ايه رأيكوا يا جماعه اشترى بيجو 307 sw ولا
هوندا سيفيك
انا على فكره بتكلم على موديلات 2008
وياريت اعرف سبب الاختيار
ومشكورين مقدما
عرض للطباعة
ايه رأيكوا يا جماعه اشترى بيجو 307 sw ولا
هوندا سيفيك
انا على فكره بتكلم على موديلات 2008
وياريت اعرف سبب الاختيار
ومشكورين مقدما
البيجو 307 حيتم استبدالها ب 308
:toot:
انت بتتكلم فى اية اة اكيد البيجو جامدة والوانها ملهاش حل يس السيفيك حاجة تانية انا بركبها مع واحد قريبى واخاف انا اسوقها بصراحة حاجة تانية مش عربية على اسفلت لا دا انت راكب طيارة شبابية رياضية عائلية واسعة ثابتة مريحة مليلنة مزايا من المثبت للعداد الديجيتال لطقم الصوت للنظام التثبيت ل...ل....ل.... حاجات كتير نصيحة لا تتردد وادعيلى وانت سايق السيفيك
طبعاً بيجو قاعتها اريح واحسن وعربية اقوى
السيفك شكلها عاملة زي الطيارة ومن جوة زي ما تكون لعبة اطفال
وفقيرة في التجهيزات
شكرا جدا يا جماعه على ردودكو بس بصراحه اللى قالقنى عدم انتشار البيجو مش عارف ليه مع انها عاجبانى جدا وحاسس انها احسن من السيفيك
البجو منتشرة جداً بطريقة فظيعة انا عندي في جراج العمارة 4 عربيات بيجو 307 3 منهمsw
ايه ياجماعه محدش عاوز يقول رايه ولا ايه؟
انا ارشحلك سيفيك عربيه وحش بس يعيبها ان الوكيل مفضيها من الكماليات وكمان عشان تستلمها بعد 3 شهور من الحجز وسعرها مبالغ فيه شويه بالنسبه لكمالياتها
ايه رأيك في مازدا 3 ؟ علي فكره في مجموعه وانا فرد فيهم - ممكن نجيب مازدا 3 بخصم 15 الف جنيه عن سعرها هنا في مصر
مازدا= شكل فخم يشد العين - اعتماديه عاليه جدا جدا - جباره علي الطريق - اعلي كماليات في الفئه دي - وفخمه جدا من جوه وبره
فكر وادخل الموضوع ده
http://www.nilemotors.net/Nile/showt...t=33338&page=2
طبعا سيفيك البيجو هتتعبك جدا في صيانتها واسعار قطع غيارها اللي هيا نار
قطع غيار سيفيك غاليه ولكن حضرتك من اكتر قطع غيار معمره جدا جدا في السوق بعكس بيجو
انا بصراحه اختار بيجو
وهقولك على حاجه روح اركب الاتنين وانت هتحس بالفرق
اعقلها و توكل بيجو بيجو بيجو
هو العربيتين مينفعش تقارن بينهم وحده سيدان متوسط والتانيه عربيه ستيشن
الاتنين حلوين بس السيفيك افضل وخاصه من ناحيه الاعتماديه
البيجو فيها مشاكل كتير من سنسورات لحد فتيس
عموما البيجو والرينو مينفعوش في مصر مهو مش كل ما تلبس مطب تلاقي الطبلوه كل حاجه فيه نورت شويه تشيك انجن شويه لمبه ايرباج شويه لمبه اي بي اس
انا رايي السيفيك افضل بكتير
بص بقى انا صاحبي معاه 307 هاتشباك ولكن مافيش مقارنة بينها وبين الطيـــــــــــــــارة
شاركي باشا
اقسم لك بالله انا 3 صحابي معاهم ميجان 2 اوتو ووحده مانيوال والاخيره الشكل الجديد الي من جوا نوره ابيض
والتلاته هيتجننوا
ده وصلت مع الي معاه الشيب الجديد الشاشه بتقوله الكترونك فولت ده غير لمبه الشيك ولمبه ال اي بي اس والايرباج
الاتنين التانين وحده 2005 والتانيه 2006 الاتنين اوتو والاتنين علطول تشيك جير بوكس
لا لا لا
متقولشي الكلام ده يا راجل
ده كده احمد هيحصله حاجه من كلامك ده :036:
بتقول ايه :bigear: لمبة التشيك بتنور وايه يعني
ما هيا بتعمل كده علشان تصحي السواق تلاقيه كان نام مش تكنولوجيا في العربيه او بتعمل كده علشان تعمله شغل
لا لا لا خليك مع الحق ده كلام يا راجل
ياريت تجيبلنا اصحابك وتجاربهم وتشاركنا بيهم هنا في المنتدى علشان الناس تشوف بعينها مش يايدها :prove:
عندك هنا فى المنتدى مش أقل من 25 عربية ميجان عمر ما واحد حصلوا الكلام دا
دول اكيد غير مهتم بالصيانة الدورية بتاعة العربية دا غير إللى فى الشارع و أصحابى عمر ما فيه حد حصلوا الكلام دا
ثم المشاكل دى حصلت لما خدوا مطب :)
على فكرة لمبة الإيرباج بتنور يبقى احتمال كبير فيشة الايرباج اللى تحت الكرسى مهزوزة
و لما ظهر كل المشاكل دى هل لسه العربية بتمشى و لا وقفت :)
الف شكر يا جماعه على ردودكو وانا قررت ان شاء الله على سيفيك
:laugh: :laugh: :laugh: :laugh:
يا دا إنت شايل جامد قوى
يا راجل حيجى إيه عربيتين مع أكتر من 25 عربية
على العموم ياريت فعلا يشاركوا معانا علشان نعرف الأسباب دى و عملوا فيها إيه و شوية تفاصيل عن عربياتهم
و بالمرة نعرف المطب دا مكانه فين اللى يعمل المشاكل دى :)
يا عمي هاشتال من ايه من عربيه يعني
كل ما في الامر ان انا كنت لما اقول حاجه زي كده تحسسوني اني انا الوحيد اللي بقول الكلام ده او اكنه سر محدش بيسمع عنه او يشوفه من الناس اللي معاهم ميجان قبل كده
المشكلة انكم بتكذبوا اي حدوث لأي مشكلة كأن الموضوع كذب او استحالة يحصل
حتى لو عربيتين في غيرهم برضه ولو حتى 2 برضه ماهيا المشكلة مشكلة كمبيوترات برضه يعني مع العوامل المتغير لتشغيل العربيه ممكن تحصل وممكن لأ
عموما يا جماعه انا الميجان دي بعشقها وعلى سعرها تحفه
بس فعلا المشاكل دي حصلت مع صحابي وإن شاء الله يكونوا معاكوا في قسم رينو
وعامه المشاكل دي هي الي خلتني اطلع العربيه من حساباتي
طبعا هوندا سيفيك
1- تكنولوجيا أعلى بكتير
2- قوة المحرك أفضل وصوته ... صوت ايه ده مالوش صوت أصلا غير البيجو خاااااااااااااااااااااااا االص
3- أوفر بكتير في استهلاك الوقود من البيجو
4- قطع الغيار أرخص من البيجو مش كتير بس أرخص واللى أعرفه عن الفطيم ان قطع الغيار عنده متوفرة دايما يعني مافيش حاجة اسمها يبعت يجيبها لسة
5- الـ 307 خلاص نزل بعديها الـ 308
6- وانا واقف عند أحمد عمارة توكيل بيجو مصر القديمة بصلح حاجات في عربيتي الـ 505 كان عنده واحدة 307 SW وعلى قد ما كنت بحب العربية دي على قد ما اتضايقت من اللى شوفته فيها ... العربية كانت عمالة حادثة بسيطة من قدام بس خد عندك بقى الحاجات اللى باظت فيها .. تقريبا كل حاجة فيها لأن الموتور بتاعها محطوط في مساحة ضيقة جدا وفوّش أي خبطة مباشرة ... طرمبة الباور , الردياتير , صدر العربية كله هايتغير , الخبطة وصلت للموتور واثرت علية ده غير اللى انا ماعرفوش .. غير ان الإير باج فتح في كل حتة .. السقف , التابلوه , فرش الأبواب واخده تصليح لغاية ما كنت واقف عنده حوالي 40000 جنيه ولسة ماتعملش فيها حاجة .... كل ده عشان خبطة صغيرة جدا من قدام
7- المكيف في الهوندا ياباني .. يعني حاجة تانية خالص .. غير مكيفات البيجو اللى مش قد كده عن تجربة في القديم (ماعرفش الجديد فيها أخباره ايه)
8- وانا واقف عند عمارة لاقيته فاتح كذا فتيس اتوماتيك لعربيات 506 , 406 , 607 ... وبيصلح فيهم فبسأله ايه دا هية العربيات دي لحقت حاجة فيها تبوظ ؟؟!!! قالي آه فتيس البيجو الأتوماتيك الجديد ضعيف الى حد ما وقاللي كمان ان الـ ECU بتاعة البيجو بيحصل فيها حركة تخلي كل المعلومات اللى عليها تتمسح تماما وان الحركة دي بتحصل كتير قوي والـ ECU دي تمنها 10000 جنيه ولازم يبعتوا يجيبوها من فرنسا الأول .. فهما بياخدوها هيه هيه ويحاولوا ينزلوا عليها البرنامج بتاعها تاني من عندهم كمحاولة لتقليل نفقات التصليح على العميل