عرض للطباعة
ياريت حد يفهمنا يا جماعة أسعار و أماكن المقابر إيه فى القاهرة والجيزة لأنى بسمع أسعار غريبة و فى ناس بتقولى فى مدافن فى السيدة عائشة (دى مستعملة صح ؟ طيب أزاى) و كمان هل ينفع الواحد ياخد حته أرض و يبنى عليها ولانروح للشركات إللى بتعرض الحوش ب120000 جنية والأهم بقا إيه الأحكام الشرعية الواجب توافرها فى القبر علشان الواحد ياخد باله منها وسؤال بقا يؤرقنى أنا شخصيا إيه العضامة دى ؟؟!! وطبعا ياريت لو حد عنده تجارب منها نستفيد و جزاكم الله خير مقدما
المقابر والاحواش يتم الاعلان عنها من قبل جهاز المدن الجديدة او تشتري مقبرة او حوش جاهز جديد بالمدن الجديدة واسعارها متفارقه حسب التشطيب .
الي بيبيع مقابر قديمة هيكون فيها ناس مدفونين طبعا وممكن تدخل في مشاكل كتير مع ورثه حتي لو كنت شاري منهم قانوني .
انما بخصوص شرعيه الدفن انا سمعت علشان مكنش بفتي ان الدفن الشرعي بالتراب يعني نعمل حفرة ونضع المتوفي ونردم التراب عليه وليس باسلوب الغرفه التحتيه الغرفه اليمين رجال والشمال سيدات .
وبخصوص العظامه دي يتم تجميع العضم بعد تحلل الجسم وتفتته لاستقبال متوفيين جدد لقدر الله
اللهم ارحم موتانا وموتا المسلمين واحسن خاتمتنا
للأسف الشديد جدا الدفن الشرعي لا يوجد في مصر. مش عارف بأه أكتبها في الوصية وأحلّف أهلي يدفننوني صح ولا إيه الحل والزميل جاوبلك على الأسئلة كلها ما شاء عليه
هو على فكر ة بالنسبة لموضوع الدفن الشرعى فا أنا لقيت الفتوى دى من دار الأفتاء الفتاوى - كيفية الدفن الشرعي
الدفن الشرعى مش موجود فى شمال مصر عشان التربة لا تصلح لكده لكن فى صعيد مصر موجود الدفن الشرعى ( اللحد )
انا فتحت المقبرة ودخلت العين ونزلت جوة العين اشاهد الموقف بنفسى بيكون شكلة ازاى
ولاقيتت صراصير من شمالى وسحالى وفار على يمين وسواد الضلمة والحيطة من فوقى وتراب وطين من تحتى
ودخلت المقبرة ليلا شفت سكون رهيب ليلا ولا حس ولا خبر ولا حتى قادر اشوف ايدى
كانت تجربة رهيبة بمعنى الكلمة
ياريت الناس تتعظ بجد قبل الدفن
احنا عندنا لحد او شق وعندنا الغرفه دي بسموها (فزقيه)
اوضه تحت الأرض فيها عنين واحده للرجال والتانيه للستات وكل واحده بباب والباب تحت الأرض والميت بيتحط علي وش الأرض عادي ومفيش تراب عليه ولا اي حاجه
التربه اللي اندفنت فيها ام جدي الله يرحمها كان شق مش لحد وكانت عميقه وحوالي 2 متر مثلا واتحطت في النص واتحط فوقيها خشب والميت القديم عضمه اتحط عند رجلها او راسها مش فاكر وبعد كده التراب كله نزل عليها
الحمد لله الدفن عندنا الشرعى " اللحد"
للاسف الشديد تقريبا مصر الدولة الوحيدة التي تباع فهيا الترب والمقابر !!!
في الدول العربية الاخرى المقبرة يتبرع بها شخص ويدفن فيها المسلمين جميعا
والدفن الشرعي يكون بعدم ارتفاع القبر بأكثر من شبر على الارض حسب حديث النبي صلى الله عليه وسلم
سواء كان لحدا او شقا
في ترب على طريق القاهرة الفيوم هي عباره عن احواش مساحتها 40 متر وفي متشطب وفي مرحلة اولى اللي هي عبارة عن الحجرتين الخاصين بالدفن فقط بدون الحوش والسور الخارجي و الاسعار بتتراوح من 40 الف الى ...... حسب الموقع و اووالدي لسه شاري هناك من كام شهر و اللي عاوز رقم السمسار يكلمني وانا اديهوله رقمي 01144862631