عرض للطباعة
خير اللهم اجعله خير امبارح بتصل بأوتو أيجيبت باسأل على حجز القاشقاى يرد عليا مندوب المبيعات يقول لى : حضرتك عندنا منها فئتين واحدة ب 180 ألف ودى واقفين الحجز فيها عشان هتيجى كمان 10 شهور :_Alshmokh11: والثانية ب 200 ألف مزودين عليها دفندرات واشارات فى المرايات ومش فاكر ايه تانى ودى تحجز من غير التقيد بمعاد تسليم وبدون التزام بالسعر
يا حــــــــــــــــــــــــ ــــــــــــــــــلاوة
لاحول الله ... ولسه... البلد لاليها ضابط ولا رابط فى الأسعار ...؟
ولـــــــــــسه اللى يعيش يا مايشــــــــــوف
طب و عى المفروض كانت بكام طيب قبل كده؟؟
كان السعر الرسمى ليها 175 ألف وبالأوفر برايس كان 190 ألف دلوقتى الرسمى 180 والأستلام آخر السنةاقتباس:
المشاركة الأصلية كتبت بواسطة sasa3
طيب ما ياخد الساعة بتاعتك كمان بالمرة !!!!
دا مين دي اساسا عشان تبقئ بالسعر دا
يادووب ١٠ شهور
و سعر غير محدد
و ناقص يمضيك ع شيك على بياض
أنت فصلتنى ضحك هههههههه يا بيه اللى بتطلبه دة عيب وحرام :new::new:اقتباس:
المشاركة الأصلية كتبت بواسطة MITSUKERO
200 ألف !!!!! طيب ما أزود عليهم 15 ألف وأجيب بيجو 3008
ولا صدمة ولا حاجة، انت الى مش واخد على اسعار العربيات لما الدولار يبتدى يلعب بالجنية:7_9_6v[2]: بعمل معاة كدة
وفى الاخر احنا بناخد كدة :khd:
هو ده السوق المصرى للاسف
الواحد ما بقاش يستغرب من اى حاجه طول ما كل واحد بيعمل اللى هو عايزه. على فكره اكيد مستوردين العربيات فرحانين بأزمة الدولار دى. هيلاقوا مكسب فين اكتر من كده و الحجه هى سعر الدولار. طيب ما القاشقاى اللى ب ١٧٥ الف هى اللى ب ٢٠٠ الف بس مركبين فيها شويه كماليات من هنا فى مصر مش جايه من بلادها كده و انا متوقع هتكون صينى و شويه هتبوظ و بعدين موضوع الديفندرات ده ممنوع فى المرور إلا لو كانت العربيه جايه من بلادها كده و مكتوب فى ورق الافراج بتاعها علشان ينفع تتثبت فى الرخصه فى حين انها جايه من انجلترا بدونهم يبقى هتتثبت ازاى ؟؟
طيب خدوا دي بالمناسبة، واحد زميلي في الشغل عاوز صني الشكل القديم (مانيوال) 2013، قولتله نجيبهالك من أوتو إيجبت وأصبر شوية وكده قاللي لا يا عم شوفهالي بالأوفر برايس بكام، يا ابني بلاش، قاللي لأ شوف بس، كلمت المعرض اللي جبت منه عربيتي في مدينة نصر، تتخيلوا قاللي كام، (الأوتو بدون abs بـ 102 ألف، والمانيوال بـ 93 ألفا) هو قبل ما يقوللي كده (اللي في المعرض) كان صاحبي لكن بعد السعر اللي قالهولي ده اتغابيت عليه في التليفون جامد وتقريبا خسرنا بعض، وزميلي طبعا قاللي لأ شكرا شوفلي أوتو إيجبت، وفعلا أوتو إيجبت أفضل موزع لنيسان ومهما حصل هايفضلوا الأفضل.. تحياتي
زمن غريب
الدولار بيلعب برغابات وطموح المصرين ..!
10 شهور !!! ليه دى لو هتلف كل موانى العالم قبل ما تيجى مصر مش هتبقه بعد المده دى !! والله حرام
ياجماعة نيسان احسن من غيرها كتير
يعني الدولار زاد نصف جنيه وده لوحده يرفع العربية من 175 الى 189 يعني ماكسبوش حاجة زيادة غير الهيونداى الي بيزودوا عربيتهم اضعاف زيادة الدولار
هي العربية ميزتها انها ياباني تجميع بريطاني يعني لا تقولي هندي ولا تجميع مصري ولا مكسيكي (رغم اني احترم تجميعها بس مش هتبقى زي البريطاني)
مشكلة العربية دي انها بتتباع من زمان باوفر بريس عالي اوي وده اللغز الي مش فاهمه
هل علشان بتيجي بكميات قليلة نظرا لمبيعاتها العالية في بريطانيا
ولا علشان عالية وعليها اقبال خاصة من فئة المهندسين لانهم اكثر دراية بالعربيات
ولو ان سحبها مش اوي يعني زي السيدان
الي بيحزني انه تردد كتير بعد الثورة ان العربيات هترخص
ويمكن يلغوا الجمارك
وفقنا على المقلب الكبير
عيش حرية عدالة اجتماعية شعار الثورة الي فرحناله كلنا
بس انا لا شايف عدالة ولا حرية وبكره مش هنلاقي عيش كمان
يظهر اتسرقنا يارجالة
تحياتي
الفكرة م ش فكرة انها حتلف فى الموانى كلها
الفكرة اولا .. عشان يعطوا لنفسهم مهلة ويقدروا يسلموا الناس اللى كانوا حاجزين من فترة .. يعنى اللى كان حاجز فى شهر 9 او 10 او 11 او 12 .. ويسملوا الناس المتاخرة
واللى بيحجز دلوقتى هو اللى بيقولوله 10 شهور ولو جت قبل كدا ممكن يستلم
وكمان اللى سمعته عشان فترة الشتاء عوامل الجو احيانا السفن بتوقف .. وده كان عامل
ولو حد سالنى قالى ما احيانا بيحجزوا كام عربية .. عشان يسلموها تسليم فورى بس بسعر اعلى .. حقولكم ان ده غلط اكيد .. بس حقولكم تفكير الموزع ليه بيبيع باوفر برايس .. عشان وجد ان الناس بتشترى من بره العربية باوفر برايس .. فقال ليه مكسبش انا .. وده مجال البيزنس .. المهم .. فبيحط شوية رفاهيات للعربية عشان مش يخلى العميل يدفع اوفر برايس من غير ما ياخد حاجة حتى لو الحاجات اللى حطتها دى رخيصة من وجهة نطرنا
وعلى فكرة الاكسسورز اللى بيركبوها اغلبها اصلية .. والديفندارات اللى بيجبوها البلاستيك دى مش رخيصة
والعربية الاصلية فاضية من غير اى كماليات .. بيبعها بسعرها الاصلى من غير اوفر برايس
لان لو بعها باوفر برايس من غير اى تزويد فى الكماليات .. هنا بقا ممكن نشتكيه
ده كان توضيح من اللى اعرفه
تحياتى للجميع
يا ما شاء الله
دا انا علي كده بقيت من اصحاب الاملاك بقي هههههههههههههههه
بجد هتوصل ل 200 الف طيب يعني مزعلش علي ال 186 الف اللي اتدفعو فيها بقي و الحمد لله بقالها بتاع 9 شهور اهه
يا رب ترخص خلي الاحباب كلهم يركبوها
و يرزقهم بالاحسن منها الف مره يا رب