حقن ال g.h نظامها ايه في تقسيم البطن

**nouranwar** · 14-01-2013 03:24 AM

ايه مدي فاعلية حقن ال gh اللي بتتاخد في البطن الكورس 20 حقنة يوم و يوم هل فعلا بتقسم عضلات البطن و بتنزل الكرش تماما طبعا مع الرياضة الخفيفة
سعر الحقنة من 85-100 جنيه
عايز اتأكد من فايدتها علشان لو كده ادووس

**ahmed_m_ashraf** · 14-01-2013 07:07 AM

بص يباشا أنا عندي مبدأ في الحجات دي:
طالما حاجة غير طبيعية بمعنى إنها مش رياضة ولا تمارين، فكل الحجات دي أكييييييييد ليها أعراض سلبية والحجات دي جديدة يعني متعرفش تأثيرها إيه على المدى البعيد، وممكن تيجي بعد ١٠ سنين مثلا يكتشفو إن الحجات دي مسرطنة مثلا والغياذ بالله أو بتعمل مضاعفات من أي نوع.

وعلى فكرة حتى الدكاترة حيقولولك إنها آمنه وملهاش أي مشاكل لأنهم بيعلو من وراها مصلحة طبعا. إعمل بحث عنها في مواقع أجنبية وشوف الكلام إيه.

نصيحتي بلاش أحسن. بال ٢٠٠٠ إشترك في جيم نضيف سنه كاملة وعيش حياتك. عندك بريمير جيم مثلا إللي في كامب شيزار على البحر وفيه واحد في الديب مول آخر دور تقريبا.

**hazoom2006** · 14-01-2013 03:55 PM

لو هتاخد G.H يبقى انت كدة بتدمر نفسك بالمعنى الحرفى للكلمه

G.h اختصار لGrowth hormone يعنى هرومون النمو .. كل الناس نموها بيقف عند سن 21 لما تاخد g.h جسمك بيكمل نمول بس باشكال مختلفة والاعراض الجانبية خطيرة زى حجم العضم بيزيد بالعرض مش بالطول - الفك بيعرض - العملقه (يعنى تبقى عملاق ) طبعا مع زياده فى الكتله العضلية وحجم الجسم بشكل عام

كنت قريت دراسة متوسط عمر الناس اللى بتاخده هو 45 سنة

اى دكتور بيعالج مريض بيعمل الف حساب لما يجى يعالجة بالهرمونات واقرا شوية عن اضرار الهرمون دة واضرار اختلال الهرمونات فى الجسم

حاول تجرى كل يوم الصبح نص ساعه خلاص 10 ايام هتحس بفرق كبير فى البطن مع تظبيط الاكل

**nouranwar** · 14-01-2013 10:26 PM

المشاركة الأصلية كتبت بواسطة ahmed_m_ashraf

بص يباشا أنا عندي مبدأ في الحجات دي:
طالما حاجة غير طبيعية بمعنى إنها مش رياضة ولا تمارين، فكل الحجات دي أكييييييييد ليها أعراض سلبية والحجات دي جديدة يعني متعرفش تأثيرها إيه على المدى البعيد، وممكن تيجي بعد ١٠ سنين مثلا يكتشفو إن الحجات دي مسرطنة مثلا والغياذ بالله أو بتعمل مضاعفات من أي نوع.

وعلى فكرة حتى الدكاترة حيقولولك إنها آمنه وملهاش أي مشاكل لأنهم بيعلو من وراها مصلحة طبعا. إعمل بحث عنها في مواقع أجنبية وشوف الكلام إيه.

نصيحتي بلاش أحسن. بال ٢٠٠٠ إشترك في جيم نضيف سنه كاملة وعيش حياتك. عندك بريمير جيم مثلا إللي في كامب شيزار على البحر وفيه واحد في الديب مول آخر دور تقريبا.

ما المشكلة اني مش هستمر في الجيم سنة هزهق و مش هكمل فعلشان كده قولت اجيب من النهاية علطول
شكرا ليك استاذ احمد

**nouranwar** · 14-01-2013 10:31 PM

المشاركة الأصلية كتبت بواسطة hazoom2006

لو هتاخد G.H يبقى انت كدة بتدمر نفسك بالمعنى الحرفى للكلمه

G.h اختصار لGrowth hormone يعنى هرومون النمو .. كل الناس نموها بيقف عند سن 21 لما تاخد g.h جسمك بيكمل نمول بس باشكال مختلفة والاعراض الجانبية خطيرة زى حجم العضم بيزيد بالعرض مش بالطول - الفك بيعرض - العملقه (يعنى تبقى عملاق ) طبعا مع زياده فى الكتله العضلية وحجم الجسم بشكل عام

كنت قريت دراسة متوسط عمر الناس اللى بتاخده هو 45 سنة

اى دكتور بيعالج مريض بيعمل الف حساب لما يجى يعالجة بالهرمونات واقرا شوية عن اضرار الهرمون دة واضرار اختلال الهرمونات فى الجسم

حاول تجرى كل يوم الصبح نص ساعه خلاص 10 ايام هتحس بفرق كبير فى البطن مع تظبيط الاكل

بص يا حازم انا صاحبي اخد ال gh و بيشجعني اني اخدها بس هي كان جسمه حلو و بقي احلي بعد الحقن
لكن انا بستفسر هل الكرش هيروح بعد استخدام الحقن ؟!
الاعراض الجانبية بيقولي انها من الجرعات الزيادة مش من اول كورس و كده فكنت عايز اخد رأيكم

**hazoom2006** · 14-01-2013 11:03 PM

الهرمونات خطر جدااا

وماينفعش تقول هاخد الحقن ويبقى جسمى زى باتستا مثلا وانت قاعد فى البيت

لازم علشان توصل لازم تتعب اى طريق تانى هيكون تاثير سلبي عليك

واقولك مرة تانية ربنا خلق جسم الانسان بمقدار لما تزود هرون النمو ماتعرفش جسمك لاقدر الله يحصل خلل او اضرار جانبية لانك مش زى صحبك
اضرار اكتر من فوائدها يبقى بلاش منها

الحاجة اللى ممكن تاخدها هيه الواى بروتين او الامينو اسيد

**ahmed_m_ashraf** · 15-01-2013 03:24 AM

المشاركة الأصلية كتبت بواسطة nouranwar

ما المشكلة اني مش هستمر في الجيم سنة هزهق و مش هكمل فعلشان كده قولت اجيب من النهاية علطول
شكرا ليك استاذ احمد

الخوف إنك تجيب من النهاية ... وتبقى النهاية وربنا يحفظنا.
لوكان الموضوع بالسهولة دي وملوش أي مشاكل مكنش حد غلب.
لو عايز تشد جسمك وتتخلص من الكرش، مفيش غير ضبط الأكل مش هقولك رجيم والرياضة. ومتقولش مش هاقدر ومش هكمل، إنت كده بتكسر عزيمتك بنفسك. الرياضة لمدة 30 دقيقة مرتين في الأسبوع حتى لو في البيت على مشاية أو أوربت تراك هتخليك إنسان تاني في الشكل والياقة خلال شهرين فقط. كلامي عن تجربة، خسيت 10 كيلو في شهرين ولياقتي حاجة تانيه، فقط جبت أوريت تراك في البيت.

معلش ممكن يكون كلامنا أحبط فكرتك بس محدش هيقدر ينصحك بحاجة تدمر صحتك. ممكن تسأل دكتور أحمد عبد الرحمن زميلنا في قسم اللوجان.

**S O P H O S** · 15-01-2013 03:47 AM

كراي اخوي
بلاش خالص ومتسمعش لكلام انها مرة واحدة وصاحبك جرب الخ
مجرد راي ..

**javierzanetti** · 15-01-2013 04:11 AM

بلاش الكلام ده خالص

(without pain without sacrifice we would have nothing)

**nouranwar** · 15-01-2013 10:11 AM

المشاركة الأصلية كتبت بواسطة hazoom2006

الهرمونات خطر جدااا

وماينفعش تقول هاخد الحقن ويبقى جسمى زى باتستا مثلا وانت قاعد فى البيت

لازم علشان توصل لازم تتعب اى طريق تانى هيكون تاثير سلبي عليك

واقولك مرة تانية ربنا خلق جسم الانسان بمقدار لما تزود هرون النمو ماتعرفش جسمك لاقدر الله يحصل خلل او اضرار جانبية لانك مش زى صحبك
اضرار اكتر من فوائدها يبقى بلاش منها

الحاجة اللى ممكن تاخدها هيه الواى بروتين او الامينو اسيد

انا عايز جسم متقسم عادي خالص يعني رفيع متقسم مش اوفر يعني
انا كنت خلاص مقتنع بيها هتخلوني افكر ليه !!

:)

الموضوع: حقن ال g.h نظامها ايه في تقسيم البطن

LinkBack

أدوات الموضوع

عرض

حقن ال g.h نظامها ايه في تقسيم البطن - انشر الموضوع فى :

-

-

-

-

-

المواضيع المتشابهه

حد جرب جهاز اب روكيت بتاع تمارين البطن والظهر

منظار على البطن و المعده

مشكله تعباني: وخز (شكشكه) في البطن والذراعين

الم فى الحانب الايمن من البطن

لـ إخفاء البطن في شهر واحد

الكلمات الدلالية لهذا الموضوع

المفضلات

المفضلات

ضوابط المشاركة