هبل الاسعار

**amrrageb** · 13-01-2013 05:47 PM

حد عندة فكرة عن الاسعار يجدعان اية النصب دة العربية تزيد اكتر من 10 الالف بجد حرام

جين 2 مانيوال ب 99 واتوماتيك ب 105 ليـــــــــــــــــــــــ ــــــــــــــــــــة انا هقاطع يجماعة حد معايا؟

**abdo moustafa** · 13-01-2013 05:59 PM

انا قاطعت خلاص واجلت موضوع شري اي عربية سواء جين او غيرها لشهر سبعة الجاي لغاية ما نشوف ايه اللي بيحصل انا عندي اروح اشد عربيتي احسن ما اغيرها بعربية بتغلي3 الاف في اليوم عشان احنا بتشتريها

**Motarjim** · 13-01-2013 06:02 PM

المشاركة الأصلية كتبت بواسطة amrrageb

حد عندة فكرة عن الاسعار يجدعان اية النصب دة العربية تزيد اكتر من 10 الالف بجد حرام

جين 2 مانيوال ب 99 واتوماتيك ب 105 ليـــــــــــــــــــــــ ــــــــــــــــــــة انا هقاطع يجماعة حد معايا؟

للأسف، الأسعار دي مظبوطة، ومؤكدة من أكثر من مصدر...

الحمد لله...لعله خير!

**amrrageb** · 13-01-2013 06:17 PM

ياجماعة بجد الموضوع محير ومقرف كمان لا احنا عارفين دى بداية الذيادة وممكن يكون الى جاى سىء ومفيش حاجة خالص بتدينا امل ان بكرة احسن للاسف
فمش عارف نشترى وساعتها ممكن نكون لسعتنا بسيطة ولانستنى ويمكن منقدرش نشترى ؟؟؟؟؟؟؟؟؟؟؟؟؟؟؟

**S O P H O S** · 13-01-2013 06:18 PM

ده مش اسعار دي ....

**tamerosman** · 13-01-2013 06:57 PM

.. التجار فى مصر لما سعر الدوﻻر بيزيد 1% بيزودو السعر 10 % شوية ناس جشعة مثﻻ اليورو بقله فترة مريح مقابل الدوﻻ و مع ثبات الدوﻻر مقابل الجنيه خﻻل السنة الى فاتتت 2012 و تخغيض ااجمارك بمعدل 10 % سنوى كان المنطقى ان اﻻوروبى يرخص بس العكس حصل

طبعا دلوقتى هيولعو ا اﻻسعار و خصوصا فى ااعربيات الى عايها طلب عالى زى االهيونداى و الكيا

الى ناوى يشترى عربية و لسا مقررش يحول الغلوس لدوﻻر و لما يجى يشترى يبقى يغيرها مصرى تانى او يدفع بالدوﻻر

**ELBERMAWY** · 13-01-2013 07:20 PM

المشاركة الأصلية كتبت بواسطة abdo moustafa

انا قاطعت خلاص واجلت موضوع شري اي عربية سواء جين او غيرها لشهر سبعة الجاي لغاية ما نشوف ايه اللي بيحصل انا عندي اروح اشد عربيتي احسن ما اغيرها بعربية بتغلي3 الاف في اليوم عشان احنا بتشتريها

شهر سبعه ايه هتوصل ل 110000 في شهر سبعه الضرائب هتزيد و الاسعار هتولع هشام قنديل هيورينا ايام سوده

**Motarjim** · 13-01-2013 07:42 PM

المشاركة الأصلية كتبت بواسطة amrrageb

ياجماعة بجد الموضوع محير ومقرف كمان لا احنا عارفين دى بداية الذيادة وممكن يكون الى جاى سىء ومفيش حاجة خالص بتدينا امل ان بكرة احسن للاسف
فمش عارف نشترى وساعتها ممكن نكون لسعتنا بسيطة ولانستنى ويمكن منقدرش نشترى ؟؟؟؟؟؟؟؟؟؟؟؟؟؟؟

في أحسن الأحوال، أقصى ما يُتمنى أن تثبت الأسعار، وألا تواصل قفزاتها الجنونية.

للأسف، في البلد دي الحاجة إللي بتغلي، صعب للغاية - ولا أقول مستحيلا - أن ينخفض سعرها مرة أخرى.

جشع التجار والوكلاء وطمعهم وغياب الدولة وضعف الرقابة ودور الحكومة فضلا طبعًا عن تردي الوضع الاقتصادي كل ده وأكثر يؤدي إلى ما نحن فيه الآن، وربما أسوأ في مقبل الأيام.

المشكلة لا تكمن في ارتفاع أسعار السيارات فحسب، بل كل سلعة أساسية وكمالية على حد سواء سيطالها - بل طالها بالفعل - هذا الغلاء والبلاء، وأكثر من يتأثر بذلك هو الموظف البسيط، والرجل الغلبان الأرزقي في الأحياء الفقيرة والحواري والأزقة والقرى والنجوع والكفور.

فالله المستعان، وربنا يصلح الأحوال.

**amrelsha3er** · 13-01-2013 10:13 PM

بركاتك ياحج مرسى يامظبطنا
قاطعوا يجماعه اللى معاه عربيه يستنى لما نشوف اخره هبل الاسعار ايه يارتها تيجى فى العربيات بس والله
كل الخامات زادت ففى كل المصانع وكل الاستيراد ولع وكله بسبب الدولار وازمه البلد وانهيار الاقتصاد وخسائر البورصه ودخل السياحه من البلد فى النازل
لك الله يامصر :s:s:s::(

**Al-Farooq** · 13-01-2013 10:15 PM

ايه التضخم اللى احنا عايشين فيه دة!
انا عمري ما كنت اتخيل اللى بيحصل دة ، انا كنت بقول كل سنة ترفع 2000 حد اقصي ، انما فى سنة ونصف تقريبا ترفع 10 آلالف جديدة دي!!!
بس انا عند اعتقادي ان المستهلك هو اللى بيحدد السعر .
ومش المستهلك الفرد لوحده ، ده لازم يكون جماعة المستهلكين ، يعني خطوة جماعية تعمل تأثير.
طول ما الناس بتشتري الاسعار هتزيد اكيد.
وكل واحد بيشتري هيطبق على نفسه حكم المضطر طبعاً ، فالمضطرين هيشتروا والتوكيل هيضطر يرفع تاني بردو ، ماهو كله مضطر ^^