السلام عليكم
اولا انا سعيد انى انضميت الى هذا المنتدى الرائع
ثانيا انا ان شاء الله ناوى اشترى عربية محتار بين الاوبترا اوتو 2013 او السونيك انا عارف ان فى فرق كبير جدا فى الشكل بس بصراحة اهم حاجة تهمنى الثبات ومتانة العربية ياريت تفيدونى
عرض للطباعة
السلام عليكم
اولا انا سعيد انى انضميت الى هذا المنتدى الرائع
ثانيا انا ان شاء الله ناوى اشترى عربية محتار بين الاوبترا اوتو 2013 او السونيك انا عارف ان فى فرق كبير جدا فى الشكل بس بصراحة اهم حاجة تهمنى الثبات ومتانة العربية ياريت تفيدونى
لو عايز تخليك فى المتجرب والمعروف والمنتشر والاقتصادى يبقى اوبترا
عايز الحديث خليك فى السونيك عربيه محترمه بس مانتشرتش خالص بسبب سعرها
يعنى من ناحية الثبات على السرعات العالية ومتانة العفشى علشان تناسب شوارع مصر الجديدة انت راي حضرتك انى اجيب اوبترا
انا مجربتش السونيك بس العربيه اساسياتها GM-Opel وتقفيل كورى مايعيبهاش غير ان شكلها من ورا مش اوى ومفيهاش ABS
الاوبترا كويسه بس لو هانتكلم على نقطة العفشه تحديدا فالمساعدين بتوعها بتبدأ تتعب وتجيب زيت ابتداء من 40 الف كم وانت طالع انت وحظك , بس تغييرهم مش مكلف جوز المساعدين المونرو فى حدود 500-600 جنيه والاصلى الجوز بالف , وقطع غيارها بشكل عام سواء الاصلى او غيرها تعتبر من ارخص العربيات الزيرو
اما السونيك فحاجتها هاتبقى اغلى بس معرفش كام
استاذ حسام جابلك من الاخر ...بس انا لو مكانك هجيب سونيك بصراحة ..هبقى راكب اوبل بعلامة شيفورلية بس هتعب ف قطع الغيا ر ....والله حيرة بردوا ..استخير ربنا و شوف دى ودى على الطبيعة
بس هوه فعلا يا استاذ حسام افضل مساعدين للاوبترا هوه المونرو ولا فيه افضل من كده وهل بيعيش بردوه زي الاصلي 40 الف كيلو ؟ عايزين حاجه بتاعت شقه يعني الماني امريكي كده يعني وهل بتغير اليايات مع المساعدين ولا مش شرط؟؟؟؟؟؟
السونيك عربية أحدث من الأوبترا رغم إن الأوبترا عربية متينة وإقتصادية لكن شكلها تقليدي شوية ... أحس السونيك أفضل من حيث الشكل الخارجي والداخلي يعيبها شكلها من ورا مش حلو ... وعموما الإتنين مافيش فيهم abs لكن أعتقد السونيك فيها إيرباج ... أنا لو منك سونيك بدون تردد لو بتقارن الإتنين ببعض... مجرد رأي شخصي!!!
شكرا يا جماعة على اهتمامكم .. بس انا قريت فى المنتدى ان الفتيس الاوتوماتيك بتاع الاوبترا يبانى هل فعلا دة صح وموجود فى 2013
السونيك اكيد عربيه محترمه وأفضل في المجمل من الأوبترا في المجمل
مع الأخذ في الاعتبار أن السونيك مفيش تجارب عمليه معاها في مصر
وليه مفكرتش في الكروز
وفتيس الأفيو الأتو ياباني Aisin وإحتمال فتيس السونيك كمان!!!
متشكر جدا يا جماعه على اهتمامكم .. الحقيقة اللى مخلينى مركز مع الاوبترا انى شوفتها مع اصدقائى وجربتها بصرحها جامدة
انا تعبتكم معايا .. انا عندى اسنفسار كمان هو ممكن اركب للاوبترا 2013 الايموليزر فى التوكيل
وكمان ممكن اعمل مفتاح مشفر للعربية بحيث انة هو الوحيد اللى يدور العربية
يا جماعه هو انا ممكن اركب جنوط اسبور للاوبترا .. لانى قريت اكتر من موضوع ان مش مستحب اركب جنوط اسبور لو العربية مش نزلة اصلا بجنوط اسبور الكلام دة صح ولا لا
ان شاء الله انا توكلت على الله وهشترى اوبترا
يا جماعه انا عرفت ان فى مفتاح ممكن يتعمل يفصل كهرباء العربية علشان السرقة وكدة الفكرة دى كويسة وهل لو عملتة ممكن اخرج برة ضمان العربية
معلش يا جاعه انا اسأتلى كتير بس ارجوكم تعزرونى انا اول مرة اشترى عربية .. كنت عايز اعرف هو فى حاجة بتيجى مع العربية يعنى زى الكريك مثلا واية اهم حاجة ابص عليها وانا بستلم العربية
للاسف معنديش فكره عن الموضوع
تراجع على كل حاجه فى العربيه انها شغاله تكييف وانوار وازاز ومرايات وكله , وتبص لو فيها خرابيش او حكات , العربيه بيبقى معاها الطاسات والكوريك ومفتاح ومفك , تبص على الاستبن , تبص طبعا على الكيلومتر
متشكر جدا يا استاذ حسام وان شاء الله اول ما هجيب العربية هقولكم اية انطباعى عنها اية
بالتوفيق ان شاء الله