عربيتي جين 2 2011 اتوماتيك صوت الموتور مش عاجبني

**solghof** · 14-01-2013 11:01 AM

والناس اللي بتقول زيت فيسكو
فيسكو من اللي سعره كام لاني مرة رحت اشتريته من بنزينة اداني زيت ب 120 جنيه وقالي ده بيعيش 10000 كيلو
استغربت جدا لرخص ثمنه وخوفت علي العربية لاني ماكنت عامل غير 20 الف كيلو وقولت مش علشان اوفر 100 جنيه ابوظ عربية ثمنها فوق ال 90 الف جنيه
فياريت اعرف اسمه فيسكو كام اللي بيقعد 10 الاف كيلو وسعره التقريبي كام

**eng.m7md.ali** · 14-01-2013 11:08 AM

المشاركة الأصلية كتبت بواسطة solghof

والناس اللي بتقول زيت فيسكو
فيسكو من اللي سعره كام لاني مرة رحت اشتريته من بنزينة اداني زيت ب 120 جنيه وقالي ده بيعيش 10000 كيلو
استغربت جدا لرخص ثمنه وخوفت علي العربية لاني ماكنت عامل غير 20 الف كيلو وقولت مش علشان اوفر 100 جنيه ابوظ عربية ثمنها فوق ال 90 الف جنيه
فياريت اعرف اسمه فيسكو كام اللي بيقعد 10 الاف كيلو وسعره التقريبي كام

هو فعلا الفيسكو ب 120 جنيه بيقعد 5000 كيلو وممكن اكتر وبتوصل ل 10000 كيلو .. بس انا مبنصحش بيه ولا انه يقعد كل ده في العربية

لو حضرتك لسة في الضمان الاحسن تستعمل توتال اللي في التوكيل او ممكن ليكيومولي لو خارج الضمان او بتعمل الصيانة برة

**Raul_7** · 14-01-2013 04:25 PM

بلاش فيسكو مش حلو مقارنة بكاسترول و فالفولين و ليكوي مولي, خليك في دول لو انت بتاع جري.

لو مش بتاع جري خليك في توتال التوكيل, بس زيت عادي جدا مش بتاع بهدلة, أنا هنزله الصيانة الجاية و ارجع لكاسترول.

**solghof** · 14-01-2013 05:49 PM

الاقية فين زيت كاسترول و فالفولين لأني بتوع الزيت عندنا وش فقر ماعندمهش غير انواع تعبانة

**eng.m7md.ali** · 14-01-2013 05:52 PM

المشاركة الأصلية كتبت بواسطة solghof

الاقية فين زيت كاسترول و فالفولين لأني بتوع الزيت عندنا وش فقر ماعندمهش غير انواع تعبانة

التوكيل مش هيرضي يغيرلك الزيت غير توتال

لو بتغير برة مفيش مشكلة

ولو بتعمل صيانة في عصام صفا ممكن تكلم المهندس عصام في الموضوع ده وشوف ايه رأيه .. هو راجل محترم ومبيتأخرش على حد لو شايف مصلحة اللي قدامه

**D . a .\ AYMAN** · 14-01-2013 10:47 PM

بعد تجربة زيوت موبيل 1 والتعاون 10 آلاف ومصر 7500 وفيسكو 5000 اللى بيقعد 15 الف وشل الترا وكمان جميع أنواع شيل الأخرى وطبعا توتال بتاع التوكيل الـ 10 آلاف ... على مدى العشرين سنة اللى فاتت

أفضل زيت كان بيهدي صوت الموتور معايا ولغاية دلوقتي كان شيل .. وبعديه زيت التعاون ... بعد كدة كل الباقي كنت بحس معاه إني حاطط مياه ملونة في الموتور بالذات فيسكو درجة لزوجته سيئة جدا وأسوأ من مصر 7500 حتى

ما جربتش ليكوي مولي ولا فالفولين ...

نفسي أجرب ليكوي مولي .. عشان عايز ابعد عن شيل أساسا من زمان قوي لكونه هولندي الأصل وعشان كدة مش ناوي أجرب فالفولين وهو ده السبب اللى مخليني أصلا بجرب حاجات غير شيل لكن على الأقل شيل بيتعمل في مصر .. لكن فالفولين بيجي من هولندا مستورد وباليورو كمان

....

بالنسبة لعملية التسخين ... هي مهمة جدا .. ولكن الكتالوج بيقول إن عملية التسخين قبل التحرك تكون لمدة 30 ثانية فقط وبعد كدة تتحرك بهدوء تام بدون الحرق على الموتور لغاية ما مؤشر الحرارة يوصل للمعدل الطبيعي

لكن التسخين لمدة أكتر من 30 ثانية والسيارة متوقفة غلط على الموتور أولا بيرسب كربون على الصبابات .. وثانيا إهدار بلا داعي للوقود على حد وصف الكتالوج بتاع السيارة

**solghof** · 15-01-2013 10:48 AM

المشاركة الأصلية كتبت بواسطة D . a .\ AYMAN

بعد تجربة زيوت موبيل 1 والتعاون 10 آلاف ومصر 7500 وفيسكو 5000 اللى بيقعد 15 الف وشل الترا وكمان جميع أنواع شيل الأخرى وطبعا توتال بتاع التوكيل الـ 10 آلاف ... على مدى العشرين سنة اللى فاتت

أفضل زيت كان بيهدي صوت الموتور معايا ولغاية دلوقتي كان شيل .. وبعديه زيت التعاون ... بعد كدة كل الباقي كنت بحس معاه إني حاطط مياه ملونة في الموتور بالذات فيسكو درجة لزوجته سيئة جدا وأسوأ من مصر 7500 حتى

ما جربتش ليكوي مولي ولا فالفولين ...

نفسي أجرب ليكوي مولي .. عشان عايز ابعد عن شيل أساسا من زمان قوي لكونه هولندي الأصل وعشان كدة مش ناوي أجرب فالفولين وهو ده السبب اللى مخليني أصلا بجرب حاجات غير شيل لكن على الأقل شيل بيتعمل في مصر .. لكن فالفولين بيجي من هولندا مستورد وباليورو كمان

....

بالنسبة لعملية التسخين ... هي مهمة جدا .. ولكن الكتالوج بيقول إن عملية التسخين قبل التحرك تكون لمدة 30 ثانية فقط وبعد كدة تتحرك بهدوء تام بدون الحرق على الموتور لغاية ما مؤشر الحرارة يوصل للمعدل الطبيعي

لكن التسخين لمدة أكتر من 30 ثانية والسيارة متوقفة غلط على الموتور أولا بيرسب كربون على الصبابات .. وثانيا إهدار بلا داعي للوقود على حد وصف الكتالوج بتاع السيارة

الف شكر ياباشا

**solghof** · 15-01-2013 10:49 AM

انا بقالي يومين ياجماعة بدور علي زيت كاسترول ده مش لاقيه
انا عاوز اي مكان في الحلمية عين شمس مصر الجديدة مدينة نصر اجيبه منه

**eng.m7md.ali** · 15-01-2013 04:45 PM

المشاركة الأصلية كتبت بواسطة solghof

انا بقالي يومين ياجماعة بدور علي زيت كاسترول ده مش لاقيه
انا عاوز اي مكان في الحلمية عين شمس مصر الجديدة مدينة نصر اجيبه منه

شارع الاربعين في جسر السويس عند مزلقان القطر وحضرتك رايح لاوتو ماجد هتلاقيه على ايدك الشمال الناحية التانية في محل بيبيعه واظنه موزع معتمد

هتدخل من جنب حديقة بدر وتخليها على ايدك اليمين وتكمل علطول