5لتر يكفو المواطن يوميا!!

**حماده المصري** · 14-01-2013 06:15 PM

5 لتر ميكفوش نستحمى بيهم

عايزين عربيه تمشي بيهم

ايه الجنان ده

**esam_ayad** · 14-01-2013 06:19 PM

المشاركة الأصلية كتبت بواسطة تامر.محمد

لاحظوا جميعا ان الكلام ده للغير قادر

معلش مافهمتش حضرتك قصدك ايه بغير القادر؟؟؟
اللي مش معاه مش هايعرف يشتري عربيه يبقي قصد حضرتك ايه؟

وللأسف يا جماعه انا كنت واحد من اللي انتخبو الرئيس مرسي وكنت متوقع خيييييييييييير لكن الحكومه الموجوده حاليا مش عارف هي عايزه ايه؟

**kliken** · 14-01-2013 06:28 PM

بغض النظر عن مدى صحه القرار من عدمه
اظن ال 5 لتر معقوله لواحد استخدامه متوسط

**zizo50001** · 14-01-2013 06:39 PM

ياباشا المشكلة ان التفكير اصلا فى رفع الدعم عن البنزين او اى دعم غلط جدا دلوقتى
اولا الاخوان عيزين يسدوا عجز الموازنة عن طريق الموطن ازاى يعنى يعنى انا اللى اسد خطا ليهم طيب اية هما لزمتهم
تانى الحاجة ازاى الدعم يبقى على cc العربية ازاى يعنى هل ال cc العربية بيدل على مدا اذا كان المواطن غنى او فقير
دة هبل رسمى
هل العربية الفكترا 96 ال 2000 سىس العربية دى تمنها 40 الف جنية اغلى من العربية الباسات اللى تمنها بيوصل 400 الاف علشان هى عربيا 1400 سى سى علشان كدة بتاع الباسات و الاسكودا علشان 1400 ياخد دعم و الراجل دة لا هل االلى معاه كديلاك او 132 و العربيات دى سعرها اصلا فى الضايع ميستحقش دعمم عن الراجل اللى عربية ب 400 الف
طيب الراجل اللى جايب مثلا عربية باجيرو او اى عربية من العربيات صاحبة السى سى العالى مش الراجل دة دفع تمن العربية جمارك و ضرائب حوالى 3 او 4 اضعاف سعرها الحقيق فى اى بلد تانية هل دة ميستحقش انة ياخد البنزين بسعر زى اى عربية تانية
هل السىسى بيدل على مدا الاستهلاك فى عربيات كتير جدا 2000 سىسى بتستهلك زى 1300 و 1600 فى البنزين
و للاسف ال 5 لتر بنزين دة ولا ليهم لزمة فى نا كتير شغلهم بعيد عن مكان سكانهم حوالى 150 و 200 كم رايح جى
وملوش موصلات نهائى دة يعمل اية يسيب الشغل علشان الحكومة ولا اية
فى الاخر اعتقد ان النظام دة لو اتطبق هيبقى فى مشاكل كتير فى البلد

**Survival** · 14-01-2013 06:48 PM

هو الموضوع ماينفعش يتحسب باليوم
نشوف السنة متوسط الاستهلاك اد ايه و هنقول ان معظم العربيات بتعمل فى حدود ال 20الف كم
20,000 / 365 = 54.8 كم فى اليوم اللى هم تقريبا ال 5 لتر دا غير الايام اللى العربية مش هتمشي فيهم

المشكلة بجد فى ان فى عربيات كتير 2000 سي سي هتتظلم زى ال 620 و الجالينا و التيجو و دول مش عربيات غالية نسبيا و تستحق الدعم لان اللى جابها مواطن مصرى عادى و ادخل شوف كمية العربيات دى اللى اتعرضت للبيع منهم اد ايه عشان خوفهم من الموضوع ده.

**Khaled Online** · 14-01-2013 07:12 PM

أقترح تغيير عنوان الموضوع ل

5 لتر يكفرّوا المواطن يوميا!!!

مع تحيات إدارة العلاقات العامة بوزارة البترول

**S O P H O S** · 14-01-2013 07:29 PM

عادي بقي حتي الاكل هحاول اوفر فيه علشان ابقي خفيف
علي وزن العربية فمتسحبش بنزين اكتر ..

**abo_lamar** · 15-01-2013 05:11 PM

يا باشا مش الشعب اختارهم ؟؟ خليهم يشربوا بقى بالف هنا و شفا .

**abdousharkawy** · 16-01-2013 11:07 AM

المشاركة الأصلية كتبت بواسطة تامر.محمد

احنا دولة مش بترولية و بستورد البنزين , ففي العموم الموضوع ما كانش هايستمر للأبد
5 لتر بنزين يمشوا الواحد فينا 50 كيلو في اليوم تقريبا , فعلا اكتر من كده يبقوا على حساب الواحد بقى , ما نبقاش بنمشي كتير و بناخد دعم كمان , خلي الفلوس اللي بتتحط في الدعم ده تروح لطبقة افقر مننا

مين اللى قال اننا بنستورد بنزين
البنزين الموجود فى مصر كله انتاج محلى
احنا بنستورد 66% من السولار
لاكننا لا نستورد بنزين
على فكرة انا مهندس فى شركة بترول

**ahmed4000** · 16-01-2013 01:25 PM

ال5 لتر قليلة فى اليوم وخاصة فى محافظة زى القاهرة مسافات طويلة وفى نفس الوقت زحمة

بس برده مينفعش نسيبها لكل لواحد يستهلك زى مهو عايز

موضوع السى سى مش عادل لانك المفروض حتدعم الكل بنفس المبلغ فملكش دعوة هو راكب 1600 ولا 3000 حتى

ايه فكرة انى اخد بيهم بنزين اى نوع دى...ازاى واحد يبدلهم ب1800 لتر 80 زى 1800 لتر 92؟ ازاى؟ المفروض يزيد عدد اللترات فى الاوكتين الاقل

الموضوع: 5لتر يكفو المواطن يوميا!!

LinkBack

أدوات الموضوع

عرض

-

-

-

-

-

المواضيع المتشابهه

البوم صور جين 2 ( متجدد يوميا )

غسيل العربية تحت البيت ب 5لتر مية

10رساااااااااااايل ببلاش يوميا لاى شبكة

7 تمرات يوميا

الكلمات الدلالية لهذا الموضوع

المفضلات

المفضلات

ضوابط المشاركة