الموضوع: انا ملاحظ حاجه و مش عارف اعمل ايه

بقالي فتره كده بشوف عربيات جديده زيرو و ساعات مش معلقه نمر كمان و فيها عيوب ظاهره لي لكن اللي سايقها تقريبا مش حاسس بيها و مش حياخد بالوا منها فمش عارف انبه صاحب العربيه دي ازاي اكسر عليه الطريق و اوقفه و افهمه العيب علشان يقولهم في التوكيل و لا اسيبه و لو سيبته و مشيت بحس بتأنيب الضمير اني مقولتلوش الموضوع ده حسيت بيه اوي انهارده شوفت عربيه تيوتا الشكل الجديد علي كوبري اكتوبر و الفرده اليمين عماله تلعب حلاوه علي كل فاصل كوبري او حفره بسيطه اوي في الشارع و الراجل كان مشغل التكييف و ماشي مبسوط بالعربيه معرفتش اعمل ايه و لو وقفته ممكن ميفهمش اللي انا بقولوا و يحس اني بشتغله ولا حاجه قولت اسيبه و بعدين و انا قاعد دلوقتي اضايقت قولت تلاقيه طافح دم قلبه علشان يجيبها و ياعالم حيعملوها في التوكيل ولا ايه (الامثله كتير علشان محدش تيوتاوي ييجي يقول اشمعنا ) بس

معرفش ليه افتكرت الموضوع ده دلوقتي و قولت اخد راي الناس المحترمه اللي هنا

معلش طولت عليكوا

المشاركة الأصلية كتبت بواسطة sa3ed

حط نفسك مكانه.بمعني انك تحب حد يكون فاهم في الموضوع ده او اي موضوع تاني بشكل عام ويفهمك وينبهك ولا تحب انه يسيبك علي عماك.وهو اكيد هيفهم الموضوع لو كنت وقفته وهيشكرك ويمكن حاجه زي دي تخليه هو برضه يبنبه اي حد تاني وتلف الدايره وييجي يوم من الايام وحد ينبهك لحاجه انت ملكش فيها

تصدق عندك حق