فاهم اى حاجه بخصوص الدعم على البنزين ازاى الواحد يستخدم 5 لتر يوميا ازاى
وكمان الدعم كان لحد 1600 سى سى ودلوقتى بقى 1400 سى سى برده مش فاهم
واصلا الواحد يعمل ايه حتى لو رضينا بالامر الواقع وحصل الدعم هل هروح المرور ادفع فلوس واخد كوبونات ولا الكلام ده هيبقى لحد التجديد ولو العربيه اكتر من 1400 هتاخد اللتر ال 92 بكام
وهوا الكوبون هيبقى محدد نوع البنزين الى يستخدم فى العربيه مثلا يعنى انا اوقات بحط بنزين 80 واوقات بحط 90 والغالبيه بحط 92 الكوبون هيبقى عامل ازاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
لو حد فاهم الموضوع ده ياريت يشرحه
وشكرا
كده لازم كل واحد يلحق ينظف التانك والكاربراتير ويظبط الرشاشات علشان يقدر يظبط الاستهلاك ( ده لو نفع كمان )
وربنا يستر طريقى وطريكم

**msobhy** · 12-01-2013 02:20 PM

حضرتك جبت منين معلومة ال 1400 سى سى ديه؟

**dedo_ryo** · 12-01-2013 04:18 PM

من حوار وزير البترول الله يعمر بيته ....... العربيات الباسات و الشروكو و الجولف ال 1400 المزوده بشواحن توربو تاخد دعم انما اللانوس و الفيرنا و اللانسر و اللوجان و الميجان و الشاهين و الصني و اللادا اللي فيهم رفاهيه الخخخخخخخخخخخ ال 1598 تاخد علي دماغها و هتاخد دعم جزئي يعني اللتر من 2.5 ل 3 جنيه يعني الدعم للسيارات اقل من 1400 سي سي و قبل سنه 1990 دون تقيد بسعه .................. حسبي الله و نعم الوكيل فيكي يا حكومه

**ICE_MAN** · 12-01-2013 04:27 PM

المشاركة الأصلية كتبت بواسطة msobhy

حضرتك جبت منين معلومة ال 1400 سى سى ديه؟

دى سيادتك قالها السيد (المحترم) (العالمى) (الخبير) وزير البترول مع خيرى رمضان من يومين .. قاللك الدعم لغاية 1400 و ال1600 هاندعمه جزئيا !!!!! يعنى الباشا هايدعم الباسات و مش هايدعم اللانوس و الفيرنا.

مش عايز اعلق علشان ماتوقفش .......

**hossamalsadik** · 12-01-2013 04:54 PM

انا 1000cc

**S O P H O S** · 13-01-2013 03:58 AM

بلاش تحاول
اصبر لحد ما يطلع خبر اكيد من اي حته
او يطبق فالشارع
علي الاقل منحرقش دمنا بالاخبار دي بدري ..

**matrix012** · 13-01-2013 09:39 AM

المشاركة الأصلية كتبت بواسطة hossamalsadik

انا 1000cc

حضرتك على ما فهمت ان العربيات بعد سنة 1990 مفيش دعم ويا رب اكون فهمت غلط علشان كلنا هنجيب تكاتك بعد كده

**matrix012** · 13-01-2013 09:40 AM

المشاركة الأصلية كتبت بواسطة sala7

في الحالة دي ممكن أطالب بحقي في المال العام هههههه و ساعتها بقا اطلب حقي ناشف و أروح افول براحتي ههههههههههههههههههه و بكدا تكون خرجت من دائره الدعم الإجباري للبنزين ... و بكدا المشكلة تبقت اتحلت ..... يلا يا شباب مين هيعملي توكيل ؟؟؟؟ هههههههههههههههههههههه

كلنا معاك يا صلاح بس يا خوفى لا نكون بنخبط دماغنا فى الحيط