عنوان مركز ابو رواش

**mido_a_s** · 13-01-2013 10:49 PM

السلام عليكم .. العربية بتاعتى دخل فيا واحد بموتسيكل وكسرلى الاكصدام والحمد لله جت سليمة....انا من الصعيد وكنت عاوز اعرف عنوان مركز صيانة ابو رواش بالتفصيل ولو حد يعرف تمن الاكصدام الاماى قد ايه يبقى كتر خيره ... وعلى فكرة انا مأمن على العربية فلازم اعمل مقايسة اوديها لشركة التأمين قبل الاصلاح فهل موضوع المقايسة ده بياخد وقت فى التوكيل؟؟والف شكر يا جماعة وما نجيلكوش فى حاجة وحشة

**amribrahim** · 13-01-2013 11:46 PM

أنا أعرف إن هو في شارع إلي بعد بنزينية الإمارات على طول يمين هتفضل ماشي وتعدي توكيل هيونداي و هتلاقي التوكيل هناك

**Ahmed_Adham** · 14-01-2013 12:55 AM

على الصحراوي قبل البوابات هتدخل طريق القريه الذكيه وتمشي لحد تاني يوتيرن (هيكون على يميكنك شركة بتروكيماويات مش فاكر اسمها بصراحه) وتلف منه وتمشي شويه وتدخل اول طريق يمين وتفضل ماشي فيه وقبل أخره ب 200 متر هتلاقي توكيل كيا على يمينك. شغل مقايسه التوكيل سهل بس التعامل مع التأمين هوه اللي هيقرفك عشان مستفزين.

**mido_a_s** · 14-01-2013 01:58 AM

تقصد اسكندرية القاهرة الصحرواى ولا انهى صحراوى ياباشا؟؟
معلش اصلى انا من اسيوط

**Ahmed_Adham** · 14-01-2013 03:06 AM

المشاركة الأصلية كتبت بواسطة mido_a_s

تقصد اسكندرية القاهرة الصحرواى ولا انهى صحراوى ياباشا؟؟
معلش اصلى انا من اسيوط

اسكندريه. قبل ما تعدي البوابات وانت خارج من القاهره.

**meiirmeiir21** · 14-01-2013 01:52 PM

خش دخلة القرية الذكية اللي قبل بوبات مصر أسكندرية الصحراوي أول يو تيرن هتلاقيه مقفول و بعدين فوت أول يوتيرن مفتوح اللي هتلاقي بعده مخزن أنابيب علي اليمين و فوت اليو تيرن الثالث (ثاني يو تيرن مفتوح)اللي بيوديك علي المدخل التاني بتاع القرية الغبية و لف من رابع يو تيرن وخد أول يمين أمشي فيه بتاع 2 كيلو هتلاقي توكيل كيا علي اليمين ..لاحظ أنك هتلف من ثالث يو تيرن مفتوح..
ده المكان التوكيل تحت الكروس بالضبط ...أعمل زوم و أدرس المكان
Wikimapia - Let's describe the whole world!

**meiirmeiir21** · 14-01-2013 01:56 PM

ديه رسمة الطريق من البوابات
Wikimapia - Let's describe the whole world!

**mido_a_s** · 14-01-2013 09:37 PM

المشاركة الأصلية كتبت بواسطة meiirmeiir21

خش دخلة القرية الذكية اللي قبل بوبات مصر أسكندرية الصحراوي أول يو تيرن هتلاقيه مقفول و بعدين فوت أول يوتيرن مفتوح اللي هتلاقي بعده مخزن أنابيب علي اليمين و فوت اليو تيرن الثالث (ثاني يو تيرن مفتوح)اللي بيوديك علي المدخل التاني بتاع القرية الغبية و لف من رابع يو تيرن وخد أول يمين أمشي فيه بتاع 2 كيلو هتلاقي توكيل كيا علي اليمين ..لاحظ أنك هتلف من ثالث يو تيرن مفتوح..
ده المكان التوكيل تحت الكروس بالضبط ...أعمل زوم و أدرس المكان
wikimapia - let's describe the whole world!

باشا كلك ذووووق والله انا مش عارف اقولك ايه