ياجماعه حد يعرف سعر مرايه البيرسونا 2012 الاتوماتيك اللى فيها الاشاره
والافضل اجيبها من التوكيب ولا من بره علما بأن لونها برونزى
عرض للطباعة
ياجماعه حد يعرف سعر مرايه البيرسونا 2012 الاتوماتيك اللى فيها الاشاره
والافضل اجيبها من التوكيب ولا من بره علما بأن لونها برونزى
معتقدش هتلاقيها برة
ممكن تسأل في شارع دمشق او اولاد منصور وهتاخدها اكيد بنص تمنها في التوكيل
بص يا باشا، شوف كده الموضوع ده عبر المنتدي هتلاقي فيه بإذن الله المحلات إللي شغّال في بروتون في الإسكندرية.
http://www.nilemotors.net/Nile/209926-a.html
اسأل عندهم، كده وشوف. وربنا ييسر لك، وتلاقيها موجودة عندهم.
باﻷضافة لﻷسماء المذكورة فى محل متحصص فب بروتون على خط ترام باكوس قبل محطة ترام الوزارة فى اتجاه محطة الرمل
اسف جداً مشوفتش ان حضرتك من الاسكندرية
معلش يا ريس، ما فيش حاجة في الدنيا كاملة الأوصاف...
لكل شيء إذا ما تم نقصان...فلا يغتر بطيب العيش إنسانُ
لا بد أن يكون هناك سلبيات في مقابل ميزات.
أنا كنت سألت عن قطع غيار برسونا عند أكتر من محل قبل ما أحجزها، يعني مثلاً أولاد منصور وأولاد علام في الجيزة، قالوا لي: إن قطع غيارها في المعقول، ومتوفرة عندهم باستنثاء الإضافات والتعديلات الجديدة زي المرايات الجديدة ذات الإشارات الضوئية، وفوانيس الخلفية led، فهي أسعارها غالية، دول إللي حضرتك اضطررت أن تغيرهم.
وبإذن الله مع مرور الوقت، العربية بتنتشر نسبيًا، وإن شاء الحاجات دي هتتوفر خارج التوكيل بأسعار أقل من كده، لأن الفوانيس الجديدة والمرايات الجديدة للبرسونا يدوب لها سنة ونصف سنتين بالكتير، فملحقتش تنتشر، وتتوفر في محلات قطع الغيار.
وكما أُخبِرت، خد مثلا الجين تو عند نزولها في عام 2006 و2007، كانت كارتيرة الزيت بتاعتها بألف ونصف تقريبًا، حاليًا اعتقد سعرها 400 جنيه أو أقل. وهكذا قِس على هذا المثال.
فخيرًا بإذن الله، وربنا يحفظك من الحوادث والخبطات.
المرايا موجوده عند مكه
كلام الاستاذ علي مظبوط، موجودة الأصلية في محل مكة بمصر الجديدة، وسعرها 550 جنيه، وممكن تتفاوض معاه كمان.
فسيبك يا أستاذ ياسر من التوكيل، لو هتنزل القاهرة قريب ممكن تجيبها، أو لو أي حد معرفة لديك جاي القاهرة، ممكن يعدي على المحل، يشتريها لك منه.
وربنا يوفقك.
تفضل يا ريس ادي العنوان، وكل تفاصيل الاتصال:
محل مكه : مصر الجديده - 21 شارع دمشق
ت : 24502585
أشرف / 0101746478 -&- أيمن / 0122642869
اتصلت به من شوية، وقالي موجودة وبـ 550 جنيه أصلية، وكمان عند الفانوس الخلفي الجديد led بـ 950 جنيه.
ربنا ييسر لك الأمر، وتجيبها، وابقى طمنا علمت إيه.
جزاك الله خيرًا على ذوق حضرتك...دي حاجة بسيطة يا ريس، واتمنى أن المراية تكون بإذن الله آخر الخبطات...لا تحتاج أن تغير حاجة تانية في العربية إلا ما يُغير في الصيانات الدورية.
بس انا مش متأكد هل المراية هتبقى نفس لون عربية حضرتك برونزي، ولا هتبقى سوداء، وتحتاج ترشها.
إن شاء الله، تلاقيها نفس لون العربية.
وابقى طمنا عليك.