صورة وتعليق

**المنسي** · 13-01-2013 10:03 AM

الصورة دى للبنسة اللى لقيتها فى حوض العربية
الحكاية من اولها انى كنت عند الكهربائى من يومين بغير لمبات الفوانيس وبكشف على البطارية المهم طبعا انا سايبه شغال ومش باصص على العدة بتاعته انا باصص هو بيعمل ايه المهم خلص ومشيت من عنده وروحت ومخرجتش بالعربية جيت امبارح روحت بيها مشوار وروحت وجيت نازل النهاردة الصبح قلت ابص على المية والزيت بضرب بعينى لقيت دى محطوطة نصها على حوض العربية والنص التانى على سير الدينامو مسكتها وببص على المقبض بتاعها لقيته منحوت بالمنظر اللى فى الصورة دى قمت بطلت العربية وبصيت على السير مش باين فيه اى حاجة بس انا كده كده ناوى اغيره احسن واضمن
دلوقتى نصيحة منى لكل واحد بيعمل عربيته عند ميكانيكي ولا كهربائى ولا اى صنايعي بيمد ايده جوة العربية لازم عينك تكون رايحة جاية على العربية وعلى الحوض وتبص وتطمن ان مفيش عدة مرمية هنا ولا هنا
مش كفاية مش رحمنا من الفتى بتاعهم والهباب اللى بيشربوه لاو كمان هيضيعولنا العربية
السؤال هل فيه حاجة تانية ممكن تكون اتاثرت؟؟؟؟؟

**akmm** · 13-01-2013 11:03 AM

كده كده لازم تغير السيير وتشوف الجزء اللى كانت مزنوقه فيه من عند الحديد الأمامى بتاع البنسه كان مزنوق فى ايه وشيك عليه ... وحصلت معايا قبل كده مع كهربائى ونسى عندى بنسه زى ابره التريكو وكان بيسلك بيها مجموعه اسلاك وبعد مارحت له واديتها له وعملت شغل كهرباء تانى ولما روحت لقيته نساها مره تانيه مزنوقه عند قاعده البطاريه ؟؟؟ ومتفهمشى هما ليه كده .

**ahmad--ezzat** · 13-01-2013 11:40 AM

غير السير فورااااااااا وروح اديله البنسه واديله كلمتين ومتروحلوش تاني وقله انت بتطفش الزباين منك وكنت هتعملي مصيبه

**المنسي** · 13-01-2013 12:24 PM

المشاركة الأصلية كتبت بواسطة dr_radioooooo

حلال عليك البنسة

انا هاروح ادهاله وكمان اديلو كلمتين حلوين

المشاركة الأصلية كتبت بواسطة akmm

كده كده لازم تغير السيير وتشوف الجزء اللى كانت مزنوقه فيه من عند الحديد الأمامى بتاع البنسه كان مزنوق فى ايه وشيك عليه ... وحصلت معايا قبل كده مع كهربائى ونسى عندى بنسه زى ابره التريكو وكان بيسلك بيها مجموعه اسلاك وبعد مارحت له واديتها له وعملت شغل كهرباء تانى ولما روحت لقيته نساها مره تانيه مزنوقه عند قاعده البطاريه ؟؟؟ ومتفهمشى هما ليه كده .

ان شاء الله هغيره اكيد بس الحمد لله انها كانت على السير من فوق مش من الناحية المشرشرة والا كان زمان الموتور فى خبر كان والحمد لله مفيش اى صوت غريب سمعته بعدها

تقريبا الكهربائية متعودين

المشاركة الأصلية كتبت بواسطة ahmad--ezzat

غير السير فورااااااااا وروح اديله البنسه واديله كلمتين ومتروحلوش تاني وقله انت بتطفش الزباين منك وكنت هتعملي مصيبه

شكرا لرد حضرتك وان شاء الله هغير السير فورا