الموضوع: استفسار عن فنادق السخنة

بص يا باشا حسب رينج الأسعار اللى حضرتك عاوزه ومستوى الخدمة يعنى مثلا فى المتوسط فيه بالميرا فطار وعشا أوبن بوفيه الغرفة بحوالى 600 جنيه الليلة عندك موفنبيك بس دة غالى حبتين بس أكله أحسن وغرفه أجمد وأكبر بحوالى 900 جنيه الليلة أو لو انتم عدد 4 أو 5 أفراد فيه رامادا السخنة بعد موفنبيك على طول بحوالى 1000 جنيه الليلة شاملة أفطار وعشاء أوبن بوفيه لل 4 أفراد بس البحر فيه زلط كتير لكن بيسين حلو وكل شاليه غرفتين بحمامين وريسبشن كلهم مكيفين يعنى أقرب لشقة أو بقا تاخد شقة فندقية فى بورتو مع انى مش بحب بورتو وعلى فكرة فى عرض فيها لحد يوم 24 يناير والليله على ما أتذكر بحوالى 1200 جنيه شقة 50 متر مجهزة بالكاامل شاملة فطار وعشا بردو

أما بالنسبة للحجز فحضرتك تتصل ب 140 دليل تجيب نمرة اللى عاوزه وتتصل بيهم تحجز عادى
الحجز عن طريق النت بيبقى فى أيام السيزون عشان بيبقى ليهم حصة محجوزة فبتضمن أنهم يلاقولك مكان حتى لو مفيش حجز فى الفندق

نسيت أقول لحضرتك ان الأسعار دى بتتغير فى الويك اندز والأجازات الرسمية
ونسيت كمان أقول ان فيه فندق فى ستيلا دى مارى بس دى كلها بيكينى يا باشا وأنا بكرهها من وسعها أنا مشيت فيها 5 كم ومجبتش آخرها
أجازة سعيدة

المشاركة الأصلية كتبت بواسطة ramymechanics

بص يا باشا حسب رينج الأسعار اللى حضرتك عاوزه ومستوى الخدمة يعنى مثلا فى المتوسط فيه بالميرا فطار وعشا أوبن بوفيه الغرفة بحوالى 600 جنيه الليلة عندك موفنبيك بس دة غالى حبتين بس أكله أحسن وغرفه أجمد وأكبر بحوالى 900 جنيه الليلة أو لو انتم عدد 4 أو 5 أفراد فيه رامادا السخنة بعد موفنبيك على طول بحوالى 1000 جنيه الليلة شاملة أفطار وعشاء أوبن بوفيه لل 4 أفراد بس البحر فيه زلط كتير لكن بيسين حلو وكل شاليه غرفتين بحمامين وريسبشن كلهم مكيفين يعنى أقرب لشقة أو بقا تاخد شقة فندقية فى بورتو مع انى مش بحب بورتو وعلى فكرة فى عرض فيها لحد يوم 24 يناير والليله على ما أتذكر بحوالى 1200 جنيه شقة 50 متر مجهزة بالكاامل شاملة فطار وعشا بردو

أما بالنسبة للحجز فحضرتك تتصل ب 140 دليل تجيب نمرة اللى عاوزه وتتصل بيهم تحجز عادى
الحجز عن طريق النت بيبقى فى أيام السيزون عشان بيبقى ليهم حصة محجوزة فبتضمن أنهم يلاقولك مكان حتى لو مفيش حجز فى الفندق

نسيت أقول لحضرتك ان الأسعار دى بتتغير فى الويك اندز والأجازات الرسمية
ونسيت كمان أقول ان فيه فندق فى ستيلا دى مارى بس دى كلها بيكينى يا باشا وأنا بكرهها من وسعها أنا مشيت فيها 5 كم ومجبتش آخرها
أجازة سعيدة

سعر الغرفة دي للفرد داخل الغرفة ولا للغرفة كلها (ولوكان كده الغرفة تشيل كام واحد ) لو بنكلم على بالميرا

المشاركة الأصلية كتبت بواسطة aser_007

سعر الغرفة دي للفرد داخل الغرفة ولا للغرفة كلها (ولوكان كده الغرفة تشيل كام واحد ) لو بنكلم على بالميرا

بالميرا الغرفة فيه ب 600 جنيه تقريبا وفى المواسم الواقعة بيبقى ساعات أقل والغرفة كبيرة كنت بنزل فيها مع بنتى وهى عندها 5 سنين كمان وممكن تطلب سرير اضافى بتكلفة أقل أو تطلب سرير بيبى مجانا ... أنا عن نفسى بحب بالميرا لأنك بتسيب عربيتك برة والكام يوم اللى جوة بتحس انك عايش فى هدوء تام وفيه كذا بيسين وفيه حديقة أطفال بس العين السخنة عموما ما عدا بورتو مملة شوية عشان مفيش حاجة تتعمل ... وعلى فكرة مكانه بعد ما بتخلص طريق السخنة بتاخد اليوتيرن وتخش شمال كأنك رايح على السويس هو بعد حوالى 10 كيلو أو اقل

معلش أحب أضيف حاجة كمان لو عدد أفراد كبير أنصحكم تأجر شاليه أو فيلا فى قرية الوادى ودى أول قرية بعد الميناء الشاليهات والفلل مجهزة تجهيز جامد و اليوم مش بيعدى 550 جنيه ولو فى موسم واقع ممكن توصل ل 350 جنيه بس دى أهالى يعنى مش فندق وفى فندق جوة أسمه هورايزون الوادى بس أنا مرحتوش ولا لقيته فى الدليل بصراحة .. أنا بتصل بواحد شغال عامل فى القرية وبيظبطلى شاليه بس بناخد أكل معانا و المطبخ هناك مجهز والشاليهات والفلل مكيفة بالكامل ... معلش زهقتكم معايا