كنت عايز اعرف هل الأفضل اعمل سقف المطبخ و الحمام سيراميك ولا يدهن عادى لانى خايف يحصل مشاكل فى المستقبل ونلاقى السيراميك وقع على دماغنا لا قدر الله بسبب مشاكل فى المواسير ولا حاجة ياريت اللى جرب الموضوع ده او عنده خلفية يقولى رايه
عرض للطباعة
كنت عايز اعرف هل الأفضل اعمل سقف المطبخ و الحمام سيراميك ولا يدهن عادى لانى خايف يحصل مشاكل فى المستقبل ونلاقى السيراميك وقع على دماغنا لا قدر الله بسبب مشاكل فى المواسير ولا حاجة ياريت اللى جرب الموضوع ده او عنده خلفية يقولى رايه
لا مش بيتعمل
ينفع يا باشا
سقف حمام ومطبخ شقة والدى سقفهم معمول من 17 سنه بالسيراميك
وسقف حمام ومطبخ شقة اخويا معمولين سيراميك من 10 سنين
وسقف حمام ومطبخ شقتى بردة معمولين سيراميك بردة وبقالهم سنتين
وكلهم زى الفل ومفيش اى مشاكل على الاطلاق والحمدلله
الموضوع مسألة اذواق بس أنا شايف ان سيراميك السقف ده شكله وحش.
ده غير ان أول حاجة جت في بالي لما سمعت عنه هي حكاية ان بلاطه تقع على نفوخ الواحد.
يعني في رأيي، شكلياً ومن حيث السلامة، قلته أحسن.
ينفع يتعمل لكن ناس قليله اوى اللى بتعمله اصل ايه فايدة السيراميك ف السقف وشكله مش اوى فيه ديكورات شيك لاسقف الحمامات من الجبس او الجبسموم بورد واضاءات اجمل بكثير من السيراميك والموضوع ف الاخير اذواق
انا عامله بقالي 5 سنين و انا ساكن في اخر دور كمان ( يعني مطرة في الشتاء و جهنم في الصيف )
و الدنيا بيس جدا
لانه بيتلزق بأسمنت بس فبيبقى هو و السقف واحد يعني لو بلاطة وقعت يبقى السقف يقع معاها ( لازم السقف يكون على المسلح على فكره )
و تكلفة تركيبه بتبقى ضعف الأرضية
و على فكرة شكله تحفة جداً و خصوصاً لو عملت مثلاً الوزر الي في الحمام بالطول مش بالعرض و مشيته على السقف كمان ( للاسف الفكرة دي جاتلي بعد ما ركبت ماعملتهاش )
و هو احسن من العادي في حاجة
المطبخ بيبقى في زيوت فهما كانت خامة السقف هتتوسخ و هتبقى صعبة التنظيف
و الحمام رطوبة و بيقشر في الخامات العادية
علشان كدة انا عملتهم سيراميك و شكلهم جامد جدي
و الف مبروك مقدماً
الافضل تعمله لانه بيكون سهل التنظيف من بخار الزيت والذى منهاومن ناحيه بلاطه تقع دى انا عندى
الحمام والمطبخ من سنين وبعدين البلاط لو هيقع بيعمل اشارات زى شروخ فى الفواصل وحاجات زى كده وبيبان اثناء التنظيفبصراحه بيبقى جميل وممتاز
وبعدين انت شفت عندك فى سيراميك الحوائط بلاطه وقعت لوحدها؟؟؟!!!!!!!!!!!!!!
توكل على الله واعمله شكله ممتاز
شكرا على جميع الردود بس الموضوع محير فعلا وانا هفكر فيه لغاية لما اوصل لمرحلة السيراميك ومنتظر باقى اراء الأعضاء
لو السراميك والوزرة شكلهم حلو ... والصنايعى يكون شاطر
يعملك أحلى شغل فى السقف وعملى جداً فى المطبخ والحمام
عندنا في الدقهلية كله بيعمل سيراميك في سقف الحمامات والمطابخ لأنه أنظف طبعا
بس المشكلة لوجيت تغيير السراميك لأي سبب من الأسباب . أعتقد أن تكسيير سيراميك السقف هيكون صعب جدي
تصدق عمر الفكرة مجت فدماغي بس أعتقد هتبقى حل للي البيت عنده بيرطب كتير....
تحياتي
Sent from my SE Arc S using Forum Runner
بصراحه الموضوع ممكن يكون خطيراقتباس:
المشاركة الأصلية كتبت بواسطة greenday
لو في اي تسريبات مياه من اللي فوقك
ممكن يقع في اي وقت
ولو وقع علي حد لا قدر الله حيكون كارثه
وحتي لو وقع علي المطبخ والاجهزة الموجودة فيه
حيدمرها وحتكون خسارة كبير
تحياتي
وأنا باعمل شقتى السباك اقترح عليا يعمل تجليد لكمر السقف بس سيراميك ، وشفتها فكرة حلوة هتدى شكل كويس بس أنا كبرت دماغى علشان كنت مستعجل.
بيتعمل عادى جدااقتباس:
المشاركة الأصلية كتبت بواسطة greenday
بس فى محلات العصير
انا رأى بلاش منة افضل
انا عندى سقف البلكونة قبل المحارة و بطريق الخطا تم دهانة و ش واحد بوهية بلاستيك و عند عمل المحارة قمت بشراء مادة غالية تضاف للاسمنت تعمل على الالتصاق و تم محاولة شيل البوهية بنسبة 50 % و بعد 7 سنين تقريبا و قع كل المحارة بالكامل و الحمد للة لم تسقط على احد من الاسرة
فمثلا تضمن من فين انة اثناء الصبة لم يكن الخشب مدهون بزيت و طبعا دة موش هايكون واضح و بكدة يعمل عزل بين السيراميك و السقف او تضمن من فين انة جارك فوق لو دبدب او خبط فوق من السقف انة ممكن ياثر بشدة على السيراميك او نشع او تسريب مية
دهان بلاستيك بنوع جيد جدا قابل للغسيل س وف يكون افضل و ارخص وعملى فى حالة حب التغيير اسهل ودة راى الشخص
غالبا ممكن يقع على دماغ اصحاب البيت