ايهما احسن فى استخراج الرطوبة من الغرفة تكييف شباك او الاسبليت

**peter magdy** · 13-01-2013 12:35 AM

مساء الخير يا شباب
ناوى اشترى تكييف و الحمد للة استقريت على شارب
و الاسعار حكمتنى علشان غالية و كنت هشترى تكييف شباك لغرفة النوم فى اخر دور
لكن سمعت ان صوتة كويس و مش عالى خالص
انا ممكن اشترى الاسبليت و اكمل الفرق لكن اللى يهمنى
انى احسن فى الشباك ولا الاسبيلت اللى يخرج الرطوبة من الغرفة الاول علشان يسقع حلو
لانى اخر دور و الشمس ضاربة فى السطح اليوم كلة
واهم حاجة التخلص من الرطوبة -- و التسقيع الجيد
شكرا

**peter magdy** · 13-01-2013 04:50 PM

اية يا شباب
فين ارأكم الجميلة

**Lada2013** · 13-01-2013 05:03 PM

انا اعتقد ان السبليت بيكون احسن من الشباك في التبريد والتخلص من الرطوبه
وان شاء الله الاعضاء ينصحوك بتجاربهم

**Ahmed_selmy** · 13-01-2013 06:32 PM

هو الاسبلت افضل , انا عند والدتى شارب بردوا وفعلا صوته ممتاز, حضرتك ممكن تعما حاجه تانيه ممكن تكون تكلفه شويه بس ليها فوايد كتير, وهى انك تعزل السطح من فوقك بوتومين وخيش مقطرن ودا بيتعمل فى الحمامات وبيغزل الرطوبه والميه انها تنشع فى السقف عندك لو مطرت ولا حاجه.

**tamer elmalla7** · 13-01-2013 06:55 PM

اسبليت افضل كتيررر

**nona_yaris** · 13-01-2013 08:45 PM

سبيليت اقوي كتير وطالما انت بآخر دور اكيد محتاج تكييف قوي عشان السقف ح يكون ساخن طبعا
الميزة الوحيد للشباك انه ممكن يجدد الهواء لكن السبليت لأ

**peter magdy** · 13-01-2013 10:37 PM

خلاص
هتكل على اللة و هجيب اسبليت شارب
بس اية اللى بيجى معاة علشان ميدحكش عليا
يعنى مثلا
حامل الوحدة الخارجية - غطاء الوحدة الخارجية ( هل دا اساسى ولا بفلوس تانى )
هل فى حاجة تانية
شكرا لحضراتكم

**Lada2013** · 14-01-2013 01:23 AM

المشاركة الأصلية كتبت بواسطة peter magdy

خلاص
هتكل على الله و هجيب اسبليت شارب
بس اية اللى بيجى معاة علشان ميدحكش عليا
يعنى مثلا
حامل الوحدة الخارجية - غطاء الوحدة الخارجية ( هل دا اساسى ولا بفلوس تانى )
هل فى حاجة تانية
شكرا لحضراتكم

بعض الشركات بتدي الغطاء هديه للعميل
هي اسعار الشارب زادت ولا زي ماهي؟

**ahmed_m_ashraf** · 14-01-2013 06:51 AM

بص ياكبير أنا عندي كارير شباك من خمس سنين وشارب سبليت من الصيف إللي فات فقط. الإثنين ١.٥ حصاد بارد فقط.

أنا كنت بفضل الشباك من باب إن عندي إقتناع إن أعطالة أقل لأنه وحده واحده ومفيش وصلات كتير زي الإسبليت. لكن للأسف الكارير الشباك الصيف إللي فات فجأه الكومبريسور فصل وبعد الكشف إتضح إنها مشكلة كارتة الكنترول وثمنها ٦٠٠ جنيه أصلي، طبعا ركبت الصيني ب ٣٠٠ جنيه والتكيف إشتغل بس بقيت حاسس إن الجهاز بقى هجين لأن الكارتة بتيجي بالريموت بتاعها فكل الدنيا إتغيرت مبقاش التكيف كارير مأصل زي مكان ههههه وبقى في إختلاف شوية في قرلية درجة الحرارة إللي كنت متعود عليها عشان برضة الكارتة بتيجي بالحساس بتاعها يعني مش فاضل كارير غير الكباس والشاسية ووش التكيف والمروحة. لكن التحكم الكامل بقى صيني.

أنا ليه بحكي الكلام ده كله؟ عشان أقول إن الميزة الكبييييييرة إللي كنت شايفها في التكيف الشباك طلعت مفييييش، وفي الآخر تركيبة داهية وفكة وتركيبة عشان الصيانة كارثة.

الدرس إللي إتعلمته إن التكيف سبليت ولا شئ غير الإسبليت. والشارب ممتاز فعلا وهيعجبك إن شاء الله. مبروك مقدما.
ألا الأسعار دلوقت إيه للشارب ال ١.٥ حصان؟؟ أنا كنت جايبة ب ٣٤٠٠ بالبلازما بارد فقط.

الجهاز بيجي معاه حامل الكمبريسور بس وخرطوم الصرف قصير تقريبا نص متر مثلا، مكانش معاه غطاء إشتريتة منهم ب ٧٠ جنيه بس محترم وخامة ثقيلة ووتر بروف، بس شوف نظام إللي هيركبولك إيه يمكن بيدوه هدية مع التركيب، ولو محتاج تطول الصرف هات خرطوم بطول حسب إحتياجك، إسأل الشركة القطر كام أو روح لبتاع الحدايد وقوله عايز خرطوم صرف للتكيف وهو هيعرف.