ربنا يكرمك يا باشا
واشكرك علي التوضيح ..
هو مش ده ماتور الليون يا جماعة
ال 102 حصان ال 8 صباب ..؟
المواتير ال 1.6mpi بتاعت فولكس مش وحشه و لكن الفكره انها قدمت خلاص تقريبا من اوائل الالفينات و دلوقتى طبعا فى مواتير 1.6 من غير تيربو . على الاقل 2 كامه و 16 صباب. ده بالاضافه ان اصلا سواء الجيتا او السكودا وزنهم تقيل جدا بالنسبه للعربيات تانيه اللى فى فئتهم . و كمان الفتيس الستيبترونيك ادائه مش رياضى زى ال dsg مثلا او duallogic علشان العربيات دى تجرى . فطبيعى ان عربيات كتير بتطلع منها . من الاخر يعنى مفيش عربيه كامله ايوه السكودا و الجيتا اقل من غيرهم فى التسارع لكن مقابل مميزاتهم التانيه اعتقد ممكن نتغاضى عن العيب ده . و بكره البنزين يغلى و الشد و الحركات دى تقل . الواحد اصلا هيبقى فى عرض اللتر الواحد علشان يكفى العربيه بنزين فى الشهر من غير سلف :(( منه لله اللى كان السبب
اوكتافيا حلوة ما فيش كلام
بس فى الشد مواتير اى كلام
تاخد منها ثبات وامان
بس على الطريق تتقطع وتقول كمان
لا يا راجل .. مدام مش متربن يبقي هفق..يعني العربيات اللي بتقارنوها ببها كلها هفق..طيب والله حلو..
وعموما التجربة الفعلية من ملاكها والفيديوهات المعروضة أثبتت عكس كلامك :)
أه يا فتدم هو
+1111111111111
عمرها ما كانت أي كلام..وأظن يا باشا انت راجل فاهم وشايف الفيديوهات وشايف الأرقام
وعموما ياما لانوس "حطيت " عليها بالأوكتافيا علي الطريق هي وغيرها :)
لما نحب نقارن نقارن فته بأخري من نفس الفئه يعني ممكن نقارن لانوس بكيا سيفيا الاثنين ١٥٠٠ cc ونشوف لو الموضوع موضوع سرعة بث أكيد السفيا والثبات كذلك وقوة الموتور واستهلاك البنزين مثلا
لو حبينا نقارن الأوكتافيا نقارنها في ذات الفئه ١٦٠٠ ولكن عند المقارنه يمكن الأوكتافيا مش هتكون الأسرع قدام النترا او سيراتو مثلا ولكن هتبقي الأكثر أمانا ومن حيث الاعتماديه فالموضوع مش سرعه وخلاص وتبقي العربيه جميله وروعه لو تفوت من العربيات الأخري دون مراعاه للعوامل الأخري
والمستهلك يملك الخيار للمفاضله بين احتياجاته وإمكانياته يعني في ناس تجد متعتها في سيارة سريعه لأشباع هوايه عنده ودا حقه بس علي حسب الإمكانيات وفي ناس مش فارقه معاها السرع. الفائقه ولكن يبحثوا عن احتاجت اخري بالسيارة ولكل اختيارا المفضل
اوكتافيا اصلا بتطلع من لانوس ٨ صباب بعد سرعه ١٠٠ بمنتهي السهوله وفيه فرق ١٥ كيلو توب سبيد لصالح اوكتافيا-اقصي سرعه جريت بيها مع اوكتافيا في خط مستقيم كانت ١٩٥ -الانوس ٨ صباب في خط مستقيم اقصي سرعه ليها ١٨٠---لانوس ١١٠ حصان ١٥٠٠ سي سي اقصي سرعه في خط مستقيم ٢١٣
بس اوكتافيا مستحيل تطلع من لانوس ١٦ صباب علي سرعه-وعن نفسي بقول ان الاوكتافيا بطيئه بالنسبه لاي ١٦٠٠ في مصر بسبب الوزن مش في صالح الاوكتافيا نهائي
وعلي فكره انا لما بجري مع عربيه تيربو بحس اني واقف او بتشفط لورا بالرغم ان الانوس ١٦ صباب بتطلع من بي ام ٣١٨ --١٢٩ حصان توب سبيد