السلام عليكم
انا معايا لوجان 2010 ومياه الرادياتير اللي ف العربيه بتاعه الفابريكه ولونها اصفر .. يا تري المفروض اغير الميه دي بمياه خضرا جديده ولا اسيبها عادي مع العلم ان حراره العربيه طبيعيه والحمد لله مش بتسخن والمياه ف المستوي الطبيعي بتاعها
عرض للطباعة
السلام عليكم
انا معايا لوجان 2010 ومياه الرادياتير اللي ف العربيه بتاعه الفابريكه ولونها اصفر .. يا تري المفروض اغير الميه دي بمياه خضرا جديده ولا اسيبها عادي مع العلم ان حراره العربيه طبيعيه والحمد لله مش بتسخن والمياه ف المستوي الطبيعي بتاعها
مش هي لسه في الضمان يا باشا؟ خليهم هما يشيلوا الليلة واستفسر من المهندس وحضرتك هناك
الميه الخضراء يفترض تغييرها كل سنتين او 40ألف كيلو ايهما اقرب....
يفترض بحضرتك تغييرها حتى لو مفيش أعراض....
ويا سلام لو عملت معاها تنظيف لدورة الميه هتبقى تمام ان شاء الله....
تحياتي
Sent from my SE Arc S using Forum Runner
طيب صحيح فيه سؤال مهم الضمان بيغطي عيوب الصناعة وبيربطو عفشة العربية لكن الزيوت والمصنعية والضريبة بيدفعها العميل...فرقت إيه للي عربيته جوا الضمان عن اللي ضمانه خلص؟ مهو الاتنين بيدفعو
لا مش كده...
المفروض لما بتروح تعمل صيانة في اي توكيل محترم مفيش حاجة اسمها غيرلي الزيت وامشي... والا يفرق ايه التوكيل عن البنزينه؟؟!
اللي بيتعمل انت مثلا بتيجي بتقولهم صيانة 20ألف
العربية بتخش يتكشف عليها من مجاميعه ويتعمل الصيانة ووتخرجلك العربية... الكشف ده له تمن...
في الضمان مبيدفعش فلوس للكشف... ونفترض انهم أثناء الكشف جم قالولك التيل حالته وحشه وننصح بتغييره ممكن تقولهم لا هغيره المره الجايه....
طب في حالة ان ضمانك خلص....
انت بتدخل العربية مثلا جايبها 80ألف كيلو...
دخلو كشفو... انت متوقع انه الزيت بس والفلتر عايز تغيير وتربيط عفشة والكلام ده...
لقبت المهندس طالعلك بيقولك
زيت وفلتر وفلتر هوا وعندك تيل امامي ومساعدين خلفي وزيت الفتيس وزيت الباور والميه الخضرا....
سألته عالتكلفه مثلا قالك 3500جنيه فانت حسيت انه كتير وقلتله لا خلاص مش هعمل حاجه وخرجلي العربية....
هيدفعك 300جنيه كشف ويخرجهالك....
فالفرق انك مبتدفعش الكشف في الضمان...
تحياتي
Sent from my SE Arc S using Forum Runner
هو حضرتك عملت صيانة ال 60000 ؟؟
لو عملتها الميا اتغيرت فيها متقلقش
لو لسه شوف ناقص عليها اد ايه