الموضوع: مشاكل كتير أوى ولسه مخلصتش الالف أرجو المساعده المخلصه

معلش يا جماعه انا عارف ان انا تقلت عليكم كتير فى الاسئله

بعد الحادثه اللى اتكسر فيها الفانوس والاكصدام لما جيت اطلع العربيه من الجراج

عشان اروح اوديها لواحد بيصلح اكصدامات لاحظت حاجات كتير أوى

- أول حاجه فى طقه فى الطلعه أو وانا راجع وره ( كان فيه اخ هنا كاتب عن الموضوع ده بالنسبه للماتريكس مش عارف نفس النظام ولا ده حاجه تانيه )

- تانى حاجه وده المصيبه الكبيره بجد فى أصوات فظيعه بتتطلع من الفتيس يعنى لما مثلا أكون على 40 على التانى واديلها التالت الاقى العربيه بتعمل صوت زى ( أوووووو ) زى التاكسيات القديمه كده ده غير ان الدبرياج بيدى صفاره خفيفه لما بدوس عليه وانا ماشى وبسمع صوت احتكاكات وصوت التروس فى الفتيس مع النقل

- تالت حاجه أول ما طلعتها من الجراج وبلف الدركسيون طلعت صوت غريب أوى لما لما لفيت مش عارف اوصفه

- رابع حاجه حاسس ان العفشه ما بقتش زى الاول هل ده عادى عشان عاوزه تتربط ولا ايه

ده غير بقى ان دلوقتى معاد صيانة الالف وانا والله مخنوق جدا ومش عارف اعمل اى حاجه انا حاسس ان انا معايا عربيه مستعمله مش زيرو بعد كل ده

انا راكنها وبركب تاكسيات واتخنقت مش عارف اعمل ايه وخايف من التوكيل والكلام اللى الناس بتقوله عليه ممكن اروح اصلح كل ده ويبوظولى حاجات تانيه

كان فى موضوع لاستاذ محمد ممدوح عن واحد بيشتغل فى الكورى وامين جدا وشغله محترم طبعا انا متعاملتش مع استاذ محمد ممدوح قبل كده بس هوا من ردود الاعضاء كلهم بيشكرو فيه جدا وهوا انسان محترم جدا فا ياريت يا جماعه تنصحونى اعمل.

وياريت اللى حصلت معاه مشكله من دول قبل كده يقول.

معلش ولا تحزن
قدر الله وما شاء فعل
لى وجهه نظر خاصه
أنصحك بالذهاب للتوكيل وعمل مقايسه للأصلاح ومعرفه حجم التلفيات ومقدار أصلاحها أو تغيير الأجزاء التالفه
وهناك حل من الأثنين
1- لو فى مقدرتك الماليه صلح فى التوكيل لأنك لو خسرت فلوس أكثر بس حتكسب عربيتك من جديد من حيث الضمان وجوده الأصلاح لحد ما ولو ظهر شىء فى الأشياء التى تم اصلاحها فى التوكيل روحلهم تانى لحد ما ترجع زى الأول
2- لو مش فى مقدرتك الماليه تريث جيدا ولا تستعجل ولف على أكثر من صنايعى لحد ما تلاقى واحد كويس ومتجرب من شخص ذو ثقه من قبل وصلح عنده صحيح حتوفر كثييييير بس حتخسر الضمان وحتحس ان السياره مرجعتش زى الأول
ومش عايزك تزعل عشان اللى صابك فى سيارتك اهون بكثيييير من ناس تانيه كثيييييييييير