الموضوع: مساعدة فى غضروف الركبة

المشاركة الأصلية كتبت بواسطة amrelsha3er

لاحول ولا قوه الا بالله
شفاك الله وعفاك اخى الكريم

الله يخليك شكرا جزيلا

المشاركة الأصلية كتبت بواسطة ahmed_dinamo

الف الف الف الف سلامه يا باشا وربنا يشفيك ويعافيك قريب ان شاء الله
بص انا كان جالى يوم 7-11-2012 انزلاق غضروفى فقره 4 و 5 فى ظهرى
ورحت لدكاتره كتير جداً لان انا كنت ناجح شرطه وحربيه ومكنتش عارف اخش ولا لا
المهم لفيت على قد ما لفيت وكله خوفنى وقالى عمليه وفى الاخر قالولى ادخل الكليه واعمل العمليه على حساب الشرطه ودخلت يوم 21-11-2012 الكليه قعدت 10 ايام واخد راحه وقولتلهم انا تعبان وبتاع وقولت على حوار العمليه زى ما الدكاتره قالولى الموضوع كبر وودونى كومسوين طبى وحوارات وخلصت 45 يوم وطلعت ولسه كان حوار الكومسيون بعد ال 45 يوم ب 3 ايام واتعرضت على لجنه طبيه عشان يحددو هكمل فى الكليه ولا على اساس ظهرى وبعد لف وعناء وبعد خروجى ب 4 ايام وقلق وخوف من ان انا هكمل فى الكليه ولا لا ؟؟
الاستشارين اجمعو ان انا عندى bulge بروز فى الغضروف ودى عند مصر كلها تقريباً ومش مؤثره بالمره وهتروح مع الوقت وجسمى هياخد عليها والحمدلله مكمل فى الكليه وخلصت التيرم الاول وبمتحن اهو ^_^
قصدى عايز اقوله لحضرتك ان الدكاتره بيدورو على عملياتهم ومصلحتهم الا نادر ال بيبئا شغال بضمير
فى دكتور فى الدقى والله الوحيد ال قالى ان انا حالتى مطمئنه ومش محتاج عمليه هو دكتور جراحة مخ وأعصاب اسمه إبراهيم محمد إبراهيم لطفى أستاذ جراحة المخ والاعضاب - جامعة القاهره و دكتوراه فى جراحة المخ والاعصاب والعمود الفقرىو شهادة التخصص الدقيق فى جراحة المخ والاعصاب جامعة ليون بفرنسا وعضو الكونجرس الامريكى للاعصاب ده فى الدقى ده فى العماره ال فيها مكتبه سمير وعلى ال بعد نزلة الكوبرى فى اتجاه حديقة الاورمان ده كشفه 250 جنيه
ان شاء الله رب العالمين يطمنك ومتطلعش محتاج عمليه وانا عمى مدرب كرة قدم هسأله على دكاتره وكده هقولك ان شاء الله لان الحاجات دى بتمر عليهم كتير وربنا يشفيك ان شاء الله وطمنى عليك

ازيك يا باشا
شكرا جزيلا على الرد
وربنا يوفقك ويكرمك فى حياتك العمليه ودراستك ان شاء الله
انا هنتظر ان شاء الله وربنا يقدم الى فيه الخير بس عايز ابقى جاهز عشان لو هعمل العمليه و ما حصلش تحسن
ربنا يبارك فيك وشكرا على اهتمامك

ربنا يشفيك ان شاءالله

شكرا يا رجاله و ربنا يبارك فيكم جميعا