الموضوع: لو اتنصب عليك احكلنا اتنصب عليك ازاى وناخد من تجربتك عبرة وعظة تفيد المجتمع كلة

المشاركة الأصلية كتبت بواسطة m_bander

هحكيلك الموقف اللى حصل معايا..

كنت ببيع شقتى وكنت منزل اعلان على الوسيط

كلمنى واحد وقالى انا فلان الفلانى دكتور مهندس فى جامعة فى دبى وعايز اجى اتفرج قلتله اتفضل

المهم يوم ما جالى لقيته مرة واحدة جرس الباب رن ،، كل اللى كانوا بيتصلوا كانوا لما يوصلوا شارع الهرم كانوا يتصلوا علشان يعرفوا فين الشارع بالضبط والعمارة ،، ده ما شاء الله وصل للشقة لوحده

المهم دخلته راجل ما شاء الله طول بعرض ولابس بدله ما شاء الله عليها وشنبر نضارة محترم والبرفان اللي ريحته لازقة فى مناخيرى لدلوقتى يعنى شكله فعلا راجل ما شاء لله عليه !!!

اول ما قعد بيحكيلى قالى انه من اسوان من ناس معروفين جدا هناك (بلاش ذكر اسماء) ،، وقالى انه وهو فى التاكسى نزل منه واكتشف ان نسى محفظه كبيرة بتاعته كان جايب فيها 5 الاف جنية علشان لو اتفقنا كعربون و اى فون فى التاكسى ولما اكتشف كده كلم التليفون بتاعه ورد عليه سواق التاكسى وقاله انسى وقفل التليفون.

طبعا منظر الراجل وطريقة كلامه يخليك تصدقه غصب عنك مفيش كلام ،، لا و كمان شالنى انت منين وبعدين جابلى اسامى ناس فى بلدنا فعلا وقاللى انه يعرفهم وهيروح يزورهم العيد اللى جاى ويكلمنى علشان اروح اسلم عليه

المهم الراجل اتفرج على الشقه وعجبته وقالى انه هياخدها لبنته اللى بتدرس فى جامعة 6 اكتوبر وكمان على استعداد يشتريها بالعفش كمان

جينا للمهم قالى انت طالب كام قولتله على السعر ،، طبعا انا متوقع انه زى اى حد هيقطع نفسى فى الفصال ،، كل اللى عمله يعنى متكرمناش فى السعر وتخليها بكذا ،، قلتله لا ما ينفعش ( ما هو زبون لقطة ) المهم قالى كلامك ماشى واللى هيدفع دوول يدفع دول.

بعد كده قالى ممكن اعمل مكالمة من تليفونك لاهلى فى البلد علشان يتصرفولى فى الحاجات اللى ضاعت علشان المحفظة دى فيها كل اوراقى ،، قلتله اتفضل طبعا اخد التليفون كلم حد وانا روحت اجيبله واجب الضيافة

المهم قالى انا بكرة هقابل المحامى بتاعى وبعد بكرة ان شاء الله نكلمك ونروح البنك نخلص البيعه واديك فلوسك قلتله ماشى

جه سالنى هو مفيش اوتوبيسات من شارع الهرم تروح الفندق بتاعى ( هيلتون رمسيس) ؟؟

قولتله فيه بس ايه اللي يخلي حضرتك تاخد اتوبيس ما تركب تاكسى احسن بدل البهدله؟

وشه احمَر وقالى ما انا معييش يكفى تمن التاكسى للفندق يادوب الفكة اللى معايا ينفع اتوبيس

قولتله طيب ما انا ممكن اسلف حضرتك وبعدين الحساب يجمع ،، وشه احمر تانى ووافق على استحياء

دخلت جبتله 50 جنيه واديتهاله اخدهم ومشى.

بعد ما مشى بدات افكر فى مسلسل الاحداث دى ،، قلت للمدام انا مش مرتاح للراجل ده ،، ازاى ما فصلش قوى فى سعر الشقه؟؟ قالتلى انت مش شايف منظره عامل ازاى؟؟ ده اكيد مش فارقه معاه ،،حكتلها على موضوع الفلوس طبعا علشان طيبة الستات مراتى قالتلى حرام عليك 50 جنيه بس ؟ افرض الراجل ملحقش يتصرف من النهاردة لبكرة؟؟ كنت اديتله 500 ولا حاجه.

حصلت بقى الحاجه اللى كشفت النصباية ،، مسكت موبايلى لاقيت انه silent فشكيت هو عمله سايلنت ليه غير علشان لو اتكلم ورن ما يبانش انه كداب؟؟

رنيت على الرقم اللى هو طلبه لقيته مغلق ،،، هنا بس عرفت ان اتنصب عليا :)))))

طبع اكيد الباشا عايش على الوسيط وبيشتغل الناس بالطريقة نفسها

طبعا انا برضه علشان مظلمهوش بقيت احاول اتصل بيه على الرقم اللى كلمنى اول مرة ،، كان مغلق

مرة واحده رن لغاية ما خلص وبعدها بقى مغلق.

طبعا انا حمدت ربنا انا نزل عليا الشُح ساعتها ومدتلوش غير 50 جنيه بس ،، وحمدت ربنا اكتر ان كنت سايب بنتى كان عندها سنه معاه فى الريسيبشن ومفتاح الشقة فى الباب من جوة ،، كويس انه مخطفهاش وقفل عليا الباب من بره ومساومنيش عليها.

هى دى قصة النصب اللى حصلت معايا.

ملحوظة : ممنوع اي شتيمة عليا او غلط حتى لو فى سرك :))))))))))))

مش ممكن ولا فى الخيال القصة دى بجد وطريقة حكيك رهيبة بجد المفروض تشتغل صحفى او اعلامى

والنصبة اللى حصلت دى عليك
لو انا مكانك كان انتصب عليا فى مبلغ محترم مش خمسنيجنية بس !!!


ة انت بطل على فكرة

انتا راجل محترم و اتصرفت صح و كفايه خمسين و ربنا يعوضهالك ب خمسين الف حسنه

المشاركة الأصلية كتبت بواسطة m_bander

هحكيلك الموقف اللى حصل معايا..

كنت ببيع شقتى وكنت منزل اعلان على الوسيط

كلمنى واحد وقالى انا فلان الفلانى دكتور مهندس فى جامعة فى دبى وعايز اجى اتفرج قلتله اتفضل

المهم يوم ما جالى لقيته مرة واحدة جرس الباب رن ،، كل اللى كانوا بيتصلوا كانوا لما يوصلوا شارع الهرم كانوا يتصلوا علشان يعرفوا فين الشارع بالضبط والعمارة ،، ده ما شاء الله وصل للشقة لوحده

المهم دخلته راجل ما شاء الله طول بعرض ولابس بدله ما شاء الله عليها وشنبر نضارة محترم والبرفان اللي ريحته لازقة فى مناخيرى لدلوقتى يعنى شكله فعلا راجل ما شاء لله عليه !!!

اول ما قعد بيحكيلى قالى انه من اسوان من ناس معروفين جدا هناك (بلاش ذكر اسماء) ،، وقالى انه وهو فى التاكسى نزل منه واكتشف ان نسى محفظه كبيرة بتاعته كان جايب فيها 5 الاف جنية علشان لو اتفقنا كعربون و اى فون فى التاكسى ولما اكتشف كده كلم التليفون بتاعه ورد عليه سواق التاكسى وقاله انسى وقفل التليفون.

طبعا منظر الراجل وطريقة كلامه يخليك تصدقه غصب عنك مفيش كلام ،، لا و كمان شالنى انت منين وبعدين جابلى اسامى ناس فى بلدنا فعلا وقاللى انه يعرفهم وهيروح يزورهم العيد اللى جاى ويكلمنى علشان اروح اسلم عليه

المهم الراجل اتفرج على الشقه وعجبته وقالى انه هياخدها لبنته اللى بتدرس فى جامعة 6 اكتوبر وكمان على استعداد يشتريها بالعفش كمان

جينا للمهم قالى انت طالب كام قولتله على السعر ،، طبعا انا متوقع انه زى اى حد هيقطع نفسى فى الفصال ،، كل اللى عمله يعنى متكرمناش فى السعر وتخليها بكذا ،، قلتله لا ما ينفعش ( ما هو زبون لقطة ) المهم قالى كلامك ماشى واللى هيدفع دوول يدفع دول.

بعد كده قالى ممكن اعمل مكالمة من تليفونك لاهلى فى البلد علشان يتصرفولى فى الحاجات اللى ضاعت علشان المحفظة دى فيها كل اوراقى ،، قلتله اتفضل طبعا اخد التليفون كلم حد وانا روحت اجيبله واجب الضيافة

المهم قالى انا بكرة هقابل المحامى بتاعى وبعد بكرة ان شاء الله نكلمك ونروح البنك نخلص البيعه واديك فلوسك قلتله ماشى

جه سالنى هو مفيش اوتوبيسات من شارع الهرم تروح الفندق بتاعى ( هيلتون رمسيس) ؟؟

قولتله فيه بس ايه اللي يخلي حضرتك تاخد اتوبيس ما تركب تاكسى احسن بدل البهدله؟

وشه احمَر وقالى ما انا معييش يكفى تمن التاكسى للفندق يادوب الفكة اللى معايا ينفع اتوبيس

قولتله طيب ما انا ممكن اسلف حضرتك وبعدين الحساب يجمع ،، وشه احمر تانى ووافق على استحياء

دخلت جبتله 50 جنيه واديتهاله اخدهم ومشى.

بعد ما مشى بدات افكر فى مسلسل الاحداث دى ،، قلت للمدام انا مش مرتاح للراجل ده ،، ازاى ما فصلش قوى فى سعر الشقه؟؟ قالتلى انت مش شايف منظره عامل ازاى؟؟ ده اكيد مش فارقه معاه ،،حكتلها على موضوع الفلوس طبعا علشان طيبة الستات مراتى قالتلى حرام عليك 50 جنيه بس ؟ افرض الراجل ملحقش يتصرف من النهاردة لبكرة؟؟ كنت اديتله 500 ولا حاجه.

حصلت بقى الحاجه اللى كشفت النصباية ،، مسكت موبايلى لاقيت انه silent فشكيت هو عمله سايلنت ليه غير علشان لو اتكلم ورن ما يبانش انه كداب؟؟

رنيت على الرقم اللى هو طلبه لقيته مغلق ،،، هنا بس عرفت ان اتنصب عليا :)))))

طبع اكيد الباشا عايش على الوسيط وبيشتغل الناس بالطريقة نفسها

طبعا انا برضه علشان مظلمهوش بقيت احاول اتصل بيه على الرقم اللى كلمنى اول مرة ،، كان مغلق

مرة واحده رن لغاية ما خلص وبعدها بقى مغلق.

طبعا انا حمدت ربنا انا نزل عليا الشُح ساعتها ومدتلوش غير 50 جنيه بس ،، وحمدت ربنا اكتر ان كنت سايب بنتى كان عندها سنه معاه فى الريسيبشن ومفتاح الشقة فى الباب من جوة ،، كويس انه مخطفهاش وقفل عليا الباب من بره ومساومنيش عليها.

هى دى قصة النصب اللى حصلت معايا.

ملحوظة : ممنوع اي شتيمة عليا او غلط حتى لو فى سرك :))))))))))))

يارااااااااااااااااجل دنا اتثبت وانا في مكاني .... الراجل شكله متعوددددددددد ومتمرررررررررررس انه يروح للضحايا بيوتها ويتعامل بكل ثقة كدة.

الحمد لله انها جت علي اد الخمسين جند فعلا ... بس الدرس اللي اتعلمته بصراحة يستاهل اكتر من كدة.

الحمد لله وربنا مايجيبها لحد !!

بس فعلا لازم تكون قمة في عدم الثقة والتشكيك

ادفع فلوس بمزاجي أه لكن يتنصب عليا لا !