صيانة رينو تات مرة واسيوط اخر مرة
بسم الله
اخوانى اصحاب عربيات رينو ارجو منكم المشاورة فى ما حدث معى
1 - انا عندى رينو لوجان موديل 2010 عملت صيانة 20000 فى الاقصر وكانوا للامانة غاية فى الادب والاحترام والذوق فى التعامل وكان دة فى 22/ 6 / 2011 وكان ساعتها صيانة اسيوط لسة مفتحتش علما بانى من محافظة سوهاج
2- فى صيانة 30000 ذهبت الى فرع اسيوط ووجدت هناك اتنين مهندسين (ماركو) وهو انسان محترم جدا واخر يدعى ( محمود... الله لا يسامحة) الذى فوجئت منه بسوء معاملة غير معروفة السبب لدرجة انه رفض اختبار السيارة معى بعد الصيانة وعند استفسارى عن اى شى كان بيرد ويقول بعدين ..المهم زعلت وحسيت انى معملتش صيانة من اصله على الرغم من انهم قاموا بتغيير الفرامل الامامية بحجة انها خلاص تعبت او مش عارف بيسموها اية .
3- قمت بالاتصال 16202 وقدمت شكوى فى هذا المهندس محمود لسوء التعامل كما اكتشفت انة المفروض اخد الحاجات اللى غيروها زى توكيل الاقصر لكن محصلش قلت يمكن نسيوا.نسيت اقولكم انة سالتهم انى شايف زيت تحت العربية قالى المهندس محمود ان اللىى غير الزيت يمكن مركبش الفراشة فى الفلتر
4- روحت عملت صيانة لعربة اخى الكارينز ووجدت معاملة محترمة من المهندس ماركو
5- فى 1/11/2012 ذهبت الى اسيوط فى تمام الساعة التاسعة والربع لعمل صيانة 40000 للوجان قابلت المهندس ماركو , وقلتلة على الملاحظات فى السيارة من ارتفاع صوت الماتور وعضة الفتيس اللى كل توكيل يرمينى على اللى بعدة .
6- كتب ماركو ملاحظاتة وروحت الريسبشن وتم البدء فى السيارة الساعة العاشرة تم رفع السيارة على المكبس وبدوء العمل بتكاسل واضح على العلم بانى السيارة الوحيدة فى ذللك اليوم ولا توجد سيارات اخرى المهم .على 11.15 جاء المهندس محمود وسلم على الناس ووجدت ان المهندس ماركو قد ركب سيارتة واستاذن .. قام المهندس بفحص السيارة وقالى بابتسامة هادئة ان العربية فيها تسريب زيت ومحتاجة تغيير جوانى ..وسالنى اذا كانت العربية فى الضمان ولا لا .قلتله انها فى الضمان .طلب منى فواتير الفحص بتاعة 20000 كيلو ..وطبعا انا مكنتش عامل حسابى وقال لى بابتسامة هازئة لو مجبتهمش يبقى هتدفعهم من جيبك ..المهم حاوت انى ابلغة بانى مش عامل حسابى وانه ممكن يتصل على توكيل الاقصر .رفض وقال انة ملهوش دعوة بالتوكيلات الفرعية دى..قلتلة طب ممكن ادفع وبعدين اجيب الفواتير قالى اللى بيدخل جيب الشركة مش بيطلع تانى
7- طلبت من زوجتى المريضة بان تنزل وتحاول ان ترسل لى صور الفاتورة على الفاكس
8- عندما علم المهندس بانهم موجودين قال لى بنفس الهدوء والابتسامة ( لو حضرتك مجبتش الفاتورة قبل واحدة العربية هاتبات هنا قلتلة خمس دقابق والفاتورة هاتوصل
9- وصلت الفاتورة وبدء الشغل المهم فجاء قطع النور وفوجئت بالمهندس يبتسم ويقول لى كدا العربية مش هاتقدر تنزل وهاتبات الى يوم الاحد (علما باننا كنا فى يوم الخميس.. يعنى العربة هاتقعد مشعلقة فى الهواء تلات ايام وانا هاضطر الى الرجوع الى بلدى بدون السيارة على العلم بان توكيل الصيانة فى منقباد خارج مدينة اسيوط على الطريق الصحراوى ) .. قلتلة الساعة دلوقتى اتنين ونص وانا هاستنى الى ميعاد انتهاء العمل .. قالى طيب بس لو منزلتش يبقى خلاص .. استغربت من لهجتة وكانة فرحان فيا ..وخلانى مصر على اخذ السيارة باى شكل .
10- كل ربع ساعة يدخل المهندس ويقولى يا استاذ النور كدا مش هايجى!!!!!..المهم عند الساعة الثالثة والثلث قام المهندس بالتحدث لي بلهجة محتدة من ان مفيش فايدة وان العربة لازم تبات .
11- رفضت رفضا باتا الرحيل بدون السيارة وطلبت محادثة مدير الفرع افرد المهندس قائلا كلم اللى انت عايزة براحتك.
12- تحدثت الى 16202 وحاولت مكالمة اى احد من المسئولين وقمت بالتحدت تليفونيا الى مدير الفرع فى اسيوط فتكلم الى المهندس فترة ثم جاء الى المهندس بشكل اخر خالص يتودد الى ويحاول ان يجعلنى ان اترك السيارة لان اخت مراتة تريد الذهاب الى المستشفى للكشف بحجة ان سيارتة هى اللى عليها كارنية دخول جامعة اسيوط. حاول تهديدى بان العربة لو نزلت مش هاتقدر تطلع تانى وانة لازم يجرب السيارة .برضة رفضت فقام المهندس باستخدام مكبس هيدوليكى صغير لنزول السيارة وفعلا نزلت السيارة فى ثوان قام المهندس مسرعا بعمل ورقة وكتب لى الفاتورة بدون ختم او امضاء واعطاها لى..طلبت من المهندس الكشف على السيارة فقال لى لو حصلت حاجة ابقى اتصل بينا ..وقال بنفس الجملة (احنا عملنا معاك زى المثل اللى بيقول اقلب المريض)
الغريبة ان النور جة الى باقى الاماكن بجور الصيانة وهى لا
والاغرب عدم وجود محول كهربى بالمكان:hitwall3:
والاغرب اصرار المهندس على ترك السيارة معلقة لمدة 3 ايام (بيعذب الزبون!!
تحركت من المكان فى الخامسة والربع مساء وانا استشيط غضبا وتعبا وارهاقا :angry26:غير ان المهندس رفض تزويد سائل البور وكمان الفرامل ولم يحدث تربيط للعفشة ولا اى حاجة ودفعت 830 جنية زى الاسد
وكانت رحلة زى ؟؟ للاسف وطبعا زى كل مرة لم اخد الحاجات اللى بيغيروها ..
........ من الحاجات اللى حرقت دمى ان الفنى قام بادخال سيارت البولو وغسلها بالخرطوم وتلميعها على العلم بان لا يوجد مكان لغسيل السيارات (بمعنى يعطوك العربية بعد الصيانة ودة عكس ما حصل بتوكيل الاقصر صن جير )
....* من الحاجات التانية اللى تحرق الدم ان المهندس ماركو نسى يطفى كاسيت السيارة وطبعا فضل شغال من اول ماالعربية اتعلقت الى الثانية والنصف ظهرا الى ان جاء عامل البوفية ربنا يكرمة واستخدم سلم وقام بطفاء الكاسيت وقال حرام انتو هاتخلصوا البطارية للراجل ..يعنى اربع ساعات الكاسيت شغال) ودة مالاحظته فى ان البطارية ضعفت بعد ذللك
طبعا روحت وانا ماشى ببطء شديد واكرر كلمات المهندس لو لمبة الزيت نورت اركن العربية وانزل
13- المهم روحت سوهاج الحمدلله قمت بالتصال ب 16202 وردو عليا يوم الاحد وكلمنى احد المسئولين وحكيت معاة الموضوع فاعتذر عن رد فعل المهندس وقال ان رئيس الفرع هايكلمنى ويشوف مشكلتى
14- ؤاتصل بيا مدير الفرع فى اليوم التالى وشرحت له الموضوع وطلبت منة تفسير لما حدث وقالى بانة مستعد انى اجى اسيوط ويقوم بفحص السيارة بنفسة ..علما بانى طبيب لا استطيع السفر كثيرا لمسئوليتى بالمستشفى
بعد مرور اسبوعين اتصلت بمدير الفرع فوجدتة انه يحاول تذكر الموضوع وقالى انة روح ياافندم وكلهم هايخدموك ..قلتلة طب ووعد حضرتك ليا الى مش مشكلة اتصلت تانى يوم الاربعاء بالصيانة لانى لاحظت انه فى تسريب فى الزيت ورد عليا المهندس محمود وفكرتة بالموضوع وقام بالحجز لى بعد اخمسة ايام للصيانة
اخوانى الاعزاء ....اولا انا اسف على الاطالة عليكم بس كان لازم احكى كل التفاصيل..ثانيا اريد منكم النصيحة فيما يجب عملة مع هذا المهندس على وهذا التوكيل اللى خلانى اقول ياريتنى مااشتريت الرينو ابدا وخلانى افكر انى ابيع العربية ولا اطلب من اى احد انة يشترى عربة رينو من اصلة على العلم بانى كنت من اشد المعجبين بالسيارة وبالماركة رينو