الموضوع: تابلت Motorola XOOM MZ601

المشاركة الأصلية كتبت بواسطة h_shahin

أنا إشتريت الزوم من راية بـ 2222
و كنت سمعت عن موضوع التابلت الزوم المجدد ده بس مش متأكد الصراحة
عموما أنا سجلت الجهاز على موقع دعم موتورولا و قالولى إنه خارج ضمان متورولا
لكنه بضمان راية لمدة سنة حسب الفاتورة المرفقة و راية محترمين
بالنسبة للسعر ماننساش يا جماعة إن التابلت عمره سنتين بالتمام و الكمال و نزل بعديه زوم 2 و إكس واى بورد
أنا شوفت سعره على أمازون لقيته قريب من السعر ده حاليا
عموما التابلت جيد جدا كمواصفات لكن يعيبه ثقل وزنة نوعا ما 730 جرام (مقارنة بـ 590 تقريبا لسامسونج و زوم 2 )
التاب اللى وصلنى نسخة سنغافورى
و كان عليه اندريد 3
و بمجرد فتحة إستقبل التحديث 3.2 تقريبا -مش متأكد لإن بعدها بثوانى إستقبل تحديث أيس كريم ساندويتش 4.04
طبعا الأيس كريم مدعم باللغة العربية قراءة و كتابة و محاذاة و مفيش مشاكل خالص
البطارية بتكفى اليوم كله باستعمال متوسط

و لو حد عايز يسأل عن أى حاجة أنا تحت أمره

مبروك يا باشا

طيب ممكن شوية سألك حضرتك جبته من الموقع ولا من الفرع مباشرة ووصلك بعد قد اية ؟؟

وممكن تعمل لنا تقيم لة ؟ بالنسبة لوزن الجهاز هل ملحوظ قوي ويدايق مع الاستخدام الطويل مثلا ؟ والشاشة هل تعتبر جودتها كويسة يعني ذي جلاكسي تاب ولا اقل والتتش سريع ولا بطيئ

جودة التقفيل جيدة ولا رديئة ؟؟ والتحديث ازاي يعني محتاج يتوصل بلاب توب ؟

اخيرااا حضرتك بعد الاستخدام تنصح بية ولا لا انا متردد بين شرائة والانتظار قليل لحد ما سعر جلاكسي نوت 2 - التليفون مش التاب - ينزل شوية

وشكرااااا

المشاركة الأصلية كتبت بواسطة h_shahin

الله يبارك فيك
أنا طلبت الجهاز أون لاين من موقع راية
كلمونى تانى يوم علشان يأكدوا الطلب
و الجهاز وصلنى بعدها بأربعة و عشرين ساعة و الدفع عند الإستلام و بدون أى مصاريف إضافية

التابلت بوجه عام جيد و أعتقد إن إمكاناته مناسبه لسعره حاليا مع مراعاة إنه قديم نوعا ما
موترولا زوم m601 هو التابلت إللى جوجل نزلته لما حبت تطرح نظام أندرويد هانى كومب المخصص للتابلت و بالتالى هو يعتبر من أبناء جوجل و تم تحديثه خلال السنتين اللى فاتو من هانى كومب لأيس كريم لجيلى بين حاليا لنسخة الواى فاى الأمريكية (أعتقد إن الجيلى بين هو أخر تحديث للتاب و بعدها هيتوقف دعم موترولا و جوجل له)

إمكانيات الجهاز من حيث سرعة المعالج و حجم الذاكرة مازالت تخليه يقدر ينافس رغم مرور سنتين على إنتاجه
المعالج تيجرا 2 بسرعة 1 جيجا ثنائى النواة يعتبر معالج متوسط مقارنة بالتابلت الأحدث لكن آداءه فى الإستخدام العادى مريح و فعال بدون مشاكل أو بطء أو تهنيج
معالج الرسوم ulp gforce و هو معالج أعلى من المتوسط يقارن بالمعالجات أدرينو 220 و مالى 400
الرام 1 جيجا تعتبر ذاكرة معقولة و إن كانت أقل من الأجهزة الحديثة حاليا (2 جيجا) لكنها كافية للتصفح و الألعاب و المالتى ميديا
التخزين 32 جيجا كلها متاحة لتثبيت البرامج و حفظ ملفات البيانات فى نفس الوقت و دى مساحة تخزين محترمة جدا
بالإضافة إلى إمكانية توصيل كارت ذاكرة إضافى

الشاشة 10.1 بوصة مريحة فى التصفح لمدة طويلة ناهيك عن القراءة و ممتعة فى الألعاب الكثافة 149 و هى كثافة متوسطة أيضا و تعتبر نصف كثافة الأجهزة الحديثة
التواصل مرن جدا عن طريق الواى فاى و الـ 3g و البلوتوث و لكن مفيهوش nfs
الخامات المصنوع منها التاب جيدة الظهر من أسفل ألومينيوم و من أعلى سيليكون

التصميم كشكل جيد و لكن يعيبه مكان الشحن و توصيل اليو إس بى (أسفل الشاشة) كذلك مكان إدخال شريحة الموبايل و كارت الذاكرة محير قليلا و أخيرا زراري خفض و رفع الصوت مزعجين جدا من حيث الحساسية و الإستجابة
وزن الجهاز زائد بدرجة ملحوظة و يسبب تعب لليد فى الحمل و الأفضل وضع الجهاز على الرجل أو على تربيزة و سنده باليد فقط دون حمل
الجهاز بسمك 1.3 سم تقريبا و هو أكبر سمك لتابلت و لكن التصميم الجميل يخفى هذا العيب و فى كل الأحوال هو غير مزعج
إستجابة اللمس سريعة و لم يحدث أى بطء أو تهنيج حتى الأن
ما ليش فى ألعاب الحركة فمقدرش أحكم إلا على لعبة مثل subway surfers و تم تشغيلها بكل سهولة
الكاميرا الأمامية 2 ميجا و الخلفية 5 ميجا بفلاش جيدتان و تعتبران أقوى من كاميرات الأجهزة المنافسة

التحديث تم عن طريق الواى فاى بدون أى وصلات أخرى و ينصح قبل التحديث بالتأكد من شحن البطارية جيدا أو توصيل الشاحن و توصيل التاب بالنت عن طريق الواى فاى و ليس 3g لضمان جودة و إستمرار التحميل

موتورولا زوم vs جلاكسى تاب 2 10.1

فيما عدا الوزن و السمك يتساوى أو يتفوق موتورولا زوم فى باقى الصفات و خاصة السعر

موتورولا زوم أى باد 3
يتفوق الأى باد فى دقة الشاشة و سعة البطارية و السمك فقط فى مقابل فرق السعر فى صالح متورولا

موتورلا زووم vs جلاكسى نوت 10.1
جلاكسى نوت يتفوق فى حجم الرام و المعالج الرباعى النواة و سرعة البلوتوث و الوزن السمك مقابل ضعف السعر تقريبا

موتورولا زوم vs هواوى ميديا باد fhd 10.1
هواوى ميديا باد يكتسح بزيادة معقولة فى السعر

أرجو أكون أفدتك

كفيت ووفيت .... تقيم رائع
بالنسبة للسعر كان من يومين 1945 علي موقع راية فهل تعتقد ان ممكن ينزل للسعر دة ؟؟

يعني اية الشاشة بتعكس الضؤ .. يعني هل تعتبر الشاشة حلوة وجيدة ولا الوانها باهتة و رديئة .. لان التاب شاشة فلو وحشة يبقي كلة وحش

وشكراااا مرة تانية

المشاركة الأصلية كتبت بواسطة tza

بالنسبه لصوت الجهاز ايه راى حضرتك فيه وجزاءاك الله كل خير ..

+1 سؤال وجية
اللي اعرفة ان الصوت ستريو سماعاتين في ظهر الجهاز ... وبردو ننتظر رأي الناس اللي معاها الجهاز افضل