الموضوع: كلاكس الكارينز سكت :(

السلام عليكم ,
بعد يومين المطر ما عدوا ..قلت أغسل العربية و كنت في طريقي للمقطم من أول طريق النصر قومت معدي علي موبيل اللي بعد كارفور و غسلتها (من بره بس )في الماكينة اللي هناك و كملت علي المقطم و وكان عندي مشوار في زهراء المعادي خلصته و رجعت أتوستراد و بعدين صلاح سالم ...لحد كده كله كويس ..نجي بقه للمهم بعد حبة السسبنس دول :)...فجأة و أنا في صلاح سالم بدوس علي الكلاكس مفيش أي بيب مع أنه كان شغال كويس من ساعة ما غسلت؟؟!..حاولت كذا مرة أجرب مفيش فايدة ...لما رجعت بصيت علي المانيوال و لقيته بيقول أنه في سبير فيوز في علبة الفيوزات الداخلية و اللي في الكابوت ( Page:7:49>> Spare Fuse are provided in the inner fuse panel "or in the engine compartment fuse panel ")
بس مش قايلين فين مكان فيوز الكلاكس فققررت أدور في المعجم الوجيز لتجميع مواضيع الكارينز :)
ولقيت الموضوع ده بيتكلم علي أن الكلاكس بيعلق و محدد مكان الفيوز http://www.nilemotors.net/Nile/213093-a.html ...
دلوقتي هل المفروض أني أفتح العلبة و أبص ولا أوديها للتوكيل ؟ و هل محتاج أحجز زي الصيانات و لا أروح علطول؟
العربية وكيل 2011