اكتشفت مكان لبيع المكيفات
مش المكيفات الي هي تسقع وتسخن
لا هي دي بتعمل دماغ حلوه ههههههههههه وكل الانواع وكافة الاحتياجات من الابره للصاروخ من اول الكرتله لحد البفره ههههههههههههه خدمه فخيمه
كنت نازل المنصوره بخلص شغل للحاج ربنا يديله الصحه وواخد عربية بسواق تبع الحاج لاني مش ينفع ادوس علي الدبرياج لفترات طويله
المهم خلصت الشغل وكل تمام وعيشت السواق واتعشينا وجبتله علبة سجاير
لقيته واحنا مشيين قبل كامين القسمي الي هو بيفصل بين الدقهليه والشرقيه
كشك علي الطريق بشباك وقدامه حته فاضيه بمساحة قراط ونص قراطين
دخلنا ركنا جوه والسواق نزل جاب صباع حشيش من الشباك وفي واحد قاعد بيبع في الشباك
المهم لقيته جي زعلان وبعد لما طلعنا علي الطريق ايه يا عم عبده مالك قالي مفيش افغاني الموجود جبت سعودي بس
قولتله يا هلا فكرني فهمت وانا بقولها علي اساس التحيه بتاعت السعوديين
فبقوله انت كنت في كشك رحلات
بصلي كدا وسكت وقالي اه انت تقدر تسافر اي مكان بيه بس لو كان افغاني هتسافر في كل مكان
قولتله افغاني ايه الي يسفرك في كل حته دول وخدين علي دماغهم بالجزمه قالي الا في الحشيش
قولتله اهلا وانا الي مفكرك محترم وبقولك يا عم عبده
بيقولي انا بشرب في بيتي باحترامي
وحياة ........ هو انت كدا محترم
وصلنا البيت قولتله انا كنت ناوي اظبطك في المشوار دا بس دا حققك
تخيل انت وصلنا لمرحلة المكيفات بتباع في كشك علي الطريق علني كدا كأنه بيبيع عيش وعليه اقبل جماهيري والي فقعني اكتر اننا عدينا علي كمين القاسمي والرجاله قاعده مولعه في فرع شجره وعيشيين
