تعديل سخان غاز س 10 مصانع

**Ahmed_selmy** · 13-01-2013 06:21 PM

اعتقد ان الفكره صعبه لان ببساطه انت عندك فى بوردة كونترول بتاخد سيجنال اما الميه تفتح عن طريق نقطة تلامس اما الميه تفتح فى ريشه بتلمس نقطه التلامس ودى اول عقبه حتحطها ازاى, بالاضافه ان اما بوردة الكونترول بتاخد الاشاره بتدى سيجنال لسولونويد( ملف كهربى) بيفتح سكة الغاز ودى مشكله تانيه انك حتقدر تحطه ازاى فى سكة الغاز بتاعة السخان,, وفى الاخر خالص الشراره بتشتغل ودى زيها زى المانيوال بس بتاخد كهربتها من بوردة التحكم مش يدوى.
انا عرفت كل دا لانى مهندس كهرباء اولا ,و ثانيا عندى سخان يونيفرسال زى اللى عند اخوك طلع عين اللى خليفونى والصيانه بيجوا بعد اسبوع من الاتصال يعنى صباح البهدله.
انا راى يا اما تجيب سخان من بابه اشعال واكيد طبعا تبعد عن اليونيفرسال او انك تخليك فى الشعله وامرك الى الله.

**wolf2** · 13-01-2013 06:40 PM

المشاركة الأصلية كتبت بواسطة ahmed_selmy

اعتقد ان الفكره صعبه لان ببساطه انت عندك فى بوردة كونترول بتاخد سيجنال اما الميه تفتح عن طريق نقطة تلامس اما الميه تفتح فى ريشه بتلمس نقطه التلامس ودى اول عقبه حتحطها ازاى, بالاضافه ان اما بوردة الكونترول بتاخد الاشاره بتدى سيجنال لسولونويد( ملف كهربى) بيفتح سكة الغاز ودى مشكله تانيه انك حتقدر تحطه ازاى فى سكة الغاز بتاعة السخان,, وفى الاخر خالص الشراره بتشتغل ودى زيها زى المانيوال بس بتاخد كهربتها من بوردة التحكم مش يدوى.
انا عرفت كل دا لانى مهندس كهرباء اولا ,و ثانيا عندى سخان يونيفرسال زى اللى عند اخوك طلع عين اللى خليفونى والصيانه بيجوا بعد اسبوع من الاتصال يعنى صباح البهدله.
انا راى يا اما تجيب سخان من بابه اشعال واكيد طبعا تبعد عن اليونيفرسال او انك تخليك فى الشعله وامرك الى الله.

أشكرك سيدى للتوضيح و العرض خبرتك بس هو مش ممكن يتشال الجزء السفلى القديم بتاع الرداخ و وصلات الميه و يتحط واحد جديد - علما بأن نفس الموديل و الشكل و السعه و الشركه منزلاه اشعال اليكترونى - حد جرب يعمل كده على يد متخصصين

**wolf2** · 13-01-2013 06:48 PM

المشاركة الأصلية كتبت بواسطة midnightman_74

يونيفرسال دة فاشل
كان عندي ٦ لتر صرفت علية قد تمنة لحد ما رميتة
وجبت المصانع وشغال كويس
أنا رأيي ان تشيل الفكرة دى من دماغك
انت مجربتش ان السخان يعطل فى البرد وانت او ابنك بياخد دش

اقولك الحق - هو سخان ممتاز و هو بدرجه عشره على عشرة و حلال الفلوس فيه ربنا يباركلى فيه و يبارك لكل الى عندهم - العمر بتاعه دلوقتى 12 سنه - و عند والدى واحد بقاله يمكن قبل ما اتولد ههههههههه

و كل الى افتكره لم تتعدى مرات صيانته ثلاث أو اربع مرات على الأكثر - عشان كده جبت من الشركه دى ( المصانع الحربيه )

**maka** · 13-01-2013 07:15 PM

اقولك فكرة سهلة و صعبة فى نفس الوقت و هى هات طقم اشعال بتاع بوتجاز و ده هيكون رخيص و ثبت نقاط الاشعال وسط عيون السخان و ثبت جهاز الاشعال فى ضهر السخان من تحت

الصعوبة انك هتشغل السيستم ده ب 220 فولت و ان السخان بيفتح غاز اعتماد على الحساس النحاس اللى جنب الشعلة اللى لازم يفضل دافىء

**wolf2** · 13-01-2013 07:28 PM

المشاركة الأصلية كتبت بواسطة maka

اقولك فكرة سهلة و صعبة فى نفس الوقت و هى هات طقم اشعال بتاع بوتجاز و ده هيكون رخيص و ثبت نقاط الاشعال وسط عيون السخان و ثبت جهاز الاشعال فى ضهر السخان من تحت

الصعوبة انك هتشغل السيستم ده ب 220 فولت و ان السخان بيفتح غاز اعتماد على الحساس النحاس اللى جنب الشعلة اللى لازم يفضل دافىء

فكره - بس ما عملناش حاجه - ما زالت الحاجه الى عدم وجود- شعله مستمرة - موجوده و عدم الأقتراب من السخان عند احتياج ماء ساخن