سؤال مهم عن مواتير اللانسر..... محتاج الاجابة ضرورى

هل موتور اللانسر كلها واحد يعنى موتور الكريستالة هوا هوا موتور المكواه هوا هوا موتور البوما ولا كل واحد فيهم تكنولوجيا مختلفة
انا عارف ان فيه كريستالة نازلة بموتور قديم (كاربيراتير وكدة المواتير القديمة يعنى) انا بتكلم عن مواتير الحقن الالكترونى (الانجليشن)
وبالذات موتور البوما والمكوا لانهم فى الصالون الداخلى متشابهين جدا جدا جدا وتقريبا نفس الشاسيه ومستبعدش اختلاف الموتور ممكن يكون نفس الموتور بس مجرد تغير الشكل الخارجى لان المكواه قعدت فى السوق سنتين مش اكتر ومبقتش تنزل ونزلو البوما
هل البوما والمكوا والكريستالة نفس الموتور ولا لأ؟؟؟؟؟؟؟؟؟؟؟؟؟؟؟؟؟؟؟؟
ويا ريت المهندس طارق زويل يرد عليا فى الموضوع ده

الكريستاله و المكواه الشائعين فى مصر 1300 سى سى و مش انجكشن وفيه اختلاف شويه فى الشكل بين الموتورين بس ادءهم و نعوميتهم واحد و 12 صباب مش 16 صباب....
البومه 1300 سى سى انجكشن و 16 صباب موديلات 2003 و 2004 ومن موديلات 2005 و انت طالع بدأ الوكيل يجيب منها 1600 سى سى بجانب ال1300 سىسى وده طبعا لما الجمارك رخصت على فئه ال1600 سىسى ومن اول موديلات 2006 بدأت تتميز ال1600 سىسى عن ال1300 سىسى فى حاجات تانيه غير فرق السى سى بتاع الموتور زى ان ال1600 سى سى موديلات 2006 و انت طالع جنوطها اكبر و اعرض و بقت 15 بوصه بدل 14 بوصه و كمان زودو فيها عمود اتزان فى العفشه الخلفيه و بقيت تنزل دائما بفرامل ABS .
وعلى فكره الكريستاله كان نازل منها موديلGLXi وده كان 1600 سى سى 16 صباب و انجكشن و فيها ABS وطبعا كل الكماليات و فتحه سقف و على فكره عربيه خطيره و احسن من البومه بس نادره جدا لانها ساعت ما نزلت سنه 1999 كانت اغلى 30000 جنيه من ال1300 سىسى النتشره دلوقتى و طبعا مش اى حد كان بيقتنع انه يشتريها بالتمن ده و اختها ال1300 سىسى موجوده و ارخص بكتييييير