الموضوع: الاستهلاك اليومى للبنزين

المشاركة الأصلية كتبت بواسطة _hema

حسابات البنزين بالطريقه دى اكيد هتبقى غلط

ليـــــــــــه


كل واحد فينا معتاد على مشواره اليومى وعمل على اساسه معدل استهلاك البنزين
المشوار بتاع الشغل بس

معملش حساب انه خارج بعد الضهر للنادى مره فى الاسبوع.... رايح يزور واحد صحبه....
رايح يطل على اهله ويطمن عليهم
رايح يزور حد من اخواتو اللى ساكنين بعيد عنو بعده كيلو مترات
رايح يقضى مصلحه بعد الشغل
......... الخ

ومعملش حساب للمشاوير الفجائيه والضروريه او السفر المفاجئ لعده مرات فى الشهر وطبعا دا بيقى بالكيلو مترات التى تصل الى 500 ك فى المشوار الواحد

وكمان نسينا ان احنا فى بلد السلحفاه بتمشى فيها اسرع من العربيه وبالتالى الوقوف فى حد ذاته مهو دا برضوا استهلاك فى البنزين

يعنى مثلا انا فى يوم عملت 180ك داخل القاهره والمشوار ده اتكرر كذا مره وكمان سافرت مايقرب من ثلاث مرات فى كل مره لاتقل عن 400 الى 500 ك
دا بالاضافه الى الزحام اللى فى صلاح سالم احيانا والاوتوستراد ناهيك عن وقفه الدائرى اللى احيانا بتكون وقفه من مطلع نفق القطاميه حتى منزل الاوتوستراد ومدخل المعادى
وياسلام لو حضرتك رايح المنيب من الدائرى او حضرتك ماشى فى شارع فيصل او مسافر اسكندريه صحراوى والطريق واقف من نزله محور المريوطيه


ياترى كل هذا تم حسابه ضمن حسابات استهلاك البنزين

ام ان حسابات البنزين تم حسابها على اساس ان الشوارع فى مصر فاضيه كأننا فى سنه 50

لكم كل التحيه والود

لا هو احنا طبعا مش بنحسب بالضبط ولا احنا جهة احصاء انما احنا بنعرف بس المتوسطات اليومية وطبعا بنحاول نساعد بعض