هستلم العربية بإذن الله بكرة

**abdulmoniem** · 13-01-2013 09:53 PM

السلام عليكم ورحمة الله وبركاته

الصبح أوتوإيجيبت مدينة نصر كلمتني وقالولي أروح أستلم العربية بكرة .. وبالسعر القديم الحمد لله

دلوقتي أنا عايز أسأل كام سؤال:

1) هو أنا المفروض أدي إللي بيسلمني أي فلوس (إكرامية)؟
2) المعرض قالي إنه مش هيبعت معايا مندوب للترخيص ولا حاجة ... هل ده طبيعي؟
3) أنا سواقتي كلها مانيوال .. هل يفضل أسوق العربية بكرة عادي علاطول .. ولا أجيب حد يوديهالي البيت؟

جزاكم الله خيراً

**a_bahaa14** · 13-01-2013 10:07 PM

المشاركة الأصلية كتبت بواسطة abdulmoniem

السلام عليكم ورحمة الله وبركاته

الصبح أوتوإيجيبت مدينة نصر كلمتني وقالولي أروح أستلم العربية بكرة .. وبالسعر القديم الحمد لله
الف مبروك وربنا بحفظك من شرها
دلوقتي أنا عايز أسأل كام سؤال:

1) هو أنا المفروض أدي إللي بيسلمني أي فلوس (إكرامية)؟
؟؟
2) المعرض قالي إنه مش هيبعت معايا مندوب للترخيص ولا حاجة ... هل ده طبيعي؟
عادى مدام انت مش جيبها من المعرض بالقسط وانت بتستلم العربية ابقه استلم معهاها ورق الترخيص وهما جوابين للمرور
3) أنا سواقتي كلها مانيوال .. هل يفضل أسوق العربية بكرة عادي علاطول .. ولا أجيب حد يوديهالي البيت؟
عادى يا باشا هو الاول خد باللك من رجلك الشمال انها متشتغلش خالص ( حطها ورا رجلك اليمين او .....) واول ما تخرج من المعرض روح على البنزينة الى امام المعرض فول علشان هتلاقى العربية مفهاش غير الاحتياطى
جزاكم الله خيراً

**Sehsss** · 13-01-2013 10:19 PM

ألف مبروك، وتستلم على خير إن شاء الله، وسوقها عادي ما تخافش بس خليك مركز شوية

**S O P H O S** · 13-01-2013 10:22 PM

ان شاء الله تستلم علي خير
ومبروك مقدما ..

**Land_Cruiser** · 13-01-2013 10:23 PM

الف مبروك و أهلا بحضرتك معانا

**abdulmoniem** · 13-01-2013 10:25 PM

جزاكم الله خيراً والله يبارك فيكم وعقبال الجميع إللي متأخرين لما يستلموا بالسعر القديم

طيب بخصوص موضوع الإكراميات ده؟

أنا فعلاً معرفش هل ده عادي ولا هيحصلي إحراج لو إديت المهندس إللي بيسلمني العربية فلوس؟

**youssef_u** · 13-01-2013 10:44 PM

الف مبروك يا باشا و اظن محدش بيدي فلوس للمهندس

**Ahmed.TV** · 13-01-2013 11:37 PM

انا اسف على التاخير فىا لرد على رسالتك الخاصة على الخاص .. وانا رديت عليك فيها وشرحتلك ظروف التاخير

انا عيزك تجمد قلبك .. واقرا موضوعات فىا لمكتبة حتفيدك جدا .. فى ازاى تسوق الاتوماتيك .. وكمان موضوعات عن التسليم

اهم حاجة ان تركز فى موضوع الالوان .. ليكون فى حاجة مرشوشة .. بس اطمن هما بيشكيوا قبل منك

فى التسليم العربيات الزيرو اوتو ايجيبت محترمين جدااا .. عشان كدا الناس بتصبر معاهم .. عشان بيسلموا بضمير وبيفلو العربية للعميل ومع العميل

وموضوع الاكراميات .. ممكن لاى عامل حيغسلك العربية فى المعرض .. لكن المهندسين حيرفضوا .. لان محدش بياخد حاجة

ومعاك رقمى يا احمد بيه .. وكلمنى فى اى وقت

الف مبروك مقدما

وربنا يفكيك شر الطريق وبعطيك خيرها يارب

تحياتى