الساده اعضاء المنتدى الكريم ارجوا المساعده فى توضيح امكانيه تعديل الاشعال اليدوى للسخان الغاز س 10 مصانع حربيه من يدوى الى اوتوماتيكى او ذاتى زى السخانات الحديثه عشان موضوع الشعله الصغيره المستمرة دى مش مريحانى بصراحه :b4_444:
عرض للطباعة
الساده اعضاء المنتدى الكريم ارجوا المساعده فى توضيح امكانيه تعديل الاشعال اليدوى للسخان الغاز س 10 مصانع حربيه من يدوى الى اوتوماتيكى او ذاتى زى السخانات الحديثه عشان موضوع الشعله الصغيره المستمرة دى مش مريحانى بصراحه :b4_444:
32 مشاهده ولا يوجد رد منتظر الرد للأهميه
رأيي الشخصي بلاش..
ده غاز مافيهوش هزار
مهما كانت حرفية اللي هايعمل التعديل فلن يكون بالمهارة الكافية لحساب توقيتات الإشعال والضغط المناسب وخلافه..
وطبعا حضرتك عارف ان الغلطة في الحجات دي بتعمل كارثة
صون نفسك وصون أهل بيتك وتعالى على نفسك شوية واشتري سخان جديد أفضل عالأقل عشان تبقا متطمن وحاسس بأمان
أقوللك..
لو فرامل عربيتك بايظة وقدامك حل من اتنين:
1- تغيير منظومة الفرامل كلها من الألف للياء بتكلفة عالية ونتيجة مضمونة مية المية
2- أو عمل تعديلات خزعبلية من صنايعية فهلوية بتكلفة قليلة ومفيش ضمان عالنتيجة
تختار إيه فيهم؟
طبعا انا مش قصدى الى حضرتك فهمته مع شكرى الشديد لحرصك - بس المقصود هل ان ممكن تتعدل مثلا( بشرا قطعه و تركبيها على ايدى مختصين - او ان ممكن اتصل بالشركه المصنعه للجهاز و ابلاغهم برغبتى دى) كنت محتاج خبرات ناس تانيه لو حد سبق و عمل التعديل ده و ايه الوسيله المناسبه و مدى نجاحها وشكرا
المشكلة ان كل مشاكل السخانات إللى فى السوق هو جهاز الإشعال الذاتي إللى انت عايز تركبة
إللى هتوفرة على الأنبوبة هتصرفة على تصليح السخان
لو السخان إللى عندك مش عامل مشاكل تبقى كدة فلة
كلم صيانكو اسال اذا كان الموضوع امن و بيتعمل هيعملوه
اعتقد ان الفكره صعبه لان ببساطه انت عندك فى بوردة كونترول بتاخد سيجنال اما الميه تفتح عن طريق نقطة تلامس اما الميه تفتح فى ريشه بتلمس نقطه التلامس ودى اول عقبه حتحطها ازاى, بالاضافه ان اما بوردة الكونترول بتاخد الاشاره بتدى سيجنال لسولونويد( ملف كهربى) بيفتح سكة الغاز ودى مشكله تانيه انك حتقدر تحطه ازاى فى سكة الغاز بتاعة السخان,, وفى الاخر خالص الشراره بتشتغل ودى زيها زى المانيوال بس بتاخد كهربتها من بوردة التحكم مش يدوى.
انا عرفت كل دا لانى مهندس كهرباء اولا ,و ثانيا عندى سخان يونيفرسال زى اللى عند اخوك طلع عين اللى خليفونى والصيانه بيجوا بعد اسبوع من الاتصال يعنى صباح البهدله.
انا راى يا اما تجيب سخان من بابه اشعال واكيد طبعا تبعد عن اليونيفرسال او انك تخليك فى الشعله وامرك الى الله.
اقولك الحق - هو سخان ممتاز و هو بدرجه عشره على عشرة و حلال الفلوس فيه ربنا يباركلى فيه و يبارك لكل الى عندهم - العمر بتاعه دلوقتى 12 سنه - و عند والدى واحد بقاله يمكن قبل ما اتولد ههههههههه :Bravo:و كل الى افتكره لم تتعدى مرات صيانته ثلاث أو اربع مرات على الأكثر - عشان كده جبت من الشركه دى ( المصانع الحربيه )
اقولك فكرة سهلة و صعبة فى نفس الوقت و هى هات طقم اشعال بتاع بوتجاز و ده هيكون رخيص و ثبت نقاط الاشعال وسط عيون السخان و ثبت جهاز الاشعال فى ضهر السخان من تحت
الصعوبة انك هتشغل السيستم ده ب 220 فولت و ان السخان بيفتح غاز اعتماد على الحساس النحاس اللى جنب الشعلة اللى لازم يفضل دافىء