صوت تزييق خفيف في بداية تحرك العربية

**miceg** · 13-01-2013 02:33 AM

السلام عليكم ورحمه الله وبركاته
أخوتي ألاعزاء
اسمع صوت تزييق خفيف في بداية تحرك العربية يأتي من الخلف تقريبا
يعني من وضع الفرامل للخروج مع ان الفرامل تمااام
لا يظهر الا في بداية التحرك او الوقوف ثم التحرك
فكنت مركب جمبي واحد صاحبي معاه رينو
قاللي لازم تروح التوكيل وتشوف الصوت ده ناتج عن ايه
مع اني سامعه من يوم ماشتريت العربية (( إستعمال ))
وعملت صيانة ال 50 الف كيلو
والتوكيل قاللي كل حاجة تمااااااااااااام (( السبع اوتوموتيف )9
تفتكرو الصوت يكون ناتج عن ايه
تحياتي العطرة

**Youssef.Awad** · 13-01-2013 09:11 AM

غالبا هايكون تراب بين التيل والطنابير ومحتاج تنضيف
عامة راجع علي التيل والطنابير تاني ممكن يكون محتاج تغيير

**Ahmed.TV** · 14-01-2013 04:08 PM

بالظبط زى ما قالك يوسف .. وياريت تروح لهم تانى .. عشان يشكيوا عليها
او روح لاى ميكانيكى محترم تثق فيها وخاليه يبص عليها

حستاذنك فى طلب

عنوان الموضوع يتغير .. عشان يكون جاذب اكتر واغلب الناس تدخله عشان تفيدك
لان كدا العنوان بالعكس محدش حيدخله كتير .ز وفى الاخر بندور لحضرتك على الافادة

وتحياتنا ليك
ولو احتجت اى حاجة انا تحت امرك

**miceg** · 15-01-2013 02:11 AM

الف شكر ياجماعه على المشاركات الجميلة
ألاخ يوسف والاخ أحمد مصطفى
سؤالي ياستاذ أحمد
لو تعرف حد فالقاهرة ميكانييكي محترم ياريت تقولي عليه وتبعتلي رقمه عالخاص
ولا تنصحني اوديها مركز الصيانة
ومصاريف الصيانة الطارئة كام ؟
تحياتي لكم جميعا

**Youssef.Awad** · 17-01-2013 09:15 AM

روح التوكيل افضل
وممكن فى حالة انك عملت اخر صيانة فى السبع تروحلهم تانى ويعملوهالك ببلاش لكن حاول تغير مهندس الاستقبال واذكر اللى حصل وان الصوت كان موجود قبل وبعد الصيانة وان امكن جربها معاه
وفى حالة حابب تغير التوكيل يبقى هاتدفع مصنعية اقل صيانة وهى 75ج فى صيانات ال5000 كم