عمرة موتور لـax واللا اشتري موتور استيراد أفضل؟؟

**megoghanem** · 14-01-2013 07:36 PM

السلام عليكم ورحمة الله وبركاته
أعضاء المنتدى الكرام

للأسف الشديد حدث تسرب لزيت الموتور في سيارتي السيتروين ax، ولما وقفت السيارة تماما، رحت لميكانيكي قريب من بيتي بس مش متخصص في السيتروين، وقالي ان الموتور كده محتاج عمرة كاملة، خاصة وإن في صوت خربطة جامدة كده، زي مايكون في حاجة جوه الموتور، لكن لما سألت أكتر من واحد نصحوني بشراء موتور استيراد، خاصة وإن كتير من الميكانيكية اللي كلمتهم رفضوا يشتغلوا في العربية بحجة إنها صغيرة وحاجتها مقرفة ومش موجودة، ولما سألت على الموتور الاستيراد، الأسعار تراوحت بين 2500 إلى 3000 جنيه + 500 تركيب، فلو حد عنده فكرة أيهما أفضل، وهل فكرة العمرة هاتقبى كويسة واللا الموتور مش هايظبط؟؟؟ ولو هاعمل عمرة أعملها فين؟؟ وجزاكم الله خيرا، ياريت اللي عنده معلومة لا يبخل للضرورة، وبرضه محتاج نصائحكم هل المواتير الاستيراد بتبقى حالتها كويسة واللا تعبانة؟، وهل بعد ما أخلص أبيع العربية واللا أخليها، مع العلم إني مش هايبقى معايا فلوس إضافية لإني أحدثها وأجيب حاجة مستواها أعلى، ،،، جزيل الشكر لحضراتكم

**rotanamasoud** · 14-01-2013 08:15 PM

لو موتورك زهر ممكن تعمر اما لو الومنيوم فتجيب استيراد
الموتور الاستيراد زى البطيخه ياحمرا يا قرعه
بس دايما بتطلع حمرا(حالته جيده يعنى)
الميكانيكى تاخده معاك وانت بتجيب الاستيراد عشان بالخبره بيختار الافضل ويطلع حالته كويسه وبيبقى على تجربه اسبوع على الاقل ولو فتيسك سليم ممكن تجيب بلوك موتور فقط وده بيبقى ارخص كتير وتركب عليه فتيسك وكاربراتيرك ومارشك ودينموهك
والعربيه جيده حاول تفهمها وتركبها فتره حتعجبك

**Amr Axel** · 14-01-2013 08:52 PM

انا معرفش ايه النظام في مواتير السيتروين لكن دايما بفضل العمرة لسبب بسيطة الاستيراد انت و نصيبك و غالبا مبيعش كتيير و تلاقيه محتاج ع الاقل نص عمرة عكس العمرة بتفتح و تشوف كل اللي الموتور محتاجه و تظبط القطع و التكلفة هتكون أقل و ترجع الموتور كأنه جديد بس اهم حاجة توافر القطع الداخلية للموتور
بس حاول تشوف ميكانيكي تاني كويس هو عرف منين ان العربية عايزة عمرة كاملة ما جايز محتاجة طقم شمبر و جوان وش السلندر و يمكن خرط لوش السلندر او شراء جديد و السكة

اما لو هتجيب استيراد يبقي خد معاك ميكانيكي كويس و ثقة يختار أفضل المواتير حالة

**megoghanem** · 31-01-2013 01:42 PM

شكرا لكم جميعا، يبدو أني فعلا هاضطر اشتري موتور استيراد وخلاص، بس أضمن منين حالته؟؟

**buddha** · 31-01-2013 02:20 PM

غير الموتور بواحد استيراد وتاخد معاك ميكانيكى او تروح لواحد مشهور بالامانة عشان متركبش استيراد وترجع تشتغل بردة فية

بالتوفيق اخى

**lilo** · 31-01-2013 07:07 PM

عزيزي انا معايا ستروين zx والموتور كان عايز شمبر بس فقولت اجيب موتور واخلص في واحد لو تحب اديك عنوانة هو ورا المحكمة الدستورية رحت عنده حوالي 10 مواتير انجيكشن وعاده الانجكشن بيعمل 2500 العاده 3100 بس كلة الومنيوم مفيش زهر بس الموتور كامل كلة يعني بالجير بوكس والكاربرايتور والمارش والدينمو والعممة حتي يعني كل حاجه والورق بيطلعهولك بعد متكلمة وتقولة الموتور تمام لو عايز النمرة ابقي قولي واديهالك

**megoghanem** · 06-02-2013 09:16 PM

ياريت ياباشا تكتبلي نمرته، والتركيب فين، هل هو بيركبه، واللا ممكن أركبه عند مين وبكام، وجزاك الله كل خير

**megoghanem** · 14-04-2013 05:03 PM

العضو المحترم lilo ياريت تكتبلي الرقم والعنوان، وشكرا جزيلا لك،،،، وعلى فكرة انا سألت سائق تاكسي معاه ايه اكس وقالي انه جاب موتور استيراد فرنساوي في حدود 1700 جنيه فقط بالورق كمان، وقالي ان ده عند واحد اسمه أشرف هارون في أبو الريش، بس للأسف لما خد نمرته منه كانت غلط، ومعرفتش أوصله،،،، وسألت واحد تاني في المنصورة بالتليفون قالي انه عنده مواتير موديل 2000 و2001، فأنا قلتله أعتقد ان العربية اخرها 98 ومفيش 2000، فمتهيألي انه لو كده مايبقاش فاهم كويس،

**rotanamasoud** · 15-04-2013 03:13 PM

الموتور ممكن يكون موديل اعلى لان الموتور بينزل فى عربيات كتير زى ال405 ودى فيها موديلات اعلى

الموضوع: عمرة موتور لـax واللا اشتري موتور استيراد أفضل؟؟

LinkBack

أدوات الموضوع

عرض

-

-

-

-

المواضيع المتشابهه

أفيدونى في عمرة موتور ستروين ax أفضل مكان و الأسعار؟؟

لما اشتري موتور استيراد. ايه الحاجات اللي اخدها معاه؟

ان شاء الله انا ناوي اشتري موتور استيراد لعربيتيى اسكواد كومبي 1997

ان شاء الله انا ناوي اشتري موتور استيراد لعربيتيى اسكواد كومبي 1997

عمرة ولا موتور استيراد وبعدين العمرة تعيش اد اية

الكلمات الدلالية لهذا الموضوع

المفضلات

المفضلات

ضوابط المشاركة