| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 25

  1. #1

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي ال128 والمصريين- قصة حب عمرها اكثر من 30 سنة - Facebook Twitter whatsapp انشر الموضوع فى :

    [frame="7 80"]
    تم اختيار هذا الموضوع كافضل موضوع لشهر مايو 2009
    [/frame]

    من اكثر السيارات التى ساهمت فى كتابة تاريخ مصر المعاصر السيارة فيات 128، سيارة كل المصريين فى الربع الأخير من القرن العشرين
    Nile Motors
    قبل الحديث عن ال 128 فى مصر دعونا نلفى نظرة على ال128 عموما باعتبارها نقطة تحول فى تاريخ صناعة السيارات على مستوى العالم
    Nile Motors
    قبل عصر ال128 كانت كل السيارت تقريبا دفع خلفى، باستثناء موديلات قليلية من ستروين ورينو كانت مبنية على تكنولوجيا معقدة جدا لم يكتب لها الإستمرار تتمثل فى محرك مثبت بطول السيارة وجيربوكس فى مقدمة المحرك يحول الحركة من حركة طولية الى حركة عرضية تغدى العجلات
    Nile Motors
    قدمت فيات للعالم تصميمها الثورى-الذى تزامن مع تصميم السيارة مينى جونيور، المبنةي تقريبا بنفس التصميم- المتمثل فى محرك مثبت بعرض السيارة وجيربوكس موجود على يسار المحرك ينتهى بمخرج يخرج منه محورين جر غير متساويين فى الطول يغذيان العجلات-كانت فيات من آوائل من جرؤ على تقديم هذا التصميم العجيب أنذاك، والذى صار هو تصميم كل السيارات تقريبا فى الوقت الحالى
    Nile Motors
    خلق هذا التصميم اول سياره جر امامى ناجحة وادى الى ميزات كثيرة ربما ان اهمها توفير الكثير من مساحة السيارة لإستخدام الركاب، ورأينا كيف ان هذا التصميم وفر حتى مساحة كبيرة فى غرفة المحرك حتى انه امكن وضع الإطار الإحتياطى بها، مع ملاحظة ان صالون ال128 كان يماثل فى الحجم صالونات سيارات اكبر منها كثيرا من ذوات الجر الخلفى، اما بالنسبة للمحرك فقد كانت ال 128 من أوائل السيارات التى حصلت على محرك ذو كامة علوية SOHCفى العالم وهذا ايضا اعطاها ميزات رائعة فيما يخص هدوء المحرك والسرعة القصوى
    Nile Motors
    حصلت الفيات 128 بهذا التصميم الثورى على جائزةcar of the yearلعام 1970
    كما انه بعد نجاحها عالميا بدأت شركات كثيره تستوحى تصميمها لإنتاج موديلات جديدة، ربما كان اشهرها على الإطلاق فولكس فاجن التى قررت فى اوئل السبعينات التخلى عن رأئعتها البيتلز بعد نجاح دام 30 سنة وتقديم بديل عصرى، ولذلك فقد إستوحت تماما تصميم ال128 الجديد انذاك ، لتنفيذ السيارة جولف عام 1975والتى جائت ترسيخا لفكرة الجر الأمامى ودفعا لها خطوة اخرى على طريق النجاح،
    Nile Motors
    أنتهت المفاوضات بين فيات ونصر للسيارات لإنتاج الموديل 128 فى نهايه عام 1971، وتم عمل حفل لبدء إنتاج السيارة تصدرته تورتة كبيرة على شكل سيارة 128 كنت احتفظ بصورة لها حتى وقت قريب ولكن ضاعت منى للأسف، وظهرت السيارة 128 فى السوق فى بدايات عام 1972
    Nile Motors
    كان الحال فى مصر كما لا يخفى على الجميع آنذاك لا يسر عدو ولا حبيب، سيناء محتله، عبد الناصر الذى نصبه المصريون انذاك ابا روحيا لهم قد اختفى عن الساحة، لا توجد اى تباشير امل بتحقيق نجاح فى مسألة إسترداد الأرض، القوة العاملة من الشباب كلها على الجبهة فى سيناء، كان هذا الجو العام من الإحباط وضيق ذات اليد سببا فى تاجيل نجاح ال128، الى جانب نفور المصريين الكارهيين للتغير بطبعهم من الجديد المتمثل فى فكرة الجر الامامى والشكل المختلف عما الفوه،
    Nile Motors
    ظلت مبيعات ال128 قليلية وانحصرت فى الغالب فى إحتياجات الجيش والشركات والتاكسى، فين حين كان المصريون فى ذلك الوقت يفضلون الحصول على 1100 مستعملة ، ومن كان منهم يستطيع السفر للخارج كان جل همه هو العودة بسيارة فولكس واجن بيتلز، التى كانت سيارة المصريين المفضلة فى سنوات النكسة
    Nile Motors
    مع غروب شمس العام ال1973 وعودة الإبتسامة الى وجه مصر بعد حرب أكتوبر، بدأت الرغبة فى الحياه تعود للمصريين، ومع قرارات الأنفتاح وإعادة فتح فناة السويس، واستثمارات البترول فى مصر وسفر المصرين الى بلاد البترول، انتعشت مبيعات ال128 ، التى كانت فى ذلك الوقت قد نحجت فى تكوين سمعة رائعة كسيارة سابقة لعصرها من خلال تجربة من اشتروها وخاصة سائقى التاكسى، كانت ال128 تتميز عن الأجيال السابقة من السيارات بهدوء محركها الذى يعود الى التصميم ذو الكامة العلوية، كما تميزت بسرعة قصوى تصل ال 160 كيلومتر فى الساعة لم تكن معتادة من مثل هذة السيارات انذاك، ولذلك فقد بدأ المصريون الذين نفروا منها فى البداية يلتفون حولها ويقبلون عليها،
    Nile Motors
    مع كل العوامل السابقة ومع ظهور الشكل الجديد من ال128 الذى عرف فى مصر ولازال يعرف بذلك الإسم "المعدل" والذى التصق بال128 ذات الفانوس الامامى المربع ولم يطلق على غيرها، تحولت ال128 الى علامة نجاح لاى فرد من افراد الطبقة المتوسطة، حيث ان الكثيرين فى تلك الفترة قد انتقلوا من فئة راكبى الإتوبيس الى فئة راكبى السيارات، وكان جل هم اى رجل من الطبقة المتوسطة يجد فى جيبه بعض الجنيهات الفائضة شهريا ان يقوم بحجز ال128
    فى نهايات السبعينات واجهت ال128 هجمه شركة من الإتجاهين الشرقى والشمالى حيث كان العائدون من الشرق من دول البترول يفضلون الإتيان بسياراتهم-التى كانت فى الغالب يابانية مثل الداتسون 120Y والتويوتا كورولا الفديمة- من حيث يعملون، كما ان التجار المصريين فى هوجة الإنفتاح عرفوا طريقهم الى الشمال الى مدينة انتويرب البلجيكية والتى كانت تمثل سوق السيارات المستعملة فى اوروبا وقامو بإغراق السوق المصري بسيارات اوروبا المستعملة(ولنا حكاية قادمة مع سيارات انتيورب)، مما ادى الى تراجع مبيعات ال128 والسيارات الأخرى التى كانت تنتجها شركة النصر ورغم ذلك فإن السيارة ظل لها عشاقها وظل طابور الحجز موجودا ولكن مع وجود بدائل اخرى كثيرة
    Nile Motors
    مع نهاية العام 1981 وحادث المنصة الذى راح ضحيته الرئيس السادات صاحب قرارات الإنفتاح، بدأت مصر فى التراجع بشدة فى سياساتها الإنفتاحية وظهرت آلاف الضوابط على استيراد السيارت المستعملة من الخارج ، ادت الى توقف هذة التجارة عمليا، عادت سيارات شركة النصر لتصبح هى الحل الوحيد المتاح للركوب
    Nile Motors
    والنتيجة الحتمية المعروفة هى رداءة جودة المنتج التى بدأت تظهر شيئا فشيئا مع السياسات الإحتكارية، وفى ذلك الوقت تحولت علاقة المصريين بال128 الى نوع من (لا احبك ولا اقدر على بعدك) وخاصة بعد ان جرب الكثير منهم سيارات اوروبا المستعملة من طرازات افخم، وبعد القفزات المتوالية لسعر ال128 من اربعة آلاف جنيه فى عام 1979 حتى وصل سعرها الى 18 الف جنيه عام 1986، ولم يكن السعر هو كل شئ حيث كان الحصول عليها يستلزم الحجز لمدة تزيد احيانا عن السنة، او الدفع بالدولار لتخفيض مدة الحز لى ستة شهور، وحيث ان القانون كان يمنع تداول العملة الأجنبية فى مصر وحيث ان الشركات الصناعية كانت تحتاج الى الدولارات لشراء العملة الصعبة، فقد لجأت الشركات الصناعية مثل نصر للسيارات وإيديال والنصر للتليفزيون إلخ الى خدعة عجيبة ، حيث قاموا بفتح مكاتب لهم فى دول الخليج للمصريين لحجز منتجاتهم والدفع هناك بالدولار والإستلام هنا بعد طابور حجز اقصر،فكانت اسهل طريقة "لمصرى" يعيش فى "مصر" للحصول على سيارة 128 مصنعة فى "مصر "هو ان يكلف زوج خالته الذى يعمل فى "السعودية" بجز السيارة من هناك بالدولار " الأمريكى"
    Nile Motors
    منذ العام 1984 كانت فيات قد توقفت عن انتاج ال128 ،ولكن نجت شركة النصر فى عقد أتفاق مع شركة زاستافا- التى تحول اسمها لاحفا الى يوجو- اليوجوسلافيه(صارت صربية بعد تقسيم يوجوسلافيا)،للصول على أجزاء السيارة 128، وفى منتصف العام 1988 تم عمل تعديل محدود فى السيارة 128 حيث ظهرت بمحرك 1300 بدلا من 1100 وجيربوكس ذو خمسة نقلات وتعدلات طفيفة جدا فى شكل الكبوت وزجاج الابواب
    Nile Motors
    فى العام 1992 وبعد إشتعال الحرب على الأرض اليوجوسلافية بين جمهوريات الصرب والجبل الاسود والبوسنة والهرسك بدا واضحا توتر العلاقات المصرية مع الصرب لمساندة مصر لقضية البوسنة والهرسك مما عرقل توفير لوازم انتاج ال128
    فى تلك الفترة ظهر عدد من مجلة الاهرام الإقنصادى على غلافه صورة كاريكاتورية لل128 تحاول الفرملة ويد عملاقة تشير لها بالوقوف ، والتعليق: "مصير ال128 فى يد مجلس الأمن"
    توقف انتاج ال128 فى عام 1992 لظروف الحرب، وكانت شركة النصر انذاك فى بداية قصتها من الدوجان والشاهين(دول لهم قصة تانية)، كما ظهرت لاول مرة فى مصر سيارة مجمعة محليا قطاع خاص(السوزوكى سويفت)، مما ادى الى اختفاء ال128 من خطوط الإنتاج فى مصر، وبدا كأن تلك الملحمة التاريخية قد وصلت الى كلمة النهاية
    Nile Motors
    ولكن بعد اربعة سنوات وبعد نهاية الحرب، عادت شركة النصر لتعلن عن طرح موديلات جديدة من ال128 عام 1996، لم يكن السعر منافسا فى البداية مما ادى الى عدم بيع اعداد كبيرة من ال128 ولكن مع عام 2000 انخفض السعر بشدة لمنافسة الكيا برايد لها، وكانت ال128 تباع انذاك ب24 الف جنيه، ومع ذاك بدا واضحا ان حبيبة المصريين العتيدة قد فقدت عرشها لصالح فتيات كوريا الرشيقات
    Nile Motors
    فى خلال العامين التاليين من 2000 وتى 2002 قفزت اسعار كل السيارت لأعلى بسبب الإرتفاع الجنونى فى سعر الدولار مما فقز بسعر ال128 الى 33 الف جنيه، ولم يكن الإقبال عليها شديدا فتوقف أنتاجها للمرة الثانية عام 2002، وللمرة الثانية اعتقد جميع المصريين ان هذة هى النهاية الحزينة للسيارة التى نافست طبق الفول المدمس على حب الشعب المصرى
    ولكن كالعنقاء التى تبعث من الرماد، عادت شركة النصر للسيارت فى اواخر عام 2005 لتعلن عن فتح باب الحجز لسيارات 128 جديدة بيدأ تسليمها فى مارس 2006 ، فيما عبرت عنه إحدى مجلات السيارات بهذة الجملة البليغة: "سيارة الشعب المصرى تعود للشعب المصرى"، وتباع بسعر منافس جدا وضعها من جديد على قائمة المنافسة، ولكن على ارخص سعر، حيث ان ال128 بشكل او بآخر قد اصبحت حاليا out of date، ومع ذلك فهى لا تزال وستبقى طويلا سيارة يمكن الإعتماد عليها فى ان تحملك من المنزل الى العمل بكفاءة تامة وبدون أعطال
    Nile Motors
    تم التثبيت بمعرفة الإدارة

    سبعاوى
    _______________________________________________


  2. #2

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    كان حلمي و انا عندي 13 سنه ان يكون عندي عربيه 128 ابارث حمراء و كنت بحبها موووت و بصراحه بعتبر ان احسن 128 اتعملت هيا الابارث دي.و علي فكره الابارث دي كانت ايطالي مش الماني زي ما معظم الناس مفكره و ماكنتش بتنزل غير بلون احمر و اصفر بس و موتور 1300 بس


  3. #3

    الصورة الرمزية mohamed_berlitz

    رقم العضوية : 1054

    تاريخ التسجيل : 20Jun2007

    المشاركات : 206

    النوع : ذكر

    الاقامة : Nasr City

    السيارة: Lanos

    السيارة[2]: 128

    دراجة بخارية: no

    الحالة : mohamed_berlitz غير متواجد حالياً

    افتراضي -

    الى الاخ سبعاوى او اى اخ فاضل يريد المساعدة

    عندى 128 موديل 1980
    كاسيت + سماعات
    انذار + سنتر
    معمولها عمرة كاملة من سنة بطقم بساتيم المانى
    متسمكرة ومرشوشة برة من سنة
    متركبلها طقم كامل دبرياج من شهر
    كاوتش جديد
    بطارية جديدة من شهر وعليها ضمان سنة
    العربية اول يد
    من الاخر اى قطعة غيار كنت دايما بجيب اغلى حاجة ان كان المانى او ايطالى علشان ماكنتش ناوى ابيعها خالص
    ياريت اعرف سعر العربية ممكن يكون يجيب كام علشان انا بفكر جاهدا بيعها لشراء دايو انشاء اللة

    وشكرا

    If you touch my car, i will touch your girl


  4. #4

    الصورة الرمزية Nader

    رقم العضوية : 57

    تاريخ التسجيل : 18Apr2007

    المشاركات : 18,972

    النوع : ذكر

    الاقامة : مدينة نصر

    السيارة: هيونداي فيرنا

    السيارة[2]: هيونداي فيرنا

    دراجة بخارية: -

    الحالة : Nader غير متواجد حالياً

    افتراضي -

    اهلاً بك معنا يا اخ محمد.....

    يتراوح سعر الـ128 موديل 1980 بين 15 و17 الف جنية.

    لأي استفسار أو شكوى بخصوص الإدارة والإشراف والدعم الفني، يرجى المراسلة على:



  5. #5

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,699

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    طالما ال128 إستحوذت على هذا القدر من القوة في السوق من 35 سنة

    ليه ما قدروش الطلب العالي ده وطوروا العربية
    ليه ما اشتروش خط إنتاجها بالكامل لما اتعرض عليهم من إيطاليا قبل ما يتباع ليوغوسلافيا
    وكانت هتبقى مصرية 100%
    ويغيروا فيها زي ما هما عايزين
    ويصلحوا عيوبها المستعصية

    ليه ما إستثمروش الطلب الغير عادي ده في ذلك الوقت

    جايز ما كانش فيه روح تطور جايز كانوا بيفكروا يشتروا شركة مرسيدس

    أدينا بقينا بنجيب قطع غيار ال 128 من تركيا والوقتي من الصين

    وربنا يصلح الحال والحمد لله

    وشكراً على المعلومات يا هندسة

    مهندس أحمد. رحم الله المجاهد سليمان الحلبي, قتل قائد الاحتلال الفرنسي لمصر عندما كان الإسلام هو الوطن facebook.com/AHMED1981


  6. #6

    الصورة الرمزية احمد الديب

    رقم العضوية : 2900

    تاريخ التسجيل : 31Oct2007

    المشاركات : 13

    الاقامة : gggg

    الحالة : احمد الديب غير متواجد حالياً

    افتراضي -

    طيب يا حماعة ايه احسن موديل لل 128


  7. #7

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,699

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    اقتباس المشاركة الأصلية كتبت بواسطة احمد الديب
    طيب يا حماعة ايه احسن موديل لل 128
    ال 128 نوعين عادة ومعدل
    المعدل يبدأ من موديل 1979 تقريباً وبه بعض التعديلات لعيوب العادة

    وطبعاً الأفضل هو الزيرو ثم ماقبله بسنة ثم ماقبله
    يعني لو قدامك سيارتين 128 حالتهم واحدة خد الأحدث
    والمهم الحالة تكون نضيفة عشان متفتحش بقها معاك
    أنا عارف إن في رأي بيقول إن فيه موديلات سنوات معينة لل 128 أفضل من غيرها وأنا لا أوافق هذا الرأي

    ورأيي الأحدث هو الأفضل

    مهندس أحمد. رحم الله المجاهد سليمان الحلبي, قتل قائد الاحتلال الفرنسي لمصر عندما كان الإسلام هو الوطن facebook.com/AHMED1981


  8. #8

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    ال 128 نوعين عادة ومعدل
    المعدل يبدأ من موديل 1979 تقريباً
    المعدل من سنه 77 و من راي احسن موديلاتها ال 128 الابارث بس موديلها قديم اوي لكن لو لقيت منها واحده حلوه ما تترددش عربيه حكايه و حتريحك.
    غير كده يبقي زي ما الباشمهندس احمد قال دور في الموديلات العاليه


  9. #9

    الصورة الرمزية Ahmed Anwer

    رقم العضوية : 794

    تاريخ التسجيل : 27May2007

    المشاركات : 3,700

    النوع : ذكر

    الاقامة : Cairo

    السيارة: هيونداي فيرنا أوتوماتيك 2007

    السيارة[2]: رينو فلوينس

    دراجة بخارية: No

    الحالة : Ahmed Anwer غير متواجد حالياً

    افتراضي -

    أول مرة أطلع علي الموضوع الرائع ده للباشمهندس سبعاوي

    محتاج التثبيت

    من حب المصريين في ال 128 واحد عملها صفحة في ويكيبيديا، الموسوعة الحرة

    http://ar.wikipedia.org/wiki/%D9%86%D8%B5%D8%B1_128

    بس هوا شاف مميزاتها من وجهة نظر مختلفة تماما عن وجهة نظر م / سبعاوي

    الراجل كاتب

    في البداية انا صاحب سيارة 128 نصر موديل 1990 1300cc ، السرعة القسوي لهذة السيارة بعد 17 عام هي 145كم في الساعة. هذة السيارة فخر الصناعة المصرية طبعآ نري سيارات الالماني في المقدمة لكن من الاقتصادي في مصر ان تستعمل هذة السيارة نظرآ لتوافر قطع غيارة الاصلية بأسعار قليلة مثل الفنوس لسيارتي المعدلة اي الفانوس الامامي المربع ب30جنية مصري فقط و الفلش الجانبي للسيارة ب3جنيهات فقط اما الاستهلاك للبنزين فمعتدل للغاية مثلا في الذهاب الي الاسكندرية من القاهرة اي 200كم تأخذ 25 ليتر بنزين بالمقارنة مع سيارة الشيفورلية 50ليتر ،اما بالنسبة للسرعة فلاحاجة لها لان القوانين المرورية في مصر تقول ان السرعة القصوي علي الطرق السريعة 100كم في الساعة اما في المدن 60 كم في الساعة


  10. #10

    الصورة الرمزية zezo13178

    رقم العضوية : 2949

    تاريخ التسجيل : 02Nov2007

    المشاركات : 267

    الاقامة : مدينه نصر

    الحالة : zezo13178 غير متواجد حالياً

    افتراضي -

    هي فعلا عربيه غلبانه وطيبه زينا بالظبط , تخيلوا لو 128 عملت شكل جديد بتهيالي حيكتسح خصوصا لو كان السعر مناسب

    سبحان الله وبحمده سبحان الله العظيم



 
صفحة 1 من 3 1 2 3 الأخيرةالأخيرة

المواضيع المتشابهه

  1. كيف تم إفساد مصر والمصريين؟
    بواسطة otefa في المنتدى المنتــــــدى الاجتمــاعى
    مشاركات: 8
    آخر مشاركة: 17-06-2011, 11:54 PM
  2. امر هام لكل العرب والمصريين ؟؟؟؟
    بواسطة elmashboh في المنتدى المنتــــــدى الاجتمــاعى
    مشاركات: 8
    آخر مشاركة: 20-02-2010, 02:51 AM
  3. مشاركات: 13
    آخر مشاركة: 22-10-2009, 03:11 AM
  4. هو ال128 ال3p علي دنجل ولا مقصات و كمان الشاسيه مقرف زي ال128 العادية ولا ايه نظامها
    بواسطة semsem_uno في المنتدى ورشـــة نــايل مــــوتـــورز
    مشاركات: 1
    آخر مشاركة: 18-10-2009, 03:11 PM
  5. هل صحيح ان كبالن الفيورا معمرة اكثر من كبالن ال128 ؟
    بواسطة thegoodhacker في المنتدى فــــيات
    مشاركات: 7
    آخر مشاركة: 06-01-2008, 06:49 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2