-
اول موضوع ليا فى قسم التصوير بصورى
-
ايه ياعم هوبا الحلاوه دي بص هي الدواخل سليمه بص محتاجه شويه دوكو
اولا انسى خالص موضوع ان الكاميرا ليها تاثير في الوضع الحالي و مستعد في اول مقابله اوريك صوره hdr قلبت الدنيا خدتها بالموبيل
اولا لازم يكون عندك موهبه و دي باينه بصراحه و مش بجاملك صدقني و دي تتعرف من الافكار بتاعتك او دماغك في التصوير
عشان الموهبه دي تمشي على الاسفلت و تشد بيها لازم شوية قواعد تحطها في دماغك و انت بتصور فياريت تحمل الكتاب اللي انا حطه في قواعد التكوين و تراجع الكام موضوع اللي انا عاملهم هتستفاد جدا جدا و انا على فكره بعتبر نفسي مبتدىء
هقول لك على شوية ملاحظات بسيطه برضه تفرق معاك
اولا ما يبنفعش اصور منظر طبيعي و يبقى الكادر مايل سواء بقصد او بدون و ده تقدر تعرفه من خط الافق اللي بيفصل السما من البحر لازم يبقى افقي امال سموه افق ليه
حاول و انت بتصور تقسم الكادر تلت و تلتين يعني مثلا تلت للبحر و تلتين للسما او العكس و ده بيبقى حسب العناصر الموجوده في كل جزء
مثلا لقيت السحاب شكله حلو يبقى تدي السما تلتين و البحر التلت
او لو فيه مركب ماشيه تعكس النسبه
و دايما و انت بتصور تبقى عايز توصل رساله لللي بيشوف و يكون فيه عنصر جذب للصوره زي صور الخيال اللي في النضاره دي فكره جميله
يعني مثلا انت مصور بحر فاضي و سما طب ايه الجديد
تخيل مثلا لو في جنب الصوره شمسيه و تحتيها كرسيين هنا الواحد ممكن يتامل رغم بساطة الموضوع
ياريت تستمر و انت عندك رؤيه كويسه ناقص التنفيذ يبقى على اساس ولو مكنتش حبيبي مكنتش قلت حاجه
-
الله عليك يا احمد باشا
مع ان النظارة واخد كل اهتمامك ههههههه ..
-
صور جميلة والله
بالذات صور فوران الماية حلوة اوى
-
اقتباس:
المشاركة الأصلية كتبت بواسطة hany63
ايه ياعم هوبا الحلاوه دي بص هي الدواخل سليمه بص محتاجه شويه دوكو
اولا انسى خالص موضوع ان الكاميرا ليها تاثير في الوضع الحالي و مستعد في اول مقابله اوريك صوره hdr قلبت الدنيا خدتها بالموبيل
اولا لازم يكون عندك موهبه و دي باينه بصراحه و مش بجاملك صدقني و دي تتعرف من الافكار بتاعتك او دماغك في التصوير
عشان الموهبه دي تمشي على الاسفلت و تشد بيها لازم شوية قواعد تحطها في دماغك و انت بتصور فياريت تحمل الكتاب اللي انا حطه في قواعد التكوين و تراجع الكام موضوع اللي انا عاملهم هتستفاد جدا جدا و انا على فكره بعتبر نفسي مبتدىء
هقول لك على شوية ملاحظات بسيطه برضه تفرق معاك
اولا ما يبنفعش اصور منظر طبيعي و يبقى الكادر مايل سواء بقصد او بدون و ده تقدر تعرفه من خط الافق اللي بيفصل السما من البحر لازم يبقى افقي امال سموه افق ليه
حاول و انت بتصور تقسم الكادر تلت و تلتين يعني مثلا تلت للبحر و تلتين للسما او العكس و ده بيبقى حسب العناصر الموجوده في كل جزء
مثلا لقيت السحاب شكله حلو يبقى تدي السما تلتين و البحر التلت
او لو فيه مركب ماشيه تعكس النسبه
و دايما و انت بتصور تبقى عايز توصل رساله لللي بيشوف و يكون فيه عنصر جذب للصوره زي صور الخيال اللي في النضاره دي فكره جميله
يعني مثلا انت مصور بحر فاضي و سما طب ايه الجديد
تخيل مثلا لو في جنب الصوره شمسيه و تحتيها كرسيين هنا الواحد ممكن يتامل رغم بساطة الموضوع
ياريت تستمر و انت عندك رؤيه كويسه ناقص التنفيذ يبقى على اساس ولو مكنتش حبيبي مكنتش قلت حاجه
و الله يا هانى بيه الكاميرا بردو ليها حكم
و ساعتها الواحد هيقدر يبدع جداااااااا طالما الاوبشن موجود
و بعدين انا ليا قعده معاك فى حته التصوير دى لاززززززززم اتعلم منك
ادونى سلاح و سيبونى فى فرح و خدوا احلى صور تتخيلوها فى حياتكوا كلها
ده الواحد خياله واسع جدااااااااا لما بيشوف بحر و سما صافيه قصاده الواحد بيبدع لواحده و الله
حبيبى يا هانى بيه لازم المليان يكب على الفاضى
و لازم اتعلم منك كل حاجه
^_^
-
اقتباس:
المشاركة الأصلية كتبت بواسطة amr.elsayed
صور جميلة والله
بالذات صور فوران الماية حلوة اوى
اقتباس:
المشاركة الأصلية كتبت بواسطة s o p h o s
الله عليك يا احمد باشا
مع ان النظارة واخد كل اهتمامك ههههههه ..
ربنا يخليكوا يا رجاله
و على فكره يا حماده انا مصور كل متعلقاتى بالطريقه دى فى كذا مكان عمتا اتفضلها يا حماده متغلاش عليك و الله
^_^
-
ايه اللي دخل الكاميرا في الموهبه و الاحساس بالجمال و زاوية التصوير و القواعد العامه ؟
الكاميرا الاحترافيه بتدي مثلا سرعه في الفوكس و في عدد اللقطات في الثانيه الواحده و اهم ميزه التصوير في اقل كمية ضوء و لما تصور بيها شخص تعزل لك الخلفيه لو انت عايز عشان مايبقاش فيه تشتيت و ممكن تصور الحشره بوضوح تام لدرجة انك تشوف عينها
ياترى الامكانيات دي انت عايزها اصلا دلوقت؟ فبلاش حجج بالكاميرا
اه طبعا هتحتاجها قدام شويه بس لو جبتها تتعلم عليها من الاول مش هتطول لا ده ولا ده عشان هتلخمك في اعداداتها
بالبلدي اتعلم السواقه على 127 باحترافيه و بعدين اركب البي ام
وياريت تشوف كل المواضيع مداخله مداخله هتلقى معلومات صدقني تعبت جدا جدا عشان اعرفها و لو قدرت تعملها كوبي باست و تطبعها و قبل ما تصور اقراها بعنايه و خد وقتك قبل ما تصور و تحت امرك في اي حاجه طبعا و متنساش تنزل الكتاب بتاع قواعد التكوين ده معمول بالعربي و شارح كل حاجه بالصور
-
اقتباس:
المشاركة الأصلية كتبت بواسطة hany63
ايه اللي دخل الكاميرا في الموهبه و الاحساس بالجمال و زاوية التصوير و القواعد العامه ؟
الكاميرا الاحترافيه بتدي مثلا سرعه في الفوكس و في عدد اللقطات في الثانيه الواحده و اهم ميزه التصوير في اقل كمية ضوء و لما تصور بيها شخص تعزل لك الخلفيه لو انت عايز عشان مايبقاش فيه تشتيت و ممكن تصور الحشره بوضوح تام لدرجة انك تشوف عينها
ياترى الامكانيات دي انت عايزها اصلا دلوقت؟ فبلاش حجج بالكاميرا
اه طبعا هتحتاجها قدام شويه بس لو جبتها تتعلم عليها من الاول مش هتطول لا ده ولا ده عشان هتلخمك في اعداداتها
بالبلدي اتعلم السواقه على 127 باحترافيه و بعدين اركب البي ام
وياريت تشوف كل المواضيع مداخله مداخله هتلقى معلومات صدقني تعبت جدا جدا عشان اعرفها و لو قدرت تعملها كوبي باست و تطبعها و قبل ما تصور اقراها بعنايه و خد وقتك قبل ما تصور و تحت امرك في اي حاجه طبعا و متنساش تنزل الكتاب بتاع قواعد التكوين ده معمول بالعربي و شارح كل حاجه بالصور
شكرا يا هانى بيه و الله على المعلومات القيمه دى
انا فعلا عمال اقرا التعليقات و عمال افهم
بس انا ماشى بمبدا أبدا كبير تفضل كبير
تاخدها من تحت لفوق دى صعبه شويه بالاخص فى السواقه و التصوير و ألخ عدا حياتك العمليه
^_^
-
لا يا هوبا انت لسه متلخبط برضه بين الامكانيات بتاعة الكاميرا و الموهبه اللي لازم تتنمى و تتصقل و هنروح بعيد ليه هتحداك هديلك الكاميرا بتاعتي و انا هصور بالكاميرا بتاعتك و نختار 3 او اربع حاجات نصورها احنا الاتنين و انت تحكم بنفسك
-
وبعدين اقرا التعليق تاني بعنايه الخاص بامكانيات الكاميرا الاحترافيه وبص لصورك هتلقى انك مكنتش محتاج ولا ميزه واحده
وحتة ابتدي كبير ده كلام تجاره مش تصوير
يعني مثلا ينفع واحد ما معهوش شهاده اصلا و بيدير مستشفى كبير او داخل في بيزنس بكل فلوسه عشان يبدأ كبير و هو مش فاهم فيه